ភ្នំពេញ ៖ ក្រសួងធនធានទឹក និងឧតុនិយម នៅព្រឹកថ្ងៃទី០៤ ខែសីហា ឆ្នាំ២០២០នេះ បានបង្ហាញស្ថានភាពកម្ពស់ទឹក នៅតាមបណ្តាស្ថានីយជលសាស្ត្រទាំង៨ រួមមានស្ថានីយ ៖

១- ទន្លេមេគង្គ-ស្ទឹងត្រែង
២- ទន្លេមេគង្គ-ក្រចេះ
៣- ទន្លេមេគង្គ-កំពង់ចាម
៤- ទន្លេបាសាក់-ចតុមុខ
៥- ទន្លេមេគង្គ-អ្នកលឿង
៦- ទន្លេបាសាក់-កោះខែល
៧- ទន្លេសាប-ព្រែកក្តាម
៨- ទន្លេសាប-កំពង់លួង៕

ភ្នំពេញ ៖ ក្រសួងសុខាភិបាលបានប្រកាសថា នៅថ្ងៃទី០៤ ខែសីហា ឆ្នាំ២០២០នេះ មានអ្នកជំងឺកូវីដ១៩ ៣នាក់ទៀតបានជាសះស្បើយ និងមានអ្នកឆ្លងថ្មី១នាក់។ នេះបើតាមសេចក្តីប្រកាសរបស់ក្រសួងសុខាភិបាល។

សេចក្តីប្រកាសព័ត៌មាន បានឲ្យដឹងថា ការរកឃើញករណីវិជ្ជមានវីរុសកូវីដ-១៩ ថ្មី ០១នាក់នេះ លើមន្ត្រីជាន់ខ្ពស់ស្ថានទូតអាមេរិកប្រចាំកម្ពុជា។ គាត់បាន​ធ្វើដំណើរមកពីអាមេរិក បន្តជើងហោះហើរនៅកូរ៉េខាងត្បូង។ លទ្ធផលវិភាគ​វត្ថុសំណាកលើកទី៣ នៅថ្ងៃទី១៥ នៃការធ្វើចត្តាឡីស័ករបស់គាត់ បានទទួលលទ្ធផលវិជ្ជមានកូវីដ នៅថ្ងៃទី៣ សីហា។

សម្រាប់ករណីជាសះស្បើយ០៣នាក់វិញមានបុរសជនជាតិខ្មែរ០២នាក់ និងបុរសជនជាតិអាមេរិកកាំងជាមន្ត្រីទូតអាមេរិកម្នាក់៖

១៖ បុរសអាយុ២៥ឆ្នាំ មានអាស័យដ្ឋាននៅភូមិ៣ សង្កាត់៤ ក្រុងព្រះសីហនុ ខេត្តព្រះសីហនុ
២៖ បុរសអាយុ ២៧ឆ្នាំ មានអាស័យដ្ឋាននៅភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប

បុរសជនជាតិខ្មែរទាំងពីរនាក់ខាងលើនេះ ជាអ្នកធ្វើដំណើរតាមជើងហោះហើរមកពីប្រទេសរុស្ស៊ី បន្តជើងហោះហើរនៅប្រទេសម៉ាឡេស៊ីមកកម្ពុជា ត្រូវបានព្យាបាលជាសះស្បើយ ដោយទទួលបានលទ្ធផលតេស្ត អវិជ្ជមានវីរុសកូវីដ-១៩ ចំនួន០២ដង និងត្រូវបានអនុញ្ញាតឲ្យចេញពីមណ្ឌលសុខាភាពចាក់អង្រែ រាជធានីភ្នំពេញ។

៣៖ បុរសជនជាតិអាមេរិកកាំង ជាមន្ត្រីការទូតជាន់ខ្ពស់ស្ថានទូតសហរដ្ឋអាមេរិកប្រចាំនៅកម្ពុជា កាន់វីសាប្រភេទ A មានអាស័យដ្ឋានស្នាក់នៅ ក្នុងស្ថានទូតអាមេរិកប្រចាំកម្ពុជា រាជធានីភ្នំពេញ។ បុរសរូបនេះបាន ធ្វើដំណើរពីសហរដ្ឋអាមេរិក បន្តជើងហោះហើរនៅប្រទេសកូរ៉េខាងត្បូងមកកម្ពុជា ត្រូវបានព្យាបាលជាសះស្បើយ ដោយទទួលបានលទ្ធផលតេស្តអវិជ្ជមានវីរុសកូវីដ-១៩ ចំនួន០២ដង ដែលគ្រប់គ្រង និងរាយ ការណ៍ដោយស្ថានទូតអាមេរិកប្រចាំកម្ពុជា។

គិតត្រឹមម៉ោង០៧៖០០ព្រឹក ថ្ងៃទី០៤ ខែសីហា ឆ្នាំ២០២០ ស្ថានភាពជំងឺកូវីដ-១៩ នៅកម្ពុជាបានរកឃើញអ្នកមានវីរុសកូវីដ-១៩ ចំនួនសរុប ២៤១នាក់ (ស្ត្រី៤៦នាក់ និងបុរស ១៩៥នាក់) ក្នុងនោះចំនួនអ្នកព្យាបាលជាសះស្បើយសរុបទូទាំងប្រទេស មានចំនួន២០០នាក់ (ស្រី៤៣នាក់ និងបុរស១៥៧នាក់) និងអ្នកសម្រាកព្យាបាលនៅក្នុងមន្ទីរពេទ្យរដ្ឋ មានចំនួនសរុប៣៩នាក់ និងអ្នកសម្រាកព្យាបាលនៅបន្ទប់ដោយឡែក ក្នុងស្ថានទូតអាមេរិកប្រចាំកម្ពុជា ចំនួន០២នាក់៕

ភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី០៤ ខែសីហា ឆ្នាំ២០២០នេះ បានចេញសេចក្ដីជូនដំណឹង ស្ដីពី ស្ថានភាពធាតុអាកាសនៅកម្ពុជា ចាប់ពីថ្ងៃទី ០៥-១១ ខែសីហា ឆ្នាំ២០២០។

ក្រសួងបានឲ្យដឹងថា តាមរយៈនៃការវិវត្ត និងប្រែប្រួលជាបន្តបន្ទាប់ នៃស្ថានភាពអាកាសធាតុ សង្កេតឃើញថា កម្ពុជាទទួលរងឥទ្ធិពល ពីជ្រលងសម្ពាធទាប និងខ្យល់មូសុងនិរតីខ្សោយ។ ស្ថានភាពបែបនេះធ្វើឱ្យ៖

ខេត្តព្រះវិហារ ៖ ក្រុមការងារកាកបាទក្រហមដឹកនាំដោយ លោកជំទាវ ចឹក ហេង នាថ្ងៃទី២ ខែកក្កដា ឆ្នាំ២០២០ បាននាំយកអំណោយរជាសម្ភារកាកបាទក្រហមចុះជួយអ្នករងគ្រោះដោយភ្លេីងឆេះតូបចំនួន០៦តូប និងផ្ទះមួយ។

ពិធីនេះដោយរួមសហការជាមួយលោក សុខ ខេមរា អភិបាលស្រុកឆែប និងក្រុមការងារកាកបាទក្រហមស្រុកឆែបបានប្រមូលថវិកាពីអាជីវក ខ្លះបានយកទៅចែកជូនគ្រួសារដែលត្រូវភ្លេីងឆេះដោយក្នុងមួយគ្រួសាទទួលបានអង្ករ២៥គ/ក្រមី០១កេស ទឹកសុីអុីវ០១យួរ ទឹកត្រី០១យួរ តង់០១ និងថវិកាចំនួន៣៥០,០០០ រៀល។

ដោយឡែក ឈ្មោះ ធុង សំណាង ទទួលបានអង្ករ២៥គ,ក្រមី០១កេស ទឹកត្រី០១យួរ ទឹកសុីអុីវ០១យួរ តង់០១ និងថវិកាចំនួន៥៥០,000រៀល ចំពោះអំណោយទាំងនេះលោកជំទាវ ចឹក ហេង បានមានប្រសាសន៍ថា នេះជាការកាត់បន្ថយការលំបាកដល់បងប្អូននៅពេលជួបការគ្រប់កាលៈទេសៈ៕ ដោយ ៖ កូវ ប៊ុនហេង

ខេត្តបន្ទាយមានជ័យ ៖ ស្ថិតក្នុងសភាពការដែលយើងទាំងអស់គ្នាបាន និងកំពុងបន្តរួមគ្នាប្រយុទ្ធ ប្រឆាំងការឆ្លងរីករាលដាលនឹងជំងឺកូវីដ-១៩មន្ទីរកិច្ចការនារីខេត្តបន្ទាយមានជ័យ បានសហការជាមួយរដ្ឋបាលខេត្តបន្ទាយមានជ័យ និងកម្មវិធីអភិវឌ្ឍន៍សេដ្ឋកិច្ចមូលដ្ឋាន (GIZ) ដោយប្រើប្រាស់ថវិកាបដិភាគរាជរដ្ឋាភិបាលកម្ពុជា បានបើកវគ្គបណ្ដុះបណ្ដាលចំនួន២វគ្គ រួមមាន៖ វគ្គបណ្ដុះបណ្ដាលស្តីពីជំនាញតម្បាញកន្ទេលកក់និងលើកកូម និងវគ្គបណ្ដុះបណ្ដាលស្តីពីការអភិវឌ្ឍន៍សហគ្រិនស្រ្តី ជូនដល់បងប្អូនប្រជាពលរដ្ឋជាស្រ្តីវ័យចំណាស់ រស់នៅក្នុងភូមិអង្ករខ្មៅ ឃុំគយមែង ស្រុកមង្គលបូរី ខេត្តបន្ទាយមានជ័យ រយៈពេល៥ថ្ងៃ ចាប់ពីថ្ងៃទី១ ដល់ថ្ងៃទី៥ ខែសីហា ឆ្នាំ២០២០ ក្រោមវត្តមាន លោកស្រី ម៉េង គឹមហួយ ប្រធានមន្ទីរកិច្ចការនារីខេត្តបន្ទាយមានជ័យ និងក្រុមការងារ រួមជាមួយអាជ្ញាធរមូលដ្ឋានបងប្អូនប្រជាពលរដ្ឋប្រមាជាង៤០គ្រួសារ ។
លើកឡើងក្នុងឱកាសនោះ លោកស្រី ម៉េង គឹមហួយ ប្រធានមន្ទីរកិច្ចការនារីខេត្តបន្ទាយមានជ័យ បានសំណូមពរដល់បងប្អូនដែលជាសិក្ខាកាមទាំងអស់ ត្រូវចូលរួមយកចិត្តទុក្ខដាក់ក្នុងការរៀនសូត្រ ជាពិសេសសូមព្យាយាមស្វែងយល់បន្ថែមនូវវិធីសាស្រ្ត និងរបៀបល្អៗក្នុងមុខរបរតម្បាញកន្ទេលកក់ ដូចជាការកែលម្អការប្រមូលផលកក់ កាជ្រៀកកក់ របៀបលាយពណ៌ល័ក្ខ របៀបជ្រលក់ពណ៌ល័ក្ខ និងរបៀបត្បាញទៅតាមម៉ូតផ្សេងៗ។ សូមប្រឹងប្រែងលើការអនុវត្តជាក់ស្តែង ដើម្បីពង្រឹង និងពង្រីកទៅតាមតម្រូវការទីផ្សារអោយកាន់តែល្អប្រសើរ។
លោកស្រី ប្រធានមន្ទីរកិច្ចការនារីខេត្ត បានបញ្ជាក់ថា៖ក្នុងនាមយើងជា មន្ទីរជំនាញ និងបន្តខិតខំប្រឹងប្រែងសហការណ៍គ្នាក្នុងកាជួយផ្គត់ផ្គង់ដល់ជីវភាពស្រ្តីវ័យចំណាសគ្មានការងារធ្វើ និងពុំអាចទៅណាបានឆ្ងាយ អោយបែរមកចាប់យកជំនាញបន្ថែម បែបលក្ខណៈគ្រួសារដោយច្នៃម៉ូតតម្បាញកន្ទេលកក់ដើម្បីបង្កើនប្រាក់ចំណូលក្នុងគ្រួសារ។
បច្ចុប្បន្ន យើងទាំងអស់គ្នាបាន និងកំពុងបន្តរួមគ្នាប្រយុទ្ធ ប្រឆាំងការឆ្លងរីករាលដាលនឹងវីរុសកូវីដ-១៩ ជាពេលវេលាដែលមិនអាចចេញទៅណាបាន ពិសេសមិនអាចរកប្រាក់ចំណូលបាន ដូច្នេះយើងនៅផ្ទះ យើងមានជំនាញតម្បាញដែលអាចទាញយកប្រាក់ចំណូលប្រចាំថ្ងៃសម្រាប់បំពេញបន្ថែមជីវភាពគ្រួសារ។
លោកស្រី ម៉េង គឹមហួយ សូមបងប្អូន អុំ ពូមីងយើងទាំងអស់ ត្រូវមានការប្រុងប្រយ័ត្នជាប់ជានិច្ចដោយយកចិត្តទុក្ខដាក់ថែរក្សាសុខភាពរបស់ខ្លួនដើម្បីរួចផុតពីការឆ្លងជំងឺកូវីដ-១៩ និងពីជំងឺ គ្រុនឈីក ក៏ដូចជាពីជំងឺផ្សេងទៀតផងដែរ៕

ភ្នំពេញ ៖ នាព្រឹកថ្ងៃចន្ទ ១៤កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៣ ខែសីហា ឆ្នាំ២០២០នេះ លោក ឃួង ស្រេង អភិបាល នៃគណៈអភិបាលរាជធានីភ្នំពេញបានអញ្ជើញចុះពិនិត្យការងារសណ្ដាប់ធ្នាប់ និងបរិស្ថាននៅតាមបណ្តោយមហាវិថីឈ្នះ ឈ្នះ និងនៅមុខវិមានឈ្នះ ឈ្នះ ដើម្បីចូលរួមចំណែករក្សាអនាម័យ និងបរិស្ថានស្អាត។

ក្នុងឱកាសនោះដែរ លោក ឃួង ស្រេង អភិបាលរាជធានីភ្នំពេញ បានណែនាំដល់អាជ្ញាធរនិងមន្ទីរជំនាញពាក់ព័ន្ធឲ្យសម្អាតមហាវិថីឈ្នះឈ្នះឱ្យបានស្អាតជាប់ជាប្រចាំមានបរិស្ថានល្អប្រសើរ ជាមួយនឹងការទុកដាក់វេចខ្ចប់សំរាមឲ្យបានត្រឹមត្រូវ ដើម្បីធានាឲ្យមហាវិថីនៅតែរក្សាបានភាពស្អាត។

លោកអភិបាលបានលើកឡើងថា នៅតាមបណ្ដោយមហាវិថីឈ្នះឈ្នះ ស្ថិតក្នុងខណ្ឌជ្រោយចង្វារឃើញថា មានធូលីដី ដក់ទឹកនៅតាមចិញ្ចើមផ្លូវជាមួយនឹងភក់ ការទុកដាក់សំរាមពុំបានត្រឹមត្រូវ ដែលទាមទារអោយអាជ្ញាធរពង្រឹងការដោះស្រាយបញ្ហាប្រ ឈមទំាងអស់នេះ ដើម្បីធានាឲ្យមហាវិថីឈ្នះឈ្នះមានអនាម័យបរិស្ថានស្អាតដែលចូលរួមបង្ការទប់ស្កាត់នូវជំងឺកូវីដ-១៩ទាំងអស់គ្នា ខណៈដែលជំងឺនេះបាននិងកំពុងរីករាលដាលនៅទូទាំងពិភពលោក ហើយកម្ពុជាក៏ជាប្រទេសកំពុងតែប្រឈមដែរនោះ។

លោកអភិបាលរាជធានីភ្នំពេញក៏បានណែនាំដល់មន្ទីរសាធារណការ និងដឹកជញ្ជូនរាជធានីភ្នំពេញ ធ្វើការសំអាតធូលីដី ភក់នៅលើបណ្ដោយផ្លូវនេះឱ្យបានស្អាត ជាមួយនឹងការប្រើគ្រឿងចក្រកៀទឹកដក់នៅតាមបណ្តោយផ្លូវនេះបញ្ចូលទៅក្នុងលូផងដែរ។ លោកបញ្ជាក់ថា ចំពោះមន្ទីរបរិស្ថាន និងអង្គភាពសួនច្បារ និងរុក្ខជាតិនៃមន្ទីរសាធារណការ និងដឹក ជញ្ជូនរាជធានីភ្នំពេញ ត្រូវទទួលខុសត្រូវមើលថែដើមឈើជាប្រចាំ ពោលគឺ បើដើមឈើដែលត្រូវលះមែកគឺត្រូវលះមែកចេញអោយបានស្អាត ហើយចំពោះដើមឈើណាងាប់ត្រូវ គាស់ចេញរួចដាំជំនួសវិញ៕

ខេត្តបន្ទាយមានជ័យ ៖ នៅថ្ងៃចន្ទ ទី៣ ខែសីហា ឆ្នាំ២០២០ ត្រូវនឹងថ្ងៃ ចន្ទ ១៤ កើត ខែ ស្រាពណ៌ ឆ្នាំជូត ទោស័ក ព.ស ២៥៦៤ ឯកឧត្តម អ៊ុ រាត្រី អភិបាលខេត្តបន្ទាយមានជ័យ បានអញ្ជើញជាអធិបតីភាព ក្នុងពិធីបើកដ្ឋានស្ថាបនាផ្លូវលំប្រភេទ ( DBST ) ចំនួន ១ ខ្សែប្រវែង ៧០៥០ ម៉ែត្រ ក្នុងភូមិប្រាសាទរ៉ាង ឃុំតាគង់ ស្រុកម៉ាឡៃ ខេត្តបន្ទាយមានជ័យ។

ឯកឧត្តម អ៊ុ រាត្រី អភិបាលខេត្តបន្ទាយមានជ័យ មានប្រសាសន៍ថា “” មានផ្លូវគឺមានក្តីសង្ឃឹម”” ដោយពិនិត្យមើលឃើញពីការលំបាករបស់បងប្អូនប្រជាពលរដ្ឋ ធ្វើដំណើរឆ្លងកាត់ ឬដឹកកសិផលផ្សេងៗនោះ រាជរដ្ឋាភិបាលកម្ពុជា ក៏ដូចជាអាជ្ញាធរខេត្ត បូករួមជាមួយជំនាញពាក់ព័ន្ធ និងក្រុមការងារ បានខិតខំប្រឹងប្រែងយ៉ាងខ្លាំងក្នុងការបម្រើ និងដោះស្រាយបញ្ហនៅមូលដ្ឋានជាអាទិភាពខ្ពស់។ ជាមួយគ្នានោះផ្លូវថ្នល់ ផ្លូវលំជនបទក្តី បាននិងកំពុងប្រែក្លាយជាបណ្តើរហើយ ផ្លាស់ប្តូរពីផ្លូវដីមកក្រាសក្រួស ថ្មមិញ ហើយកំពុងផ្លាស់ប្តូរមកជាចាក់កៅស៊ូបេតុង ស្របតាមគោលការជាយុទ្ធសាស្រ្ត របស់រដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំប្រកបដោយគតិ្តបណ្ឌិត។

ឯកឧត្តមបន្តថា ផ្លូវជាសរសៃឈាមសេដ្ឋកិច្ចដ៏សំខាន់សម្រាប់បម្រើផលប្រយោជន៍ប្រជាពលរដ្ឋ និងសង្គមជាតិ មានផ្លូវមានក្តីសង្ឃឹម មានការរីកចម្រើនលើគ្រប់វិស័យ។  ជាមួយគ្នានោះ ឯកឧត្តមអភិបាលខេត្ត ក៏បានសំដែងនូវការសប្បាយរីករាយជាមួយពុកម៉ែបងប្អូនប្រជាពលរដ្ឋដែលទទួលបានអំណោយផ្លូវលំនេះ វាពិតជាផ្តល់ផលប្រយោជន៍យ៉ាងច្រើនដល់ប្រជាពលរដ្ឋពិសេស មានផ្លូវដឹកជញ្ជូនកសិផលងាយស្រួល បានប្រឡាយទឹកសម្រាប់ស្រោចស្របស្រូវផងដែរ។

ចុងក្រោយ គណៈអធិបតីក៏បានចែកជូនជាកន្សែងដល់បងប្អូនប្រជាពលរដ្ឋ ចូលរួមក្នុងម្នាក់ៗ ក្រមា ១ និងបានឡើងបញ្ជាគ្រឿងចក្រជានិមិត្តរូប ក្នុងការស្ថាបនាផ្លូវលំ១ខ្សែនោះផងដែរ៕

ភ្នំពេញ ៖ ក្រសួងពាណិជ្ជកម្មបានចេញសេចក្តីជូនដំណឹងថ្មីមួយ ស្តីពីការកំណត់ថ្លៃប្រេងឥន្ធនៈ ត្រូវលក់រាយតាមស្ថានីយចាប់ពីថ្ងៃនេះ ដល់ថ្ងៃទី១៥ ខែសីហា ឆ្នាំ២០២០ ដោយសាំងធម្មតាត្រូវលក់តម្លៃ៣,០០០រៀល ក្នុងមួយលីត្រ និងម៉ាស៊ូតលក់ក្នុងតម្លៃ ២,៨០០រៀលក្នុង១លីត្រ៕

សូមអានសេចក្តីជូនដំណឹង របស់ក្រសួងពាណិជ្ជកម្មទាំងស្រុង៖

ភ្នំពេញ ៖ លោក សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្ត្រៃយ៍បានដឹកនាំការប្រជុំបូកសរុបរបាយការណ៍ត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ប្រចាំខែកក្កដា ឆ្នាំ២០២០ សរុបចំនួន១៥៧ ២៦៩គ្រឿង និងប្រមូលថវិកាពិន័យបានចំនួន ៥៨៦ ៦៩៥ ០០០ រៀល នៃរថយន្តលើសទម្ងន់កម្រិតកំណត់ចំនួន ៤៦ ៧៥២ គ្រឿង ស្មើនឹង ២៩.៧២%។ កិច្ចប្រជុំនេះ ធ្វើឡើងកាលពីចុងខែកន្លងទៅនេះ។

តាមរបាយការណ៍នៃការអនុវត្តការងារនោះ មានរថយន្តត្រួតពិនិត្យរួមមាន ៖ រថយន្តផ្ទុកលើសទម្ងន់ក្រោម ៥% ចំនួន ៤៦ ៤៣២គ្រឿង។ រថយន្តផ្ទុកលើសទម្ងន់ពី ៥% – ១០% ចំនួន ១៧គ្រឿង។ រថយន្តផ្ទុកលើសទម្ងន់ពី ១០% – ២០% ចំនួន ២១១គ្រឿង និងរថយន្តផ្ទុកលើសទម្ងន់លើសពី ២០% ៩២គ្រឿង

ក្នុងកិច្ចប្រជុំនោះលោករដ្ឋលេខាធិការ បានណែនាំដល់មន្ត្រីឱ្យពង្រឹងការអនុវត្តការងារឱ្យបានកាន់តែប្រសើរឡើង ក្នុងទិសដៅការងារបន្ទាប់ ដើម្បីទប់ស្កាត់រថយន្តដែលគេចវេសមិនចូលស្ថានីយ និងបើកបរតាមផ្លូវវាងផ្សេងៗដែលមិនមានស្ថានីយជញ្ជីង។

លោកបានអនុញ្ញាតឲ្យគ្រប់ស្ថានីយទាំងអស់អាចចាប់អូសរថយន្តណាដែលបើកគេចស្ថានីយក្នុងរង្វង់ចម្ងាយ ៣ គីឡូម៉ែតមកថ្លឹងក្នុងស្ថានីយបាន និងជំរុញឲ្យក្រុមចល័តក្រសួងចេញប្រតិបត្តិការឲ្យបានឆាប់រហ័ស។ ទន្ទឹមនឹងនេះ លោកក៏បានឱ្យសិក្សា និងបង្កើតក្រុមប្រតិកម្មរហ័សសម្រាប់ឆ្លើយតប និងបន្សាបព័ត៌មានមិនពិតដែលប៉ះពាល់ ដល់ការអនុវត្តការងាររបស់មន្ត្រីជំនាញ៕

ភ្នំពេញ ៖ ក្រសួងធនធានទឹក និងឧតុនិយម នៅព្រឹកថ្ងៃទី០៣ ខែសីហា ឆ្នាំ២០២០នេះ បានបង្ហាញស្ថានភាពកម្ពស់ទឹក នៅតាមបណ្តាស្ថានីយជលសាស្ត្រទាំង៨ រួមមានស្ថានីយ ៖

១- ទន្លេមេគង្គ-ស្ទឹងត្រែង
២- ទន្លេមេគង្គ-ក្រចេះ
៣- ទន្លេមេគង្គ-កំពង់ចាម
៤- ទន្លេបាសាក់-ចតុមុខ
៥- ទន្លេមេគង្គ-អ្នកលឿង
៦- ទន្លេបាសាក់-កោះខែល
៧- ទន្លេសាប-ព្រែកក្តាម
៨- ទន្លេសាប-កំពង់លួង៕