បាល់ទាត់៖យោងតាមកាសែតអេស្ប៉ាញ Don Balon បានផ្សាយថា ក្លឹបធំ២នៅក្របខ័ណ្ឌ Premier League មាន Chelsea និង Manchester United កំពុងប្រជែងគ្នាដណ្ដើមទិញយក Gareth Bale ពី Real Madrid។
Man Utd និង Chelsea មានបំណងយក Bale មកកាន់ Premier League វិញតែត្រូវចំណាយលុយមហាសាល ១៧២លានផោនសម្រាប់ការផ្ទេរ ខណៈខ្សែបម្រើសញ្ជាតិវែល ទើបបន្តកុងត្រា ៥ឆ្នាំកន្លះ ជាមួយ Real កាលពីឆ្នាំមុនដែលធ្វើឲ្យរូបគេទទួលថ្លៃនឿយហត់ប្រមាណ១៥០លានផោន។ នៅរដូវកាលថ្មី Bale បានអវត្តមានភាគច្រើនសម្រាប់ការប្រកួតដោយសារការវះកាត់ខ្មងជើងកាលពីខែវិច្ឆិកា។
គួរបញ្ជាក់ថា កាលពីឆ្នាំ២០១៣ Bale បានបំបែកកំណត់ត្រាក្លាយជាកីឡាករថ្លៃបំផុតក្នុងលោកពេលផ្ទេរពី Spurs ទៅ Real តែកំណត់ត្រានេះបានបំបែកដោយ Paul Pogba ដែលផ្ទេរទៅ Old Trafford តម្លៃ៨៩លានផោន៕
