បាល់ទាត់៖ក្រុមបិសាក្រហម Man Utd បានត្រៀមដាក់សំណើរជាលើកទីពីរទៅកាន់ក្រុម Dortmund និងគ្រោងចំណាយប្រហែល ៧០លានផោន ដើម្បី ប្រមាញ់យក ខ្សែប្រយុទ្ធ Pierre Emerick Aubameyang មកកាន់ទឹកដី Old Trafford នារដូវកាលក្រោយខណៈដែល Real Madrid លែងចាប់អារម្មណ៍។
បច្ចុប្បន្ននេះ ក្រុម Real Madrid កំពុងតែបំវែលទិសទៅរកក្នុងការចុះកិច្ចសន្យាជាមួយ ខ្សែប្រយុទ្ធកណ្តាលកីឡាករ Robert Lewandowski ពីក្លឹប Bayern Munich មករួមក្រុមនៅរដូវកាលក្រោយ ប៉ុន្តែប្រហែលជាមិនអាចអូសទាញកីឡាកររូបនេះពីក្លឹបអាល្លឺម៉ង់បានទេ។
Aubameyang ត្រូវបានគេចាត់ទុកថា ជាខ្សែប្រយុទ្ធកណ្តាលដ៏លេចធ្លោនៅលើទីផ្សារបច្ចុប្បន្ន ដូច្នេះ Man Utd ប្តេជ្ញាត្រូវតែទិញកីឡាកររូបនេះឲ្យទាល់តែបាន។
គួរបញ្ជាក់ថា Aubameyang នឹងនៅតែជាគោលដៅសំខាន់មិនថា Ryan Giggs ឬ Jose Mourinho ចូលកាន់តំណែងគ្រូបង្វឹកនៅរដូវកាលក្រោយនោះទេ៕
