បាល់ទាត់៖យោងតាមសេចក្តីរាយការណ៍មួយបានឲ្យដឹងថា ខ្សែប្រុយទ្ធដ៏ឆ្នើមរបស់ក្រុមបិសាចក្រហម Manchester United កីឡាករ Zlatan Ibrahimovic បានចេញមុខមកបដិសេធចំពោះសំណើ ១២០លានផោន របស់ក្រុមនៅក្របខ័ណ្ឌ Chinese Super League ដោយអះអាងថា រូបគេចង់បន្តស្នាក់នៅជាមួយក្រុមបិសាចក្រហមមួយនេះ។
ខ្សែប្រយុទ្ធសញ្ជាតិស៊ុយអែតវ័យ៣៥ឆ្នាំរូបនេះ បានផ្លាស់ចេញពីក្រុមមហាសេដ្ឋី PGS របស់បារាំង មកកាន់ក្រុម បិសាចក្រហម កាលពីរដូវក្តៅកន្លងទៅនេះ និងស៊ុតបញ្ចូលទីចំនួន ១៦គ្រាប់ឲ្យ Man Utd សម្រាប់ការប្រកួតទាំងអស់នៅរដូវកាលនេះ ។
តាមការចេញផ្សាយរបស់កាសែត Daily Mail បានអះអាងថា ក្លិបនៅក្នុងក្របខ័ណ្ឌលីគកំពូលចិន មានឆន្ទៈក្នុងការចំណាយលុយរាប់លានដើម្បីទិញយក Ibrahimovic ក្នុងការបង្កើនទម្រង់លេងនៅ Chinese Super League ដែលគេអាចធានាថា និងរកប្រាក់ចំណូលពាណិជ្ជកម្មបានយ៉ាងច្រើនផងដែល ។
ទោះជាយ៉ាងនេះក្តី Zlatan ត្រូវបានគេរាយការណ៍ដែលចង់បន្តស្នាក់នៅ Old Trafford មុនបញ្ចប់រដូវកាលនាពេលបច្ចុប្បន្ននេះជាមួយនឹងលោក Jose Mourinho ។
យ៉ាងណាមិញ Ibrahimovic បានស៊ុតបាល់បញ្ចូលទីចំនូន១០០គ្រាប់ ក្នុងការបង្ហាញខ្លួន១៧០លើក ចាប់តាំងពី ២០១១ ដែលរូបគេបានប្រកបអាជីពនៅ AC Milan, Paris Saint-Germain និងចុងក្រោយគឺជាមួយ Man United នេះតែម្តង៕
