Arsenal ទិញខ្សែការពារវ័យ១៩ឆ្នាំពី Southampton
កីឡាអន្តរជាតិ៖ សមាជិកក្រុមជម្រើសជាតិ U19 អង់គ្លេស រូបនេះលេងឱ្យឈុតធំរបស់ក្រុម Southampton បាន២៥លើកតាំងពីក្រោយពេលបង្ហាញខ្លួនលើកដំបូងនៅថ្ងៃបើកឆាក Premier League រដូវកាល២០១៣-១៤មក ក្រុមកាំភ្លើងធំ Arsenal ត្រូវគេរំពឹងថានឹងបង្ហាញមុខខ្សែការពារវ័យ១៩ឆ្នាំ Calum Chambers ដែលពួកគេទិញពីក្រុម Southampton ក្នុងតម្លៃ១៦លានផោន(២៧លានដុល្លារអាមេរិក) ជាសាធារណៈនៅថ្ងៃចន្ទនេះ។ Chambers នឹងធ្វើដំណើរទៅចូលរួមហ្វឹកហាត់ជាមួយក្រុមកាំភ្លើងធំនៅប្រទេស អូទ្រីសក្រោយទទួលការធ្វើតេស្តពិនិត្យសុខភាពរួចរាល់តាំងពីថ្ងៃ សុក្រសប្ដាហ៍មុន។
