បាល់ទាត់៖យោងតាមការចុះផ្សាយព័ត៌មានក្នុងស្រុក Le 10 Sport បានឲ្យដឹងថា ក្រុមជើងខ្លាំងរបស់បារាំង Paris Saint-Germain កំពុងរៀបចំគម្រោងការដណ្ដើមយកខ្សែប្រយុទ្ធកំពុងឡើងជើង Anthony Martial របស់ក្រុមបិសាចក្រហម Manchester United ពេលចប់រដូវកាលខាងមុខនេះ។
ក្រុមម្ចាស់ជើងឯក Ligue 1 រដូវកាលនេះ PSG គ្រោងនិងបាត់បង់ខ្សែប្រយុទ្ធពីររូបគឺ Zlatan Ibrahimovic ព្រោះកុងត្រារបស់គេនឹងដាច់នៅចុងរដូវកាលនេះ ខណៈពេលដែល Edinson Cavani នឹងត្រូវលក់ដើម្បីយកទឹកប្រាក់ទុកដើម្បីទិញកីឡាករផ្សេងៗទៀត។
ក្រុមរបស់លោក Laurent Blanc កំពុងជួបបញ្ហាខ្វះខាតជម្រើសខ្សែប្រយុទ្ធ ហើយវាក៏ជាកត្តាមួយដែលបណ្ដាលឲ្យ PSG ចង់បាន Martia មកបារាំងវិញនៅថ្ងៃអនាគតផងដែរ។
គួរបញ្ជាក់ថា ក្លិបយក្សនៅអ៊ីតាលី Juventus ក៏ចង់បានកីឡាករវ័យក្មេងសញ្ជាតិបារាំងរូបនេះចាក់ចេញពី Old Trafford ដែរ៕
