បាល់ទាត់៖ក្រុមមេឃខៀវ Man City និងបិសាចក្រហម Man Utd បានត្រៀមដាក់សំណើទៅកាន់ក្រុម Atletico Madrid ដើម្បីប្រជែងទិញយកខ្សែប្រយុទ្ធ Antoine Griezmann នៅទីផ្សារកីឡាករបើកនាពេលមុខនេះ។
ខ្សែប្រយុទ្ធរូបនេះក៏កំពុងស្ថិតក្នុងការតាមឃ្លាំមើលរបស់ Man Utd ផងដែរ បន្ទាប់ពីលេចឮថា Griezmann អាចនឹងចាកចេញពីពហុកីឡដ្ឋាន Vicente Calderon Stadium នៅរដូវកាលក្រោយនេះ។
Man City ត្រៀមសំណើ៧០លានផោនដើម្បីសម្រេចកិច្ចសន្យាផ្ទេរខ្សែប្រយុទ្ធរូបនេះឲ្យបានឆាប់ ពីព្រោះលោក Pep Guardiola ចង់បាន Griezmann មកដៃគូ ប្រយុទ្ធជាមួយ Sergio Aguero ។
គួរបញ្ជាក់ថា Griezmann ផ្ទេរចេញពី Real Sociedad មកកាន់ Atletico Madrid កាលពីរដូវក្តៅឆ្នាំ២០១៤ និងស៊ុតបញ្ចូលទីបាន៥០គ្រាប់ឲ្យក្រុមមួយនេះនៅក្របខណ្ឌ La Liga និងជួយពួកគេឈានដល់វគ្គផ្តាច់ព្រ័ត្រក្របខណ្ឌ UCL កាលពីរដូវកាលមុន៕
