(ភ្នំពេញ)៖ នាព្រឹកថ្ងៃទី២ ខែតុលា ឆ្នាំ២០២៦ នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញជាអធិបតីភាពក្នុងពិធីប្រគល់សញ្ញាបត្រជូនដល់និស្សិតជ័យលាភីនៃសាកលវិទ្យាល័យ អាស៊ី អឺរ៉ុប។ ក្នុងឱកាសនោះ សម្តេចធិបតី បានថ្លែងបញ្ជាក់ថា រាជរដ្ឋាភិបាលនីតិកាលទី៧ នៅតែបន្តចាត់ទុក «មនុស្ស» ជាអាទិភាពទី១ នៃយុទ្ធសាស្ត្របញ្ចកោណ-ដំណាក់កាលទី១ ដោយផ្តោតលើការកែលម្អគុណភាពអប់រំ បណ្តុះបណ្តាលសមត្ថភាព ឥរិយាបថ វិន័យ សីលធម៌ និងជំនាញទន់ ដើម្បីឱ្យនិស្សិតចេះគិត វិភាគ ច្នៃប្រឌិត និងដោះស្រាយបញ្ហាឆ្លើយតបនឹងទីផ្សារការងារ។

សូមទស្សនាព័ត៌មានពិស្ដារ៖

(ភ្នំពេញ)៖ នាព្រឹកថ្ងៃទី២ ខែតុលា ឆ្នាំ២០២៦ នេះ រដ្ឋបាលរាជធានីភ្នំពេញ បានបើកយុទ្ធនាការបន្តបាញ់ថ្នាំសម្លាប់មូសនៅតាមសហគមន៍ទូទាំង ១៤ ខណ្ឌ និង ១០៥ សង្កាត់ ក្រោមអធិបតីភាព ឯកឧត្តម ពេញ ធារម្យ អភិបាលរងរាជធានីភ្នំពេញ តំណាង ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ។ យុទ្ធនាការនេះធ្វើឡើងដោយមានកិច្ចសហការរវាងក្រុមការងាររដ្ឋបាលរាជធានីភ្នំពេញ កងកម្លាំងកងពលតូចលេខ៧០ (ង៧០) និងមន្ទីរសុខាភិបាលរាជធានីភ្នំពេញ ដើម្បីទប់ស្កាត់ជំងឺគ្រុនឈាម និងការពារសុខភាពសាធារណៈជូនប្រជាពលរដ្ឋ។

សូមទស្សនាព័ត៌មានពិស្ដារ៖

(ភ្នំពេញ)៖ លោកជំទាវបណ្ឌិត សឿ សុជាតា អនុរដ្ឋលេខាធិការក្រសួងអប់រំ យុវជន និងកីឡា បានគូសបញ្ជាក់ថា កម្ពុជាមិនអាចហាមឃាត់ការលក់គ្រឿងស្រវឹងទាំងស្រុងបានឡើយ ដោយសារវាជាបញ្ហាសកល ប៉ុន្តែការលក់ និងការផ្សព្វផ្សាយពាណិជ្ជកម្មផលិតផលទាំងនេះ ត្រូវតែមានលក្ខខណ្ឌត្រឹមត្រូវពីស្ថាប័នជំនាញ និងមានវិធានការទប់ស្កាត់កុំឱ្យមានភាពអូសទាញខ្លាំងពេក ដើម្បីការពារសុខភាពសាធារណៈ ធនធានមនុស្ស និងសេដ្ឋកិច្ចជាតិ។

សូមទស្សនាព័ត៌មានពិស្ដារ៖

(សៀមរាប)៖ នាព្រឹកថ្ងៃទី១ ខែតុលា ឆ្នាំ២០២៦ អាជ្ញាធរជាតិអប្សរា បានប្រារព្ធពិធីប្រោះព្រំភ្ជាប់ព្រះសិរ និងបើកព្រះនេត្រចម្លាក់ទេពចំនួន២ ក្រោមយុទ្ធនាការ «ព្រលឹងត្រឡប់មកទីតាំងដើមវិញ» នៅខ្លោងទ្វារជ័យនៃក្រុងអង្គរធំ។ ពិធីនេះបានប្រព្រឹត្តទៅក្រោមអធិបតីភាព លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលនៃអាជ្ញាធរជាតិអប្សរា ដោយមានការនិមន្តចូលរួមពី សម្ដេចព្រះព្រហ្មរតនមុនី ពិន សែម ព្រមទាំងតំណាងអង្គការ UNESCO ប្រចាំកម្ពុជា តំណាងស្ថានទូតអាមេរិក រដ្ឋបាលខេត្តសៀមរាប និងមន្ត្រី-បុគ្គលិកជាច្រើនរូប។

សូមទស្សនាព័ត៌មានពិស្ដារ៖

(បន្ទាយមានជ័យ)៖ ទោះបីជាស្ថានភាពទឹកជំនន់នៅក្នុងក្រុងប៉ោយប៉ែតបានចាប់ផ្តើមស្រកចុះជាបណ្តើរៗយ៉ាងណាក៏ដោយ ប៉ុន្តែក្រុងសិរីសោភ័ណ និងស្រុកមង្គលបូរី ព្រមទាំងស្រុកមួយចំនួនទៀត កំពុងទទួលរងនូវជំនន់ទឹកភ្លៀងធ្លាក់មកពីផ្នែកខាងលើ បណ្តាលឱ្យលិចលង់ផ្ទះសម្បែង ផលដំណាំ និងហេដ្ឋារចនាសម្ព័ន្ធយ៉ាងធ្ងន់ធ្ងរ។ ពិសេសទឹកបានហូរកាត់ និងច្រោះដាច់បាក់ជង្ហុកធំៗលើកំណាត់ផ្លូវជាតិលេខ៥ ត្រង់ចំណុចមុខវត្តសិរីមង្គល ដល់មន្ទីរសុខាភិបាលខេត្ត បង្កគ្រោះថ្នាក់ និងការលំបាកយ៉ាងខ្លាំងដល់ការធ្វើដំណើររបស់ប្រជាពលរដ្ឋ។

សូមទស្សនាព័ត៌មានពិស្ដារ៖

(ពោធិ៍សាត់)៖ នាព្រឹកថ្ងៃទី១ ខែតុលា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធបើកឱ្យប្រើប្រាស់ជាផ្លូវការនូវ ផ្លូវជាតិលេខ១០ ប្រវែង ១៩៨គីឡូម៉ែត្រ ស្ថិតក្នុងឃុំប្រម៉ោយ ស្រុកវាលវែង ខេត្តពោធិ៍សាត់។ សមិទ្ធផលផ្លូវយុទ្ធសាស្ត្រថ្មីនេះ ត្រូវបានសាងសង់ឡើងក្រោមក្របខ័ណ្ឌហិរញ្ញប្បទានសហប្រតិបត្តិការពីរដ្ឋាភិបាលនៃសាធារណរដ្ឋប្រជាមានិតចិន និងថវិកាបដិភាគរបស់រាជរដ្ឋាភិបាលកម្ពុជា។

សូមទស្សនាព័ត៌មានពិស្ដារ៖

(រាជធានីភ្នំពេញ)៖ ប្រជាពលរដ្ឋនៅក្នុងខណ្ឌបឹងកេងកង បានសម្តែងនូវក្តីរីករាយ និងថ្លែងអំណរគុណយ៉ាងជ្រាលជ្រៅចំពោះអាជ្ញាធររាជធានីភ្នំពេញ បន្ទាប់ពីបានបើកយុទ្ធនាការស្តារប្រព័ន្ធលូ និងប្រឡាយអាទិភាពជាច្រើនខ្សែនៅក្នុងមូលដ្ឋាន ធ្វើឱ្យទឹកភ្លៀងហូរអស់យ៉ាងលឿនខុសពីពេលកន្លងទៅ និងបានកាត់បន្ថយក្តីបារម្ភពីការលិចលង់ផ្ទះសម្បែង។

សូមទស្សនាព័ត៌មានពិស្ដារ៖

(បន្ទាយមានជ័យ)៖ នាថ្ងៃទី៣០ ខែកញ្ញា ឆ្នាំ២០២៦ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យក្រុមការងារនាំយកអំណោយមនុស្សធម៌ទៅចែកជូនប្រជាពលរដ្ឋរងគ្រោះដោយទឹកជំនន់រហ័សចំនួន ១,៥០០គ្រួសារ ដែលបានជម្លៀសមកកាន់ទីទួលសុវត្ថិភាពក្នុងក្រុងប៉ោយប៉ែត។

សូមទស្សនាព័ត៌មានពិស្ដារ៖

(កំពង់ឆ្នាំង)៖ កងកម្លាំងប្រតិបត្តិការសឹករងកំពង់ឆ្នាំង សហការជាមួយ កងពលតូចលេខ៧០ នៅព្រឹកថ្ងៃទី ១ខែតុលាឆ្នាំ ២០២៦ បានសហការគ្នាធ្វើលំហាត់សមយុទ្ធសង្គ្រោះប្រជាពលរដ្ឋ ទៅលើផ្ទៃទឹក ដើម្បីពង្រឹងសមត្ថភាពសង្គ្រោះបន្ទាន់ក្នុងហេតុការណ៍ណាមួយកើតឡើងគ្រាដែលទឹកជំនន់កំពុងតែជន់ឡើង។

សូមទស្សនាព័ត៌មានពិស្ដារ៖