បាល់ទាត់៖ក្រុមបិសាចក្រហម Manchester United បានឡើងទៅវគ្គ៨ក្រុមបន្តទៀតនៃពានរង្វាន់ EFL Cup ក្រោយពីយកឈ្នះលើក្រុមមេឃខៀវ Manchester City ដោយលទ្ធផល ១-០ នៅក្នុងកីឡាដ្ឋាន Old Trafford កាលពីយប់មិញនេះ។
ការប្រកួតនៅក្នុងទី១ ក្រុមទាំង២មានឱកាសវាយសម្រុកទៅតំបន់ប្រយុទ្ធរៀងៗខ្លួន ប៉ុន្តែមិនក្រុមណាអាចទម្លុះសំណាញ់ទីក្រុមណាបាននោះទេ ចប់តង់ទី១ Man Utd ០-០ Man City។
លុះចូលដល់តង់ទី២ ក្រុមម្ចាស់ផ្ទះ Man Utd បានបើកការវាយសម្រុកនិងនាំមុខ ក្រុមភ្ញៀវ Man City មុន នៅនាទី៥៤ ដោយថ្វីជើងរបស់ កីឡាករ Mata ហើយលទ្ធផលនេះនៅរក្សារហូតដល់ចប់ការប្រកួត Man Utd ១-០ Man City។
លទ្ធផលគូផ្សេងទៀត៖ West Ham ឈ្នះ Chelsea ២-១, Southampton ឈ្នះ Sunderland ១-០។ នៅវគ្គ៨ក្រុមចុងក្រោយ Liverpool ប៉ះ Leeds United, Manchester United ប៉ះ West Ham, Arsenal ប៉ះ Southampton, Hull ប៉ះ Newcastle៕
