បាល់ទាត់៖ក្លិបឆ្មាខ្មៅ Sunderland បានប្រកាសពីការចុះហត្ថលេខាលើកីឡាករ Javier Manquillo ពីក្លិប Atletico Madrid ក្នុងលក្ខខណ្ឌខ្ចីជើងរយៈពេលវែងសម្រាប់រដូវកាលនេះ ។
ខ្សែការពាររូបនេះ ត្រូវបានផ្សារភ្ជាប់ក្នុងការផ្លាស់មកក្រុម Watford ប៉ុន្តែបច្ចុប្បន្ននេះ Manquillo បានផ្លាស់មកកីឡដ្ឋាន Stadium of Light នៅលើកិច្ចសន្យាជាបណ្តោះអាសន្ន ហើយ ឆ្មាខ្មៅមានសិទ្ធិក្នុងការទិញផ្តាច់កីឡាកររូបនេះក្នុងកុងត្រារយៈពេល ៤ ឆ្នាំក្រោយកុងត្រាខ្ចីជើងនេះបានបញ្ចប់នៅចុងរដូវកាលនេះផងដែរ។
Manquillo យុវជនក្រោមអាយុ២២របស់អេស្ប៉ាញ បានចំណាយពេលមួយរដូវកាលពេញឲ្យក្រុមហង្សក្រហម Liverpool ប៉ុន្តែមិនសូវជោគជ័យនៅកីឡាដ្ឋាន Anfield នឹង រដូវកាល២០១៥-២០១៦ លេងឲ្យក្លឹប Marseille នៅក្នុងលីកកំពូលនៃប្រទេសបារាំង Ligue 1 ជាលក្ខណៈខ្ចី ដោយបង្ហាញខ្លួនបាន ៤៣ ប្រកួតហើយរកបាន ៣ គ្រាប់ផងដែរ៕
