បាល់ទាត់៖សេចក្តីរាយការណ៍មួយបានឲ្យដឹងថា លោកគ្រួបង្វឹកក្រុមជម្រើសជាតិអ៊ីតាលី លោក Antonio Conte បានមកដល់នៅក្នុងទីក្រុងឡុងដ៍នឹងធ្វើការចុះកិច្ចសន្យាជាមួយ Chelsea នៅថ្ងៃស្អែកនេះ។
លោកគ្រួបង្វឹកសញ្ជាតិអីតាលីវ័យ៤៦ឆ្នាំរូបនេះ បានមានទំនាក់ទំនងក្នុងការមកដឹកនាំនៅកីឡដ្ឋាន Stamford Bridge ចាប់តាំងពីការចាកចេញរបស់លោក Jose Mourinho កាលពីខែធ្នូជាមួយនឹងអ្នកចាត់ការទូទៅបណ្តោះអាសន្នលោក Guus Hiddink ដែលនិងអាចបណ្តេញចេញនៅពេលបញ្ចប់រដូវកាលនេះ។
តាមអះអាងរបស់លោក Di Marzio បានឲ្យឹដឹងថា វាពិតជាត្រឹមត្រូវមែន លោក Roman Abramovich ទទួលបានបុរសដែលគាត់ពេញចិត្តដែលនឹងមកដឹកនាំក្រុមមួយឲ្យទទួភាពជោគច័យនៅរដូវកាលក្រោយនេះ។
គួរបញ្ជាក់ថា លោកគ្រូវ័យ ៤៦ ឆ្នាំរូបនេះ នឹងដឹកនាំក្រុមជម្រើសជាតិអ៊ីតាលីរហូតដល់យុទ្ធនាការបាល់ទាត់យ៉ូរ៉ូ ២០១៦ បញ្ចប់ ដែលនឹងរៀបចំឡើងក្នុងប្រទេសបារាំងនាពេលខាងមុខ៕
