បាល់ទាត់៖យោងតាមការចុះផ្សាយរបស់កាសែត The Sun បានឲ្យដឹងថា ក្លិបតោខៀវ Chelsea បានត្រៀមចំណាយលុយ៤៦លានផោន ក្នុងការដាក់ដេញថ្លៃទិញយកខ្សែបម្រើពីក្លិប Sporting គឺកីឡាករ Joao Mario។
ខ្សែបម្រើសញ្ជាតិព័រទុយហ្គាល់វ័យ២៣ឆ្នាំរូបនេះ ដែលបានជួយឲ្យក្រុមជម្រើសជាតិព័រទុយហ្គាល់ឈ្នះជើងឯកពានរង្វាន់ Euro 2016 នៅប្រទេសបារាំង កាលពីថ្មីៗនេះ បច្ចុប្បន្នកំពុងតែមានទំនាក់ទំនងយ៉ាងជិតស្និតជាមួយនិងក្រុមតោខៀវ Chelsea ខណៈ ក្រុម Sporting បានបើកចំហចំពោះការផ្ទេរចេញរបស់កីឡាករមួយនេះ។
យ៉ាងណាមិញ លោក Antonio Conte អ្នកចាត់ការទូទៅថ្មីរបស់ Chelsea បាននិយាយបញ្ជាក់ថា លោកនឹងខិតខំប្រឹងប្រែង ដើម្បីបង្កើនការចុះហត្ថលេខាជាមួយកីឡាវ័យ២៣ឆ្នាំរូបនេះបើទោះបីជាពួកគេអាចប្រឈមមុខនឹងការប្រកួតប្រជែងពីក្រុម Manchester United បន្ទាប់ពីបរាជ័យក្នុងការដេញថ្លៃទិញយកកីឡាករ Paul Pogba ៕
