Valencia សម្លឹងឃើញ Gary Neville ជាគ្រូបង្វឹកថ្មី
បាល់ទាត់៖បន្ទាប់ពីលោកគ្រូបង្វឹកចាស់លោក Nuno Espirito Santo បានលាឈប់ពីតំណែងកាលពីថ្ងៃអាទិត្យ ក្លិបValencia បានសម្លឹង លោក Gary Neville ជាគ្រូបង្វឹកថ្មី។ នេះបើយោងតាមេសចក្តីរាយការណ៍ របស់ទូរទស្សន៍ Sky Sports។
គួរបញ្ជាក់ថា អតីតខ្សែការពារដ៏រឹងមាំវ័យ៤០ឆ្នាំ បានចំណាយពេលមួយអាជីពរបស់ខ្លួនរួមរស់នៅទឹកដី Old Trafford តាំងពីឆ្នាំ១៩៩២ ហើយបានប្រកាសចូលនិវត្តន៍ក្នុងឆ្នាំ ២០១១។ មុនមកដឹកនាំ Valencia នេះ Neville ដែលមានសញ្ញាប័ត្រគ្រូបង្វឹក Licence A និងB របស់ UEFA នៅក្នុងដៃ ធ្លាប់ជាជំនួយការលោក Roy Hodgson ដឹកនាំក្រុមជម្រើសជាតិអង់គ្លេសផងដែរ៕
