Zlatan នឹងបង្ហាញខ្លួនដំបូងឲ្យ Mna Utd ចុងសប្តាហ៍នេះ
បាល់ទាត់៖ខ្សែប្រយុទ្ធចំណូលថ្មីរបស់ក្លិបបិសាចក្រហម Manchester United គឺកីឡាករ Zlatan Ibrahimovic បានចូលហ្វឹកហាត់ជាមួយមិត្តរួមក្រុមជាលើកដំបូងរបស់ខ្លួន។
ខ្សែប្រយុទ្ធសញ្ជាតិស៊ុយអែតវ័យ៣៤ឆ្នាំរូបនេះត្រូវបានគេឃើញចូលហ្វឹកហាត់រួមគ្នាទាំងអស់ជាលើកដំបូង ដែលរួមមានទាំង Zlatan, Marouane Fellaini, Bastian Schweinsteiger, Morgan Schneiderlin និង Anthony Martial ។ Zlatan បានអវត្តមានឲ្យក្រុម Man Utd កាលទៅប្រកួតនៅចិន ដោយសារក្លឹបឲ្យពេលសម្រាកបន្ថែម ក្រោយចប់ Euro 2016។
គួរបញ្ជាក់ថា Zlatan នឹងអាចបង្ហាញខ្លួនឲ្យ Man Utd លើកដំបូងពេលប៉ះក្រុម Galatasaray របស់របស់តួកគី ក្នុងការប្រកួតមិត្តភាពនៅទីក្រុង Gothenburg នៅប្រទេសស៊ុយអែតនៅថ្ងៃសៅរ៍ចុងសប្ដាហ៍នេះ៕
