Man Utd លុបឈ្មោះ Schweinsteige ចេញពីបញ្ជីហិរញ្ញវត្ថុ
បាល់ទាត់៖ខ្សែបម្រើកណ្តាលជើងចាស់ Bastian Schweinsteiger ត្រូវបានក្រុមបិសាចក្រហម Manchester United បានលុបឈ្មោះ ចេញពីបញ្ជីទ្រព្យសកម្មនៅក្នុងការបោះពុម្ពផ្សាយពីគណនីហិរញ្ញវត្ថុចុងក្រោយបំផុតរបស់ក្លឹប។
Schweinsteiger បច្ចុប្បន្ននេះ ត្រូវបានគេដាក់ឲ្យហ្វឹកហាត់ជាមួយនឹងក្រុមយុវជន ប៉ុន្តែគាត់បាននិយាយសង្កត់ធ្ងន់នៅឯចុងបញ្ចប់ទីផ្សារដោះដូរកីឡាករថា បិសាចក្រហមនឹងជាក្លឹបចុងក្រោយរបស់គាត់ក្នុងតំបន់អឺរ៉ុប ដោយនិយាយថាគាត់ “នឹងត្រៀមខ្លួនរួចជាស្រេច ប្រសិនបើក្រុមត្រូវការខ្ញុំ”។
គួរបញ្ជាក់ថា Schweinsteiger បានផ្ទេរចេញពី Bayern Munich មកទឹកដី Old Trafford កាលពីរដូវ ក្តៅឆ្នាំមុន ដោយលោក Louis van Gaal ប៉ុន្តែត្រូវបានជាប់គាំងអាជីពក្រោមការដឹកនាំរបស់អ្នកចាត់ការថ្មីលោក Jose Mourinho៕
