បាល់ទាត់៖អតីតអ្នកចាត់ការទូទៅក្រុមបិសាចក្រហម Manchester United លោក Louis van Gaal បានប្រកាសចូលនិវត្តន៍ពីអាជីពជាគ្រូបង្វឹកបាល់ទាត់ហើយ។
គ្រូបង្វឹកសញ្ជាតិហូឡង់វ័យ៦៥ឆ្នាំរូបនេះ សម្រេចចិត្តបញ្ចប់អាជីពខាងលើបន្ទាប់ពីធ្លាប់ប្រលូកនៅក្នុងវិស័យបាល់ទាត់អស់ពេលជាង២៦ឆ្នាំ មកហើយនោះ ហើយលើកចុងក្រោយបំផុតគឺលោកត្រូវ Man Utd បណ្ដេញចេញពីតំណែងតែប៉ុន្មានម៉ោងប៉ុណ្ណោះបន្ទាប់ពីដឹកនាំក្រុមលើកពាន FA Cup កាលពីខែឧសភា ឆ្នាំ២០១៦។
លោក van Gaal បានថ្លែងប្រាប់ De Telegraaf ថា “ខ្ញុំគិតថាគួរតែដល់ពេលឈប់ពីអាជីពបាល់ទាត់ ហើយខ្ញុំនឹងមិនត្រឡប់ទៅដឹកនាំក្លឹបណាទៀតទេ”។យ៉ាងណាមិញ VanGaal បានក្លាយជាអ្នកដឹកនាំទទួលបានជោគជ័យក្នុងពិភពបាល់ទាត់ធ្លាប់ឈ្នះពានជាច្រើនជាមួយ Ajax, Barcelona, Bayern Munich, AZ និង Manchester United៕
