បាល់ទាត់៖តាមសេចក្តីរាយការណ៍មួយបានឲ្យដឹងថាក្រុមតោខៀវ Chelsea ទិញយកខ្សែបម្រើ Radja Nainggolan ពីក្លឹប Roma ក្នុងតម្លៃ២៨លានផោន។
ខ្សែបម្រើសញ្ជាតិបែលហ្សិកវ័យ២៧ឆ្នាំរូបនេះ បច្ចុប្បន្នកំពុងតែបង្ហាញនូវទម្រង់លេងបានគួរសមដែលឲ្យក្រុមចចកព្រៃ Roma និងបានជួយឲ្យក្រុមចចកព្រៃមួយនេះយកឈ្នះក្រុម Napoli ១-០កាលពីថ្ងៃច័ន្ទ។
Antonio Conte អ្នកចាត់ការថ្មីក្រុមតោខៀវ ដែលនឹងចូលកាន់តំណែងក្រោយចប់រដូវកាលនេះ បានចាត់ទុកខ្សែបម្រើរូបនេះ ថាជាគោលដៅទី១របស់លោក ហើយពេលនេះលោកទិញបានសម្រេចហើយ បន្ទាប់ពីចរចាគ្នាជាមួយក្លឹប Roma អស់រយៈពេល ៤៨ម៉ោង។
គួរបញ្ជាក់ថា ខ្សែបម្រើ Nainggolan នៅជាប់កុងត្រាជាមួយ Roma ដល់ឆ្នាំ២០២០ ប៉ុន្តែអ្នកចាត់ការថ្មីតោខៀវ Conte ជឿថាកីឡាកររូបនេះ មានសមត្ថភាពគ្រប់គ្រាន់អាចនឹងលេងល្អនៅ Premier League ទើបទិញផ្ដាច់កុងត្រាតែម្ដងនឹងចុះកុងត្រា៥ឆ្នាំនៅ Stamford Bridge៕
