បាល់ទាត់៖យោងតាមសេចក្តីរាយការណ៍របស់សារព័ត៌មាន The Sun បានឲ្យដឹងថា ខ្សែបម្រើដល់មានឥទ្ធិពលរបស់ក្រុមកាំភ្លើងធំ Arsenal គឺកីឡាករ Aaron Ramsey ក្លាយជាគោលដៅដ៏សំខាន់របស់លោក Jose Mourinho ដែលគាត់មកកែនៅរចនាសម្ព័ន្ធរបស់ក្រុមបិសាចក្រហម Manchester United នៅរដួវកាលក្រោយនេះ។
ខ្សែបម្រើរបស់កាំភ្លើងធំ Arsenal ដែលមានតម្លៃខ្លួន៥០លានផោនរូបនេះ ត្រូវបានទទួលនូវការកោតសសើរពីសំណាក់លោក Mourinho នៅទម្រង់លេងរបស់គេថាដូចទៅនឹងកីឡាករ Frank Lampard ដែលបច្ចប្បន្នកំពុងតែប្រកបអាជីពនៅឯងសហរដ្ឋអាមេរិកនោះ។
យ៉ាងណាមិញ ក្រុមបិសាចក្រហមត្រូវបានក្រុម Borussia Dortmund បដិសេធនូវសំណើរកាលពីសប្តាហ៍មុនក្នុងការនាំយក កីឡករ Henrikh Mkhitaryan ប៉ុន្តែ អ្នកចាត់ការទូទៅក្រុមនឹងព្យាយាមបញ្ចុះបញ្ចូល Ramsey ក្នុងការផ្លាស់មកកាន់ ទឹកដី Old Trafford មុនពេលនៃរដូវកាល ២០១៦ -១៧ ចាប់ផ្តើម៕
