បាល់ទាត់៖អតីតកីឡាករក្រុមបិសាចក្រហម Man Utd លោក Gary Neville ត្រូវបានក្លឹប Valencia របស់អេស្ប៉ាញបណ្តេញញចេញពីតួនាទីជាគ្រួបង្វឹករបស់ក្លិបកាលពីយប់មិញបន្ទាប់ពីដឹកនាំក្រុមមិនបានល្អក្នុងរយៈពេល៤ខែកន្លងមក។
អតីតខ្សែការពារក្រុមបិសាចក្រហមសញ្ជាតិអង់គ្លេសវ័យ៤១ឆ្នាំរូបនេះ បានមកកាន់តំណែងដ៏គួរឲ្យភ្ញាក់ផ្អើលដំបូងកាលពីខែឆ្នូ បន្ទាប់ពីប្រធានក្លឹបលោក Peter Lim គិតថា គាត់អាចដឹកនាំក្រុមទទួលបានជោគជ័យនៅ La Liga បន្តពីលោក Nuno ។ ប៉ុន្តែក្រុម Valencia រយៈពេល៤ខែកន្លងមក ដែលស្ថិតនៅក្រោយការដឹកនាំរបស់លោក Gary Neville ឈ្នះ៣ដងប៉ុណ្ណោះក្នុងចំណោម១៦ប្រកួតនៅក្នុង La Liga តែវាមិនដូចការរំពឹងទុក មហាសេដ្ឋីជនជាតិសិង្ហបុរីរូបនេះ។
គួរបញ្ជាក់ថា ក្រុម Valencia បច្ចុប្បន្នឈរនៅចំណាត់ថ្នាក់ទី១៤នៅតារាងលីគកំពូលរបស់អេស្ប៉ាញ ដែលមានត្រឺមតែ៦ពិន្ទុប៉ុណ្ណោះពីតំបន់ត្រូវគេកាត់ចោល៕
