បឹងកេតឈ្នះក្រុមជើងឯកវៀតណាម៣-២ឡើងវគ្គផ្តាច់ព្រ័ត្រ
បាល់ទាត់៖បឹងកេតអង្គរបានយកឈ្នះម្ចាស់ជើងឯកវៀតណាម Mecamex Binh Doung ដោយលទ្ធផល ៣-២ នៅវគ្គពាក់កណ្តាលផ្តាច់ព្រ័ត្រ ដើម្បីឡើងទៅវគ្គផ្តាច់ព្រ័ត្រនៃពាន Toyota Mekong Club Championship ២០១៥។ ៣គ្រាប់របស់បឹងកេតអង្គរដែលធ្វើបានសម្រេចដោយចាន់ វឌ្ឍនាកា នៅនាទីទី៤០, ៥៤ និង ៨០ ខណៈក្រុមជើងឯកវៀតណាមរកបានដោយកឡាករ Amoungou នៅនាទីទី១៣ និង Anh Duc នៅនាទីទី៨៩។
គួរបញ្ជាក់ថា បន្ទាប់ពីយកឈ្នះម្ចាស់ជើងឯកឆ្នាំចាស់ Mecamex Binh Doung នៅលើទឹកដីវៀតណាមផ្ទាល់ ក្រុមបឹងកេតអង្គរនឹងបន្តដំណើរទៅវគ្គផ្ដាច់ព្រ័ត្រដោយប៉ះជាមួយក្រុម Buriram United របស់ប្រទេសថៃនៅថ្ងៃទី២០ ខែធ្នូខាងមុខនេះ៕
