កម្ពុជាប៉ះបារ៉ែនរសៀលនេះនៅ Bangabadhu Gold Cup
បាល់ទាត់៖ក្រោយបរាជ័យក្រោមថ្វីជើងម៉ាល់ឌីវទាំងមិនអស់ចិត្តក្រុមជម្រើសជាតិកម្ពុជានឹងជួបប្រកួតលើកទី២ជាមួយក្រុមបារ៉ែននា វេលាម៉ោង៤រសៀល ថ្ងៃទី១៤ ខែមករានេះ នៃពានរង្វាន់ Bangabadhu Gold Cup 2016 នៅកីឡដ្ឋាន Bangabadhu National Stadium នៅប្រទេសបង់ក្លាដេស។
ក្រុមទាំងពីរបានឆ្លងកាត់មួយប្រកួតដូចគ្នានៅពូល B ដោយក្រុម U-23 បារ៉ែន ទទួលបាន១ពិន្ទុ បន្ទាប់ពីស្មើក្រុមម្ចាស់ផ្ទះបង់ក្លាដេស១-១ ខណៈកម្ពុជាមិនទាន់មានពិន្ទុរាប់នៅឡើយទេ ក្រោយពេលចាញ់ក្រុមជម្រើសជាតិម៉ាល់ឌីវដោយលទ្ធផល ៣-២។ ការប្រកួតនេះពិតជាសំខាន់ខ្លាំងណាស់សម្រាប់ក្រុមទាំងពីរដើម្បី បន្តក្តីសង្ឃឹមទៅវគ្គពាក់កណ្តាលផ្តាច់ព្រ័ត្រ ជាពិសេសក្រុមកម្ពុជាត្រូវការពិន្ទុជាចាំបាច់៕
