បាល់ទាត់៖យោងតាមសេចក្តីរាយការណ៍មួយបានឲ្យដឹងថា ខ្សែបម្រើ Tom Rogic របស់ក្រុម Celtic បានក្លាយជាគោលដៅដ៏សំខាន់របស់ក្រុមកាំភ្លើងធំ Arsenal នៅចុងសប្តាហ៍នេះ។ខ្សែបម្រើសញ្ជាតិអូស្ត្រាលីវ័យ២៣ឆ្នាំរូបនេះ កិច្ចសន្យារបស់គេនៅកីឡាដ្ឋាន Parkhead មានរយៈពេលតែមួយឆ្នាំប៉ុណ្ណោះ ខណៈពេលដែលគេជឿថាកីឡាកររូបនេះកំពុងតែយកចិត្តទុកដាក់ចំពោះក្រុមមួយចំនួនដែលស្ថិតនៅក្នុងតំបន់អ៊ឺរ៉ុបនោះ។
យោងតាមការចេញផ្សាយរបស់កាសែត The Scottish Sun បានឲ្យដឹងថា ខ្សែបម្រើរូបនេះកំពុងមានទំនាក់ទំនងមួយក្រុមកាំភ្លើងធំយ៉ាងស្អិតរមួតហើយក៏មានបំណងចង់ផ្លាស់មកក្រុមនេះរដូវកាលក្រោយផងដែរ ប៉ុន្តែយ៉ាងណាមិញសេចក្តីរាយកាណ៍បានបន្តមានក្រុមជាច្រើនដូចជាក្រុម Valencia និង Fiorentina កំពុងតែប្រជែងគ្នាដើម្បីចុះហត្ថលេខាក្នុងការនាំយកខ្សែបម្រើវ័យ២៣ឆ្នាំរូបនេះមករួមក្រុមផងដែរ។
គួរបញ្ជាក់ថា ក្រុមកាំភ្លើធំមានចំណាប់អារម្មណ៍ចំពោះខ្សែបម្រើរូបនេះ បន្ទាប់ពីបានបង្ហាញនូវទម្រង់លេងបានយ៉ាងល្អនៅដែលក្រុមជម្រើសជាតិអូស្ត្រាលីធ្វើការប្រកួតមិត្តភាពជាមួយក្រុមជម្រើសជាតិអង់គ្លេស នៅកីឡាដ្ឋាន Stadium of Light កាលពីថ្ងៃសុក្រសប្តាហ៍នោះ៕
