បាល់ទាត់៖យោងតាមសេចកក្តីរាយការណ៍ពីក្រុមបិសាចក្រហម Manchester United បានឲ្យដឹងថា ក្រុមកំពុងតែមានចំណាប់អារម្មណ៍ក្នុងការដេញថ្លៃទិញយកខ្សែការពារពីក្រុមយក្សអេស្ប៉ាញ Real Madrid គឺកីឡាករ Raphael Varane។
ខ្សែការពារសញ្ជាតិបារាំងវ័យ២៣ឆ្នាំរូបនេះ បានបង្ហាញខ្លួនឲ្យក្រុមយក្សអេស្ប៉ាញបានចំនួន៣៣លើកាលពីរដូវកាលមុន ហើយបច្ចុប្បន្ននេះកីឡាករ Varane កំពុងតែពិចារណានៅអនាគតរបស់គេជាមួយលោក Zinedine Zidane ដែលជាអ្នកគ្រប់គ្រងក្រុម Real Madrid បន្ទាប់ពីរូបគេ មានបញ្ហាជាមួយខ្សែការពារកណ្តាល Sergio Ramos នឹង កីឡាករ Pepe។
យោងតាមប្រព័ន្ធផ្សព្វផ្សាយ Marca បានឲ្យដឹងថា លោក Zidane បានសន្យាថានឹងដាក់កីឡាករ Varane លេងគ្រប់ប្រកួតនៅកីឡាដ្ឋាន Bernabeu នៅរដូវកាលក្រោយនេះ ប៉ុន្តែកីឡាករសញ្ជាតិបារាំងរូបនេះ កំពុងតែពិចារណាថា គួរចាកចេញឫក៏បន្តនៅប្រទេសអេស្ប៉ាញទៀត។
យ៉ាងណាមិញ លោក Jose Mourinho ដែលជាអ្នកគ្រប់គ្រងក្រុម Man Utd នៅរដូវកាលក្រោយនេះកំពុងតែមានបំណាប់អារម្មណ៍ក្នុងការនាំយកខ្សែការពាររូបនេះមកកាន់កីឡាដ្ឋាន Old Trafford៕
