បាល់ទាត់៖Jose Enrique ខ្សែការពារស្លាបឆ្វេងក្លឹបហង្សក្រហម Liverpool ត្រូវបានដើរ ចេញពី មុនកុងត្រា បន្ទាប់ពីរូបគេចំណាយពេលប្រាំឆ្នាំនៅទឹកដី Anfield ប៉ុន្តែមិនសូវទទួលបានជោគជ័យនៅរដូវកាលនេះនិងដើម្បីស្វែងរកទ្រនំថ្មី។
ខ្សែការពារសញ្ជាតិអេស្ប៉ាញវ័យ៣០ឆ្នាំរូបនេះ បានបង្ហាញខ្លួនឲ្យក្រុមហង្សករហម ចំនួន ៩៩ លើក បន្ទាប់ពីផ្លាស់ពីក្លឹប Newcastle ក្នុងតម្លៃ ៦ លានផោនក្នុងឆ្នាំ ២០១១។
Enrique កាលពីរដូវកាលមុន គាត់បានបង្ហាញខ្លួនចំនួនប្រាំបួនប្រកួតតែប៉ុណ្ណោះដែលស្ថិតនៅក្រោមការបញ្ជារបស់លោក Jurgen Klopp នឹងបីលើកទៀតក្នុងការប្រកួត FA Cup។Enrique ធ្លាប់ជាជម្រើសដំបូងរបស់លោក Kenny Dalglish និងលោក Brendan Rodgers ប៉ុន្តែអាជីពរបស់គាត់បានសាបរលត់បន្តិចម្តងៗ ដោយសារបញ្ហារបួសជាច្រើនលើកជាច្រើនសារកាលពីបីរដូវកាលមុន។
គួរបញ្ជាក់ថា Enriqu លំបាកក្នុងការដណ្តើមកន្លែងរបស់គាត់មកវិញ បន្ទាប់ពីក្លឹបបានទិញកីឡាករ Alberto Moreno ពីក្រុម Sevilla កាលពីរដូវកាលមុន៕
