Vardy បដិសេធសំណើរបស់ក្រុមកាំភ្លើងធំ Arsenal
បាល់ទាត់៖ខ្សែប្រយុទ្ធដ៏ឆ្នើមរបស់ក្រុមកញ្ជ្រោងព្រៃ Leicester City គឺកីឡាករ Jamie Vardy បានចេញមុខមកបដិសេធនូវសំណើរបស់ក្រុមកាំភ្លើងធំ Arsenal ក្នុងការផ្ទេរយករូបគេមកកាន់កីឡាដ្ឋាន Emirates នារដូវកាលក្រោយនេះ។
ខ្សែប្រយុទ្ធសញ្ជាតិអង់គ្លេសវ័យ២៩ឆ្នាំរូបនេះ ត្រូវបានក្រុមកាំភ្លើងធំ ត្រៀមផ្តល់ជូននូវតម្លៃខ្លួម២០លានផោននិងថ្លៃពលកម្ម ១២០០០០ ផោនក្នុងមួយសប្ដាហ៍ ប៉ុន្តែត្រូវបានកីឡាកររូបនេះបដិសេធ ខណៈរូបគេកំពុងមាន គ្រោងបន្តកុងត្រាថ្មីនៅកីឡដ្ឋាន King Power បន្តទៀត។
គួរបញ្ជាក់ដែរថា ខ្សែប្រយុទ្ធ Vardy បានចាកពីក្រុម Fleetwood Town មកកាន់ក្រុម Leicester កាលពីឆ្នាំ ២០១២ ក្នុងតម្លៃ១លានផោន នឹង បានស៊ុតបញ្ចូលទីចំនួន២៤គ្រាប់នៅរដូវកាលនេះ៕
