បាល់ទាត់៖បន្ទាប់ពីការប្រកួតជំរុះបាល់ទាត់ទ្វីបអឺរ៉ុប Euro 2016 នៅប្រទេសបារាំងបានបញ្ចប់តាមពីពូលនីមួយៗ ក្រុមលំដាប់ទីបី ត្រូវបានចាប់ឆ្នោតបែងចែកគូរប្រកួតម្សិលមិញនេះនៅទីក្រុង Nyon ប្រទេសស្វីស។
ក្រុមកំពូលតារាងពីរក្នុងពូល នីមួយៗមានសិទ្ធស្វ័យប្រវត្តិទៅប្រទេសបារាំងឆ្នាំក្រោយ ខណៈក្រុមលេខបីក្នុងពូលនីមួយៗនៅមានឱកាសចុងក្រោយគឺ Play-Off តែ ក្រុមតួកគីជាក្រុមលេខបីល្អបំផុតប្រៀបធៀបនឹងក្រុមលេខបីនៃពូល ដទៃ ដែលធ្វើអោយតួកគីក៏មានសិទ្ធស្វ័យប្រវត្តិទៅ Euro 2016 ផងដែរ។ ដោយឡែកនៅសល់៨ក្រុមទៀតត្រូវបានចាប់ឆ្នោតបែងចែកគូប្រកួតដែលជាលទ្ធផលគឺ៖
– ក្រុមម្ចាស់ផ្ទះ Euro 2012 អ៊ុយក្រែនត្រូវជួបជាមួយ Slovenia
– ក្រុមស៊ុយអែតនឹងត្រូវជួបដាណឺម៉ាកដែលប្រទេសទាំងពីរស្ថិតក្នុងតំបន់ Scandinavian ជាមួយគ្នា
– បូស្នៀដែលសង្ឃឹមបង្ហាញខ្លួនលើកដំបូងនៅ Euro ត្រូវឆ្លងកាត់សាធារណរដ្ឋអៀកឡង់
– ណ័រវេយត្រូវជួបហុងគ្រី
ការប្រកួតជើងទីមួយនឹងធ្វើឡើងនៅថ្ងៃទី១២,១៣,១៤ខែវិច្ឆិកាខាងមុខ ខណៈជើងទីពីរនឹងធ្វើឡើងបីថ្ងៃបន្ទាប់៕
