បាល់ទាត់៖ក្លិបហង្សក្រហម Liverpool កំពុងរៀបចំសំណើក្នុងកញ្ចប់ទឹកប្រាក់ប្រមាណ ៤៥.៨ លានផោន ដើម្បីដាក់ទៅកាន់ក្លិបសេះបង្កង់ Juventus លើការទិញយកខ្សែប្រយុទ្ធ Alvaro Morata នៅរដូវកាលដោះដូរកីឡាករក្នុងខែមករានេះ។
កីឡាករ សញ្ជាតិអេស្ប៉ាញ វ័យ២៣ឆ្នាំដែលគេចាត់ទុកថា ជាខ្សែប្រយុទ្ធដ៏ល្អបំផុតក្នុង ក្របខ័ណ្ឌ Italy Serie A កាលពីរដូវកាលមុនរូបនេះត្រូវបានគេរំពឹងថា នឹងអាចចាកចេញពីក្លិបសេះបង្កង់ Juventus ខណៈដែលនៅប៉ុន្មានប្រកួតចុងក្រោយនេះកីឡាករ Alvaro Morata មិនបានជាប់ជាជម្រើស១១នាក់ដំបូងរបស់អ្នកចាត់ការ Massimiliano Allegri ឡើយ គ្រាដែលតំណែងនេះត្រូវបានជំនួសដោយ Mario Mandzukic។
គួរបញ្ជាក់ថា ខ្សែប្រយុទ្ធ Alvaro Morata ត្រូវបានក្លិបសេះបង្កង់ Juventus នាំយកមកពីក្លិបអធិរាជស Real Madrid កាលពីខែកក្កដា ឆ្នាំ២០១៤ ក្នុងតម្លៃពលកម្ម២០លានអឺរ៉ូ និងបានស៊ុតបាល់បញ្ចូលទីគូប្រកួតឲ្យក្លិបសេះបង្កង់ Juventus ៩គ្រាប់ ក្នុងការបង្ហាញខ្លួន ៤៧លើកនៅគ្រប់ការប្រកួតទាំងអស់៕
