បាល់ទាត់៖សេចក្តីរាយការណ៍មួយបានឲ្យដឹងថា ក្រុមញញួរធំ West Ham United កំពុងមានផែនការក្នុងការទិញយកខ្សែប្រយុទ្ធ Theo Walcott ពីក្រុមកាំភ្លើងធំ Arsenal នារដូវក្តៅខាងមុខនេះ។
ញញួរធំ West Ham បានអះអាងថា ក្លិបកំពុងឲ្យភ្នាក់ងារតាមសង្កេតរកកីឡាករណាល្អៗកមកាន់កីឡាដ្ឋាន Upton Park យ៉ាងហោចណាស់ក៏ម្នាក់ផងដែរ។
ខ្សែប្រយុទ្ធក្រុមហង្សក្រហម Liverpool កីឡាករ Christian Benteke ក៏ស្ថិតនៅក្នុងបញ្ជីឈ្មោះនៃការផ្លាស់ប្តូររបស់ក្រុមញញួរធំរូមទាំងមិត្តរួមក្រុម របស់ Walcott កីឡាករ Alex Oxlade-Chamberlain និងកីឡាករ Jack Wilshere ផងដែរ។
យ៉ាងណាមិញ Brentwood Gazette បានអះអាងថាឥឡូវនេះញញួរធំ West Ham បច្ចុប្បន្ននេះកំពុងតែយកចិត្តទុកដាក់ក្នុងការផ្លាស់ប្តូរខ្សែប្រយុទ្ធវ័យ២៦ឆ្នាំរូបនេះមកកាន់ក្លិបនៅរដូវក្តៅនេះ។
បើតាមរបាយការណ៍បន្ថែមរបស់ប្រធានក្លិប West Ham លោក Slaven Bilic ត្រូវបានរៀបចំដើម្បីជួយសម្រួលដល់ការមកលេងរបស់កីឡាករ អង់គ្លេសរូបនេះនៅក្នុង្លក្លិប West Ham ។
គួរបញ្ជាក់ថា Walcott ផ្លាស់ពីក្រុម Southampton មកកាន់ក្រុម Arsenal ក្នុងឆ្នាំ ២០០៦ ហើយស៊ុតបញ្ចូលទីបានចំនួន ៥៤ គ្រាប់ក្នុងក្របខ័ណ្ឌ Premier League សម្រាប់ក្រុមកាំភ្លើងធំ Arsenal ៕
