Mahrez ជាប់ជាកីឡាករឆ្នើមប្រចាំឆ្នាំនៃក្របខ័ណ្ឌ Premier League
បាល់ទាត់៖កីឡាករ Riyad Mahrez ខ្សែប្រយុទ្ធដ៏ឆ្នើមរបស់ក្រុមកញ្ជ្រោងព្រៃ Leicester City ត្រូវបានបោះឆ្នោតជាប់ជាកីឡាករល្អបំផុតប្រចាំឆ្នាំ២០១៦នៅក្នុងក្របខ័ណ្ឌ Premier League នារដូវកាលនេះ។
ខ្សែប្រយុទ្ធស្លាបសញ្ជាតិអាល់ហ្សេរីកើតនៅបារាំងវ័យ ២៥ ឆ្នាំរូបនេះកំពុងតែបានបង្ហាញនូវ ទម្រង់លេងដ៏ល្អដើម្បីដឹកនាំ Leicester ឆ្ពោះមករកពានរង្វាន់ Premier League មិនគួរឱ្យជឿ និងទទួលពានរង្វាន់នេះនៅពិធីដ៏អធិកអធមមួយក្នុងទីក្រុងឡុងដ៍។
គួរបញ្ជាក់ថា Mahrez ទិញពីក្រុម Le Havre នៅក្របខ័ណ្ឌ Ligue 2 របស់បារាំងក្នុងតម្លៃ ៤០០.០០០ ផោន កាលពីខែមករា ឆ្នាំ២០១៤ បានស៊ុតចូលទី ១៧ គ្រាប់ និងបញ្ជូនបាល់ឲ្យមិត្តរួមក្រុមស៊ុតបាន ១១ គ្រាប់ដើម្បីជួយ Leicester ជិតឈានទៅក្លាយជាជើងឯកអង់គ្លេសជាលើកដំបូង៕
