បាល់ទាត់៖យោងតាមកាសែត The Star បានឲ្យដឹងដថា ក្លិបបិសាចក្រហម Manchester United បានត្រៀមប្រាក់៦៥លានផោនដើម្បីទិញយកខ្សែបម្រើ Eden Hazard ពីក្លិបតោខៀវ Chelsea នៅខែមករានេះ។
ខ្សែបម្រើសញ្ជាតិបែលហ្សិកវ័យ២៥ឆ្នាំរូបនេះ បាននិយាយថា របស់រូបគេចង់ចាកចេញពីកីឡដ្ឋាន Stamford Bridge ដែលធ្វើឲ្យក្លិបធំៗដូចជា Real Madrid, Paris Saint-Germain និង Bayern Munich កំពុងតែចាប់អារម្មណ៍យ៉ាងខ្លាំង។ ប៉ុន្តែបើតាមសេចក្ដីរាយការណ៍ចុងក្រោយ Man Utd គ្រោងនឹងដេញថ្លៃមុនគេ៦៥លានផោន។
លោក Louis Van Gaal អ្នកចាត់ការទូរទៅរបស់ក្លិប Man Utd បាននិយាយថា គោលដៅចង់ទិញ Hazard វិញ ដោយសារតែពួកគេមិនអាចលួងលោម Gareth Bale និង Cristiano Ronaldo ឲ្យចាកចេញពី Real Madrid បាន។
គួរបញ្ជាក់ថា ខ្សែបម្រើ Eden Hazard ផ្លាស់ពីក្លិប Lille របស់បារាំងមកកាន់ក្លិបតោខៀវ Chelsea កាលពីឆ្នាំ២០១២ និងបានបង្ហាញឲ្យក្រុម១២៥ប្រកួតហើយស៊ុតបញ្ចូលទីបានចំនួន៣៧គ្រាប់៕
