បាល់ទាត់៖ការប្រកួតបាល់ទាត់ដណ្តើមពានរង្វាន់ Copa America 2016 កាលពីព្រឹកមិញនេះ ក្រុមជម្រើសជាតិឈីលី បានធ្វើដំណើរឡើងទៅកាន់វគ្គ៨ក្រុមបន្តទៀត បន្ទាប់ពីយកឈ្នះលើប៉ាណាម៉ា ៤-២ ក្នុងការប្រកួតសន្សំពិន្ទុពូល D ។
ការប្រកួតនៅក្នុងតង់ទីមួយ លេងមិនបានប៉ុន្មាននាទីផង ក្រុមជម្រើសជាតិប៉ាណាម៉ា ក៏បានស៊ុតទម្លុះសំណាញ់ទីនាំមុខដោយកីឡាករ Miguel Camargo នៅនាទី៥ ប៉ុន្តែក្រុមជម្រើសជាតិឈីលី ក៏វាយសម្រុកតាមបានពីរគ្រាប់វិញនៅនាទី ១៥,៤៣ ដោយកីឡាករ Eduardo Vargas នឹង Alexis Sanchez ចប់ការប្រកួតក្នុងទីមួយ ឈីលី នាំមុខ ប៉ាណាម៉ា ២-១។
លុះចូលមកដល់តង់ទីពីរ ឈីលី បានបន្ថែមពីរគ្រាប់ទៀត ដោយកីឡាករ Alexis Sanchez នៅនទី៥០ និងនាទី៨៩ រីឯប៉ាណាម៉ា ក៏ស៊ុតបញ្ចូលទីបានមួយទៀតផងដែរនៅនាទី៧៥ ដោយកីឡាករ Abdiel Arroyo ចប់ការប្រកួត ឈីលី យកឈ្នះ ប៉ាណាម៉ា ៤-២
គួរបញ្ជាក់ដែរថា នៅក្នុងពូល D ឈីលីបានចាប់ដៃគ្នាជាមួយអាហ្សង់ទីន ឆ្លងទៅវគ្គ៨ក្រុមចុងក្រោយជាបន្ត នៃការប្រកួតបាល់ទា់ Copa America 2016 ៕
