បាល់ទាត់៖ក្លិប Stoke City បានចេញមកបញ្ជាក់ថាក្លិបបានចុះហត្ថលេខាទិញយកខ្សែបម្រើ Joe Allen ពីក្លិប Liverpool លើកិច្ចព្រមព្រៀងរយៈពេលប្រាំឆ្នាំ។
ខ្សែបមប្រើសញ្ជាតិវេលស៍វ័យ២៦ឆ្នាំរូបនេះ បានចូលរួមជាមួយក្លិបហង្សក្រហម Liverpool នៅពេលដែលផ្ទេរចេញេពីក្លិបក្ងានសួរ Swansea City ក្នុងអំឡុងឆ្នាំ២០១២ ប៉ុន្តែឥឡូវនេះបានផ្លាស់មកកីឡាដ្ឋាន Bet365 ជាផ្លូវការហើយក្នុងតម្លៃពលកម្ម ១៣.៥លានផោន។
Allen បានថ្លែងតាមគេហទំព័រផ្លូវការរបស់ Stoke City មុនពេលផ្លាស់ទៅកាន់ក្លិបនេះថា «ខ្ញុំពិតជាមានការសប្យាយរីករាយចំពោះការផ្លាស់កាន់មកនៅកីឡាដ្ឋានថ្មី»។”ខ្ញុំពិតជាមានការរំភើបយ៉ាងខ្លាំងនូវអ្វីដែលខ្ញុំបានឮពីការចាប់អារម្មណ៍របស់ក្លិបហើយវាពិកជាមានការលំបាកណាស់សម្រាប់ការសម្រេចចិត្តរបស់ខ្ញុំក្នុងការផ្ទេរទៅ ប៉ុន្តែ ខ្ញុំនឹងអាចមាន អនាគតល្អ នៅ Stoke City” ។
គួរបញ្ជាក់ថា Joe Allen បានជួយក្រុមជម្រើសជាតិវេលស៍បានឡើងទៅវគ្គពាក់កណ្តាកផ្តាច់ព្រ័ត្រ Euro 2016 នៅប្រទេសបារាំង កាលពីពេលថ្មីៗនេះ៕
