បាល់ទាត់៖យោងតាមការចុះផ្សាយរបស់កាសែត The Daily Mirror បានឲ្យដឹងថា ក្លិបយក្សរបស់អាល្លឺម៉ង់ Bayern Munich កំពុងតែចាប់អារម្មណ៍នូវទម្រង់លេងកីឡាករ Alexis Sanchez របស់ក្រុមកាំភ្លើងធំ Arsenal ហើយនឹងអាចទាក់ទាញខ្សែប្រយុទ្ធរូបនេះមកកាន់ទឹកដីនៃប្រទេសអាល្លឹម៉ង់នារដូវកាលក្រោយ។
ខ្សែប្រយុទ្ធសញ្ជាតិឈីលីវ័យ២៧ឆ្នាំរូបនេះ បានចូលរួមជាមួយក្រុមកាំភ្លើងធំ Arsenal កាលពីឆ្នាំ២០១៤ ក្នុងតម្លៃខ្លួន៣៥លានផោន។
តាមសេចក្តីរាយការណ៍របស់ក្រុមម្ចាស់ជើងឯកអាល្លឹម៉ង់បានអះអាងថា ក្រុមកំពុងតែពិចារណានឹងរៀបចំកញ្ចប់ថវិកាដើម្បីទិញយកខ្សែប្រយុទ្ធរូបនេះមកពង្រឹងតំបន់ប្រុយទ្ធរបស់ក្រុមពួកគេនៅរដូវកាលក្រោយនេះ។
ក្រុមកាំភ្លើងធំ Arsenal ក៏មានគម្រោងផ្តល់កិច្ចសន្យាថ្មីបន្ថែមចំពោះកីឡាកររូបនេះនឹងត្រៀមតំឡើងទឹកប្រាក់បន្ថែមក្នុងមួយសប្តាហ៍130,000ផោន។ប៉ុន្តែការចាប់អារម្មណ៍របស់ Bayern អាចនឹងពិបាកចចារពីព្រោះកីឡាកររូបនេះនៅជាប់កុងត្រាជាមួយក្រុមកាំភ្លើងធំរហូតដល់ឆ្នាំ២០១៨ឯងណោះ។
គួរបញ្ជាក់ថា កាំភ្លើងធំ កំពុងខិតជិតក្នុងការចុះហត្ថលេខាជាមួយខ្សែបម្រើរបស់ក្រុម Borussia Monchengladbach គឺកីឡាករ Granit Xhaka៕
