បាល់ទាត់៖តាមសេចក្តីរាយការណ៍មួយបានឲ្យដឹងថា ក្រុមហង្សក្រហម Liverpool កំពុងតែរៀបចំសំណើរដាក់ដេញថ្លៃ២៥លានផោនសម្រាប់ខ្សែប្រយុទ្ធ Theo Walcott របស់ក្រុមកាំភ្លើងធំ Arsenal។
ខ្សែប្រយុទ្ធសញ្ជាតិអង់គ្លេសវ័យ២៧ឆ្នាំរូបនេះ បច្ចុប្បន្នកំពុងតែរិះគិតអំពីអនាគតរបស់គេនៅក្រុមនេះ បន្ទាប់ពីទម្រង់លេងរបស់គេបានធ្លាក់ចុះនៅរដូវកាលនេះហើយថែមទាំងជាប់ជាជម្រើសជាតិអង់គ្លេស សម្រាប់ការប្រកួត Euro 2016 ផងដែរ។
តាមសេចក្តីអះអាងរបស់កីឡាករ Walcott បានឲ្យដឹងថា រូបគេចង់ក្លាយជាជម្រើសដំបូងនៅកីឡាដ្ឋាន Emirates រហូត។ ប៉ុន្តែបើយោងតាមគេហទំព័រ The Football បានរាយការណ៍ថា ក្រុមហង្សក្រហម Liverpool និង ព្យាយាមលួងលាមកីឡាកររូបនេះនិងត្រៀមផ្តល់ជូនប្រាក់កំរៃមួយសប្តាហ៍ ១២០,០០០ផោន សម្រាប់ខ្សែប្រយុទ្ធរូបនេះ។
គួរបញ្ជាក់ថា ក្រុមញញួរធំ West Ham United នឹងក្រុមម្ចាស់ជើងឯក Premier League នៅរដូវកាលនេះ គឺក្រុមកញ្ជ្រោងព្រៃ Leicester City ក៏ចង់បានខ្សែប្រយុទ្ធមករូមក្រុមនៅរដូវកាលក្រោយនេះផងដែរ៕
