បាល់ទាត់៖យោងតាមសេចក្តីរាយការណ៍ពីក្លិបកាំភ្លើងធំ Arsenal បានឲ្យដឹងថា ក្លិបកំពុងតែរៀបចំដាក់សំណើរទៅកាន់ក្លិប Lyon ដើម្បីទិញយកខ្សែប្រយុទ្ធ Alexandre Lacazette នៅពេលដែលទីផ្សារកីឡាករបើកនារដូវក្តៅខាងមុខនេះ។
ខ្សែប្រយុទ្ធសញ្ជាតិបារាំងវ័យ២៥ឆ្នាំរូបនេះ បានស៊ុតបញ្ចូលទីចំនួន២៣គ្រាប់ក្នុងការបង្ហាញខ្លួន៤៣លើក នៅក្នុងក្របខ័ណ្ឌ Ligue 1 របស់បារាំង កាលពីរដូវកាលមុន។ ប៉ុន្តែ លោកមិនបានជាប់ជាក្រុមជម្រើសជាតិបារាំងសម្រាប់ព្រឺត្តិការណ៍ Euro 2016 នេះទេ។
លោក Arsene Wenger ដែលជាអ្នកចាត់ទូទៅរបស់ក្លិបកាំភ្លើងធំ Arsenal បានឲ្យដឹងថា លោកត្រៀមខ្លួនជួបជាមួយនឹង លោក David Venditelli ដែលជាភ្នាក់ងាររបស់កីឡាករ Lacazette នៅសប្តាហ៍នេះដើម្បីពិភាគ្សានូវតម្លៃសម្រាប់ការផ្លាស់ប្តូរមកកាន់ក្លិប Arsenal ។
គួរបញ្ជាក់ដែរថា ក្លិបកាំភ្លើងធំ Arsenal កំពុងតែមានការប្រកួតប្រជែងគ្នាជាមួយ ក្លិប West Ham United និង Atletico Madrid ក្នុងការចុះហត្ថលេខាទិញយកកីឡាករ Lacazette មករួមក្រុមផងដែរ៕
