បាល់ទាត់៖ក្រុមនៅក្នុងក្របខ័ណ្ឌ Serie A គឺក្រុម Inter Milan បានប្រកាសចុះហត្ថលេខានាំយក អតីតខ្សែបម្រើរបស់ក្រុម Sevilla កឺកីឡាករ Ever Banega ក្នុងកិច្ចសន្យារយៈពេល ៣ ឆ្នាំ។
ខ្សែបម្រើសញ្ជាតិអាហ្សង់ទីនវ័យ២៨ឆ្នាំរូបនេះ បានផ្ទេរមកក្លិប Inter Milan ភ្លាមៗដែរ ខណៈដែលកិច្ចសន្យារបស់គាត់ជាមួយក្លិបជើងឯក Europa League មួយនេះត្រៀមនឹងផុតកំណត់នៅរដូវក្តៅខាងមុខនេះ។
Banega បានថ្លែងនៅលើគេហទំព័រជាផ្លូវរបស់ Inter ថា «ខ្ញុំសប្យាយចិត្តខ្លាំងណាស់បន្ទាប់ពីដឹងថាក្លិប Interកំពុងតែចាប់អារម្មណ៍លើរូបខ្ញុំ”។”ខ្ញុំមានឱកាសចូលរួមជាមួយជាក្លិបដ៏ធំនេះគឺជាឱកាសមួយដែលខ្ញុំមិនអាចនឹកស្មានដល់ »។
គួរបញ្ជាក់ថា Banega បានលេងឲ្យក្រុម Boca Juniors របស់អាហ្សង់ទីន នឹងលេងឲ្យក្លិប Newell’s Old Boys ជាលក្ខណៈខ្ចីជើង មុនពេលផ្លាស់មក ក្លិប Valencia ក្នុងក្របខ័ណ្ឌ La Liga៕
