បាល់ទាត់៖ក្រុម Manchester City ឡើងប៉ះ Liverpool នៅវគ្គផ្ដាច់ព្រ័ត្រLeague Cup បន្ទាប់ពីយក ឈ្នះ ក្រុមទូកក្តោងEverton ៣-១ក្នុងការប្រកួតជើងទី២វគ្គពាក់កណ្ដាលផ្ដាច់ព្រ័ត្រយប់មិញ។
ក្រុមភ្ញៀវ Everton ដែលឈ្នះ Man City ២-១ កាលជើងទី១បាននាំមុខ ១-០ មុនទៀតនៅនាទី១៨ ដែលរកបានដោយ Ross Barkley។ ប៉ុន្តែ Fernandinho រកគ្រាប់តាមស្មើនៅនាទី២៤ ខណៈដែល Kevin de Bruyne រកបាន១គ្រាប់ទៀតនាទី៧០។ លទ្ធផល ២-១ នេះមិនអាចនៅយូរទេ ពោលគឺនាទី៧៦ Aguero បានតែតគ្រាប់ទី៣ ឲ្យ Man City ឡើងផ្ដាច់ព្រ័ត្រតែម្ដង ដោយសរុបគ្រាប់បាល់ទាំង២ជើងគឺ Man City ឈ្នះ Everton ៤-៣។
គួរបញ្ជាក់ថា ពានរង្វាន់ League Cup ឬ Capital One Cup រដូវកាល២០១៥-២០១៦នេះ នឹងធ្វើការប្រកួតនៅកីឡដ្ឋានជាតិអង់គ្លេស Wembley នាថ្ងៃទី២៨ ខែកុម្ភៈខាងមុខនេះ៕
