បាល់ទាត់៖ក្រុមតោខៀវ Chelsea កំពុងស្ថិតនៅក្នុងកិច្ចពិភាក្សាជាមួយនិងអ្នកតំណាងរបស់កីឡាករ Javier Pastore លើកិច្ចព្រមព្រៀងមួយដែលមានសក្តានុពលនៅរដូវក្តៅនេះ។នេះបើយោងតាមការទទួលឲ្យ ដឹងពីក្លិបបាល់ទាត់នៅបារាំង។
សេចក្តីរបាយការណ៍នេះបានអះអាងថា កីឡាករសញ្ជាតិអាហ្សង់ទីរូបនេះ គឺមិនសប្បាយចិត្តនឹងតួនាទីបច្ចុប្បន្នរបស់គាត់នៅក្លិប Paris Saint-Germain និងកំពុងពិចារណាក្នុងការចាកចេញពីនៅចុងបញ្ចប់នៃរដូវកាលនេះ ខណៈពេលដែលលេចឮថា កីឡាករវ័យ២៦ ឆ្នាំរូបនេះ ចង់ចាកចេញនោះមានក្លិបធំៗជាច្រើនដូចជា Chelsea, Manchester City, Barcelona, Juventusនិងក្រុម Bayern Munich មានការចាប់អារម្មណ៍ក្នុងយការប្រកួតប្រជែងដណ្តើមយកកីឡាករ Javier Pastore ផងដែរ។
គួរបញ្ជាក់ថា កីឡាកររូបនេះ ផ្លាស់ចេញពីក្រុម Palermo មកកាន់ក្រុម Paris Saint Germain កាលពីឆ្នាំ២០១១ ហើយបានបង្ហាញឲ្យក្រុមចំនួន១៤៤ប្រកួតនឹងស៊ុតបញ្ចូលទីបាន២៥គ្រាប់៕
