បាល់ទាត់៖លោក Sam Allardyce គ្រូបង្វឹករបស់ក្លិបឆ្មារខ្មៅ Sunderland ត្រូវបានសហព័ន្ធបាល់ទាត់អង់គ្លេសនឹងប្រកាសតែងតាំងជាគ្រូបង្វឹកថ្មីក្រុមជម្រើសជាតិអង់គ្លេសជាផ្លូវការនៅថ្ងៃព្រហស្បតិ៍នេះ។
គ្រូបង្វឹកវ័យ៦១ឆ្នាំរូបនេះ ត្រូវសហព័ន្ធបាល់ទាត់ FA បានតែងតាំងជាគ្រូបង្វឹកថ្មីរបស់ក្រុមជម្រើសជាតិអង់គ្លេសបន្ទាប់ពីលោក Roy Hodgson លាឈប់ដោយសារដឹកនាំក្រុមធ្លាក់ត្រឹមវគ្គ១៦ក្រុមចុងក្រោយនៅអឺរ៉ូ។
លោក Allardyce មានបទពិសោធន៍ជាច្រើនក្នុងការដឹកនាំក្លិបនៅអង់គ្លេសដូចជា ក្លិបញញួរធំ West Ham, សារីកាព្រៃ Newcastle, សេះសរ Bolton និងចុងក្រោយគឺក្រុមឆ្មារខ្មៅ Sunderland នេះតែម្តង។
គួរបញ្ជាក់ដែរថា លោក Sam Allardyce នៅជាប់កុងត្រាជាមួយនឹងក្លិបឆ្មារខ្មៅ Sunderland នឹងចាកចេញពីក្លឹបបន្ទាប់ពីដឹកនាំបានតែ៩ខែប៉ុណ្ណោះ៕
