ភ្នំពេញ ៖ ធនាគារពិភពលោក ( ADB ) ប្រចាំប្រទេសកម្ពុជា បានបងាគរយ។
របាយការណ៍របស់ធនាគារពិភពលោក ដែលចេញផ្សាយកាលពីថ្ងៃទី១២ ខែមេសាឆ្នាំ២០១៨ បានបង្ហាញថា ប្រទេសកម្ពុជាE1ហកម្ម និងសំណង់ ជាដើម ។ ឆ្នាំ២០១៨នេះ ធនាគារពិភពលោកបានព្យាករថា សេដ្ឋកិច្ចកម្ពុជា នឹងមាន ៦,៩ភាគរយ។
របាយការណ៍របស់ធនាគារពិភពលោក ដែលចេញផ្សាយកាលពីថ្ងៃទី១២ ខែមេសាឆ្នាំ២០១៨ បានបង្ហាញថា ប្រទេសកម្ពុជានឹងរក្សាកំណើនសេដ្ឋកិច្ចនៅក្នុងឆ្នាំ២០១៨ ក្នុងរង្ចង់៦,៩ភាគរយ ដែល រំពឹងថានឹងទទួលបានការគាំទ្រដោយការបង្កើនចំណាយរបស់រដ្ឋាភិបាល និងស្ថានភាពពិភពលោក ដែលមានភាពអំណោយ រួមទាំងតម្រូវការខ្ពស់នៅក្នុងប្រទេសជឿនលឿន។
ក្នុងរយៈពេលមធ្យម លំហូរដ៏ធំនៃវិនិយោគផ្ទាល់ពីបរទេស និងវិនិយោគសាធារណៈលើវិស័យហេដ្ឋារចនាសម្ព័ន្ធ ត្រូវបានរំពឹងថានឹងជួយលើកកម្ពស់ផលិតកម្ម តាមរយៈការជំរុញអោយមានតម្រូវការសរុប និងការពង្រីកសមត្ថភាពផលិតភាពសេដ្ឋកិច្ច ។
យ៉ាងណាក៏ដោយ សេដ្ឋកិច្ចកម្ពុជា ក៏អាចនឹងមានភាពពាក់ព័ន្ធជាមួយនឹងប្រទេសរីកចម្រើននានា ក្នុងតំបន់ផងដែរ ។ របាយការណ៍ចុងក្រោយរបសធនាគារពិភពលោក ស្តីពីស្ថានភាពសេដ្ឋកិច្ចក្នុងតំបន់ បានអោយដឹងថា កំណើនសេដ្ឋកិច្ចនៅក្នុងប្រទេសដែលកំពុងអភិវឌ្ឍន៍ក្នុងតំបន់អាស៊ីបូព៌ា និងប៉ាស៊ីហ្វិក ត្រូវបានគេរំពឹងទុកថា នឹងបន្តរក្សាភាពរឹងមាំដដែល ហើយកំណើននេះនឹងមានដល់ទៅ ៦,៣ភាគរយក្នុងឆ្នាំ ២០១៨ ។ ការរំពឹងទុកថាសេដ្ឋកិច្ចសាកលលោកនឹងបន្តងើបឡើងទូលំទូលាយ ហើយតម្រូវការប្រើប្រាស់ក្នុងស្រុកនឹងនៅតែរក្សាបានភាពរស់រវើក ដែលជាមូលដ្ឋាននាំអោយមានការប្រមើលអនាគត នៃសេដ្ឋកិច្ចប្រកបដោយភាពវិជ្ជមានបែបនេះ។
តែទោះជាយ៉ាងណាក៏ដោយ ហានិភ័យកំពុងកើតឡើងថ្មីៗចំពោះស្ថិរភាព និងកំណើនប្រកបដោយចីរភាព តម្រូវការអោយមានការយកចិត្តទុកដាក់អោយបានដិតដល់ ។ តាមរយៈ Video Conference កាលពីព្រឹកថ្ងៃទី១២ ខែមេសា លោក ស៊ុឌៀ សេតទី ប្រធានសេដ្ឋកិច្ចវិទូរបស់ធនាគារពិភពលោកប្រចាំតំបន់អាស៊ីបូព៌ា និងប៉ាស៊ីហ្វិក បានអោយដឹងថា ការដោះស្រាយបញ្ហាប្រឈមទាំងនេះ នឹងតម្រូវអោយចាត់វិធានការបន្ថយផលប៉ះទង្គិច ក្នុងល្បឿនលឿនមួយ ដោយសារតែគោលនយោបាយរឹតបន្តឹងរូបិយវត្ថុ នៅក្នុងបណ្ដាប្រទេសសេដ្ឋកិច្ច ជឿនលឿន។ ជាមួយគ្នានេះដែរ គេត្រូវបង្កើនទស្សនវិស័យសម្រាប់កំនើនក្នុងរយៈពេលវែងឆ្ងាយ ។ លោកក៏បានបង្ហាញដែរថា ដើម្បីដោះស្រាយជាមួយហានិភ័យចំពោះម៉ាក្រូសេដ្ឋកិច្ច បណ្ដាប្រទេសក្នុងតំបន់ចាំបាច់ត្រូវពិចារណារឹតត្បិតគោលនយោបាយរូបិយវត្ថុ ហើយពង្រឹងថែមទៀតនូវការប្រយ័ត្នប្រជែងផ្នែកបទបញ្ញត្តិម៉ាក្រូសេដ្ឋកិច្ច ។
ប្រការនេះ សំខាន់ជាពិសេសនៅក្នុងបណ្ដាប្រទេសដែលបំណុលមានកម្រិតខ្ពស់ ឬ កំណើនឥណទានខ្លាំងពេក ដែលធ្វើអោយវិស័យហិរញ្ញវត្ថុ កាន់តែងាយមានភាពរងគ្រោះ នៅពេលដែលការប្រាក់ត្រូវបានដំឡើងនៅក្នុងបណ្ដាប្រទេសសេដ្ឋកិច្ចជឿនលឿន ៕
