Liverpool ត្រៀមចុះហត្ថលេខាជាមួយ Higuain នាពេលឆាប់ៗនេះ
បាល់ទាត់៖សេចក្តីរាយការណ៍មួយបានឲ្យដឹងថា ក្រុមហង្សក្រហម Liverpool បានខិតជិតដល់ការព្រមព្រៀងក្នុងការចុះហត្ថលេខានាំយកខ្សែប្រយុទ្ធឆ្នើម Gonzalo Higuain របស់ក្រុម Napoli។
ខ្សែប្រយុទ្ធសញ្ជាតិអាហ្សង់ទីនវ័យ២៨ឆ្នាំរូបនេះ បានក្លាយជាគោលដៅធំ របស់លោក Jurgen Klopp អ្នកចាត់ការហង្សក្រហមដោយចង់ពង្រឹងនៅតំបន់ប្រយុទ្ធឲ្យខ្លាំងជាងមុន នៅរដូវកាលថ្មី ។យ៉ាងណាមិញ បើតាមសារព័ត៌មាន BeIN Sports បានឲ្យដឹងថា Liverpool នឹងចុះកុងត្រាជាមួយអតីតខ្សែប្រយុទ្ធក្រុម Real Madrid រូបនេះ បានផ្លូវការឆាប់ៗខាងមុខនេះ។
គួរបញ្ជាក់ដែរថា ខ្សែប្រយុទ្ធ Higuain ដែលជាកីឡាករមួយរូបបំបែកកំណត់ត្រានៅក្របខ័ណ្ឌកំពូល Serie A របស់អ៊ីតាលីរដូវកាលនេះ បន្ទាប់ពីស៊ុតបញ្ចូលទីបានចំនួន៣៦គ្រាប់ ក្នុងការបង្ហាញខ្លួន៣៥ប្រកួត៕
