Ronaldo បន្តកុងត្រាថ្មីជាមួយ Real Madrid ដល់ឆ្នាំ២០២១
បាល់ទាត់៖ទីបំផុតខ្សែប្រយុទ្ធ Cristiano Ronaldo បានសម្រេចចិត្តបន្តអនាគតរបស់ខ្លួនជាមួយក្រុម Real Madrid ដោយនឹងចុះហត្ថលេខាលើកិច្ចព្រមព្រៀងថ្មីរយៈពេល៥ឆ្នាំ នេះគឺមានថា កីឡារូបនេះនឹងស្នាក់នៅក្នុងឯកីឡដ្ឋាន Bernabeu រហូតដល់ឆ្នាំ ២០២១។
កីឡាករសញ្ជាតិព័រទុយហ្គាល់ឆ្នាំរូបនេះ កិច្ចសន្យាចាស់របស់គាត់គ្រោងនិងផុតកំណត់នៅខែមិថុនាឆ្នាំ២០១៨ ប៉ុន្តែ Ronaldo នឹងចុះកុងត្រាបន្ថែមទៀតនៅថ្ងៃច័ន្ទនេះតែម្ដង និងទទួលបានថ្លៃពលកម្មប្រចាំសប្ដាហ៍ប្រមាណ ៣៦៥,០០០ ផោន។
គួរបញ្ជាក់ថា Ronaldo ស៊ុតចូល៣៧១គ្រាប់ចាប់តាំងពីផ្ទេរពី Manchester United មកកាន់ Real Madrid ក្នុងឆ្នាំ២០០៩៕
