ខេត្តពោធិ៍សាត់ ៖ នៅព្រឹកថ្ងៃចន្ទ ១រោច ខែផល្គុន ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី០៩ ខែមីនា ឆ្នាំ ២០២០ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោក វ៉ាង វិនធៀន ឯកអគ្គរដ្ឋទូតចិនប្រចាំកម្ពុជានឹងអញ្ជើញសម្ពោធដាក់ឱ្យប្រើប្រាស់ផ្លូវជាតិលេខ៥៥ តភ្ជាប់ពីផ្លូវជាតិលេខ៥ ក្នុងទីរួមខេត្តពោធិ៍សាត់ ឆ្ពោះទៅកាន់ព្រំដែនថ្មដា ជាប់ជាមួយខេត្តត្រាត ប្រទេសថៃ និងបើកការដ្ឋានសាងសង់ផ្លូវជាតិ១០ តភ្ជាប់ពីសំឡូត ទៅខេត្តកោះកុង។

ផ្លូវជាតិលេខ៥៥ មានប្រវែងសរុប ១៨២.១៦គីឡូម៉ែត្រ តភ្ជាប់ពីពោធិ៍សាត់ ឆ្លងកាត់ស្រុកវាលវែង ទៅដល់ថ្មដាព្រំដែនកម្ពុជា-ថៃ។ ផ្លូវនេះចំណាយថវិកាសាងសង់សរុប ១៣២.៨០ លានដុល្លារអាមេរិក ជាហិរញ្ញប្បទានពីរដ្ឋាភិបាលចិន រួមជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់នានា និងការបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ។

ទន្ទឹមនឹងការដាក់ឱ្យដំណើរការផ្លូវជាតិលេខ៥៥ ថ្ងៃនេះ សម្តេចតេជោ ហ៊ុន សែន និងលោក វ៉ាង វិនធៀន នឹងប្រកាសបើកការដ្ឋានសាងសង់ផ្លូវមួយខ្សែថ្មីទៀត គឺផ្លូវជាតិលេខ១០ ដែលតភ្ជាប់ពីសំឡូត ខេត្តបាត់ដំបង ឆ្លងវាលវែង អូរសោម ខេត្តពោធិ៍សាត់ រហូតដល់ខេត្តកោះកុង ដែលមានប្រវែងសរុប ១៩៨.៧១គីឡូម៉ែត្រ គ្រោងចំណាយថវិកាសរុបប្រមាណ ១៨៨.៣៨លានដុល្លារអាមេរិក ជាហិរញ្ញប្បទានពីរដ្ឋាភិបាលចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា៕

ភ្នំពេញ ៖ កាលពីថ្ងៃសុក្រ ចុងសប្តាហ៍នេះ ក្រសួងការងារ និងបណ្ដុះបណ្ដាលវិជ្ជាជីវៈ បានចេញសេចក្តីអំពាវនាវស្ដីពីការអនុវត្តការព្យួរកិច្ចសន្យាការងារ សម្រាប់វិស័យវាយនភណ្ឌ កាត់ ដេរ ផលិតស្បែកជើង និងផលិតផលធ្វើដំណើរនិងកាបូប ដែលរងផលប៉ះពាល់ពីកង្វះ ខាត វត្ថុធាតុដើម ដោយសារប្រទេសចិនផ្អាកការផ្គត់ផ្គងវត្ថុធាតដើម បន្ទាប់ពីផ្ទុះឡើងនូវ ជំងឺរលាកផ្លូវដង្ហើមធ្ងន់ធ្ងរ COVID-19 ។

នៅក្នុងសេចក្តីអំពាវនាវនោះ ក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវ ដល់ម្ចាស់ នាយកសហគ្រាស គ្រឹះស្ថាន កម្មករ និយោជិតនិងអង្គការវិជ្ជាជីវៈគ្រប់ជាន់ថ្នាក់ ក្នុងវិស័យវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរនិងកាបូប ដែលរងផលប៉ះពាល់ពីកង្វះខាតវត្ថុធាតុដើមដោយសារជំងឺរលាកផ្លូវដង្ហើមធ្ងន់ធ្ងរ COVID-19 ត្រូវអនុវត្ត នូវគោលការណ៍ ៤ចំណុច រួមមាន ៖

១. អនុវត្តឱ្យបានត្រឹមត្រូវតាមបទប្បញ្ញត្តិច្បាប់ ស្តីពីការងារពាក់ព័ន្ធនឹងនីតិវិធី នៃការព្យួរកិច្ចសន្យាការ ងារ។

២. អនុវត្តឱ្យបានត្រឹមត្រូវតាមវិធានការ និងអនុសាសន៍របស់ ប្រមុខរដ្ឋាភិបាល លើការ គ្រប់គ្រងផលប៉ះពាល់ពីជំងឺរលាកផ្លូវដង្ហើម (COVID-19) ។

៣. អនុវត្តតាមសេចក្តីណែនាំរបស់ក្រសួងការងារ ស្ដីពីការព្យួរកិច្ចសន្យាការងារ ការចុះ ឈ្មោះ ចូលរៀនជំនាញទន់ នឹងការផ្អាកបង់ភាគទាន ប ស ស សម្រាប់វិស័យវាយនភណ្ឌដែលរងផលប៉ះពាល់ពីកង្វះខាតវត្ថុធាតុដើម ដោយសារជំងឺរលាកផ្លូវដង្ហើមធ្ងន់ធ្ងរ ( COVID-19)។

៤. មិនត្រូវឆ្លៀតយកឱកាសនេះ ទាមទារ ឬប្រែក្លាយការព្យួរកិច្ចសន្យាការងារ ទៅជាការ បញ្ឈប់កិច្ចសន្យាការងារ ឬធ្វើការផ្លាស់ប្ដូរប្រភេទកិច្ចសន្យាការងារ ឬធ្វើការបញ្ចប់កិច្ច សន្យាការងាររើសអើងថ្នាក់ដឹកនាំសហជីពឡើយ។ ទង្វើនេះគឺខុសច្បាប់ហើយបុគ្គលទាំង ឡាយ ដែលទាមទារ ឬញុះញង់ឲ្យធ្វើទង្វើនេះត្រូវទទួលខុសត្រូវចំពោះមុខច្បាប់ជាធរមាន។

ក្នុងលិខិតដដែល  ក្រសួងការងារក៏បានបង្ហាញពីជំនឿទុកចិត្តយ៉ាងមុតមាំថា គ្រប់ម្ចាស់នាយកសហ គ្រាសគ្រឹះស្ថា នកម្មករនិយោជិត និងអង្គការវិជ្ជាជីវៈគ្រប់ជាន់ថ្នាក់ ក្នុងវិស័យវាយនភ័ណ្ឌកាត់ដេរដែលរងផលប៉ះពាល់នឹង ចូលរួមអនុវត្តច្បាប់ប្រកបដោយប្រសិទ្ធភាពខ្ពស់៕

ខេត្តកំពង់ចាម ៖ លោក អ៊ុន ចាន់ដា អភិបាល នៃគណៈ អភិបាលខេត្តកំពង់ចាម អមដំណើរដោយ ថ្នាក់ដឹកនាំអង្គភាពពាក់ព័ន្ធ និងអជ្ញាធរមូលដ្ឋាន នារសៀលថ្ងៃ ទី០៦ ខែមិនា ឆ្នាំ២០២០នេះបាន អញ្ជើញចុះពិនិត្យគម្រោងសាងសង់ពន្ធនាគារថ្មីដោយសម្រេចបានជិតរួចរាល់ជាច្រើនដំណាក់កាលដែលមានទីតាំងស្ថិតនៅក្នុងភូមិផ្កាយព្រឹក ឃុំមៀន ស្រុកព្រៃឈរ ខេត្តកំពង់ចាម។

លោក អ៊ុន ចាន់ដា អភិបាលខេត្តកំពង់ចាម បាន លើក ឡើង ថា ចំពោះ ការ សាងសង់ ពន្ធធនាគារ ថ្មី នេះ ក៏ដោយ សារ តែ ពន្ធនាគារ ខេត្តកំពង់ចាម បច្ចុប្បន្ន ស្នាក់ នៅ ជាមួយ ពន្ធនាគារ ខេត្តត្បូងឃ្មុំ ដែល មាន សភាពតូច ចង្អៀត សម្រាប់ ជន ត្រូវ ជាប់ ឃុំ ទាំង ២ខេត្ត ដូច្នេះ ក៏ តម្រូវ ឲ្យ មាន ការ សាងសង់ ពន្ធធនាគារ ខេត្តកំពង់ចាម ឡើង វិញ ស្ថិត នៅ ក្នុង ភូមិ ផ្កាយ ព្រឹក ឃុំ មៀន ស្រុក ព្រៃឈរ នាពេល នេះ ដេីម្បី ធ្វើ ការ អប់រំកែប្រែ ស្តារនីតិសម្បទាដល់ជនជាប់ឃុំ ប្រែក្លាយជនជាប់ឃុំឲ្យក្លាយទៅជាមនុស្សស្លូតបូត ទៀងត្រង់ លែងប្រព្រឹត្តបទលើ្មសតទៅទៀត អាចធ្វើសមាហរណកម្មទៅក្នុងសង្គមវិញ ផង ដែរ ។

ជាមួយ គ្នានោះ លោកឧត្តមអគ្គានុរក្សថ្នាក់លេខ២ ហ៊ុន ខី ប្រធាន ពន្ធនាគារ ខេត្តកំពង់ចាម បាន ឲ្យដឹងថា ការ សាងសង់ ពន្ធធនាគារ ថ្មី នេះ គឺ មាន២ ដំណាក់កាល ក្នុង នោះ ដំណាក់កាល ទី ១ ត្រូវ បាន សាងសង់ ជិត រួចរាល់ ជាស្ថាពរ ហើយ ដែល មាន ១ ការ សាងសង់ របង ប្រវែង ១០០ម៉ែត្រ ៤ជ្រុង ២ ប៉ុស្តិ៍ ត្រួតពិនិត្យ ក្លោងទ្វារ ចូល ៣ អាគារ ឃុំ ខ្លួន ស្ត្រី និង កុមារ ៤ អាគារ ឃុំ ខ្លួន ពិរុទ្ធជន ទណ្ឌិត ដែល មាន កម្ពស់ ២ជាន់ ស្មើ នឹង ២៤បន្ទប់ ។

ដោយ ឡែក ដំណាក់កាល ទី ២ ដែល កំពុង សាងសង់ បន្ត នោះ គឺ មាន ៥ មុខ ព្រួញ ទៀត ក្នុង នោះមាន ១ អាគារ រដ្ឋបាល ២ អាគារ ស្នាក់ នៅ ៣ អាគារ ប៉ុស្តិ៍ សុខភាព ៤ អាគារ ពិរុទ្ធជន ទណ្ឌិត ដែល មាន កម្ពស់ ២ ជាន់ ស្មើ នឹង ២៤បន្ទាប់ និង ទី-៥ អាគារ រោងបាយ ផង ដែរ ៕ដោយ ៖ ប៉ែន សុផល

ភ្នំពេញ ៖ រដ្ឋបាលរាជធានីភ្នំពេញ បានចេញសេចក្ដីជូនដំណឹងដល់ប្រជាពលរដ្ឋទាំងអស់រក្សាភាពស្ងប់ស្ងាត់ ប្រកបមុខរបរចិញ្ចឹមជីវិតដូចប្រក្រតី និងកុំជ្រួលច្របល់តាមពាក្យចចាមអារ៉ាមឡើយ ហើយអនុវត្តតាមវិធីបង្ការ ដែលណែនាំដោយក្រសួងសុខាភិបាល ខណៈរហូតមកដល់ម៉ោងនេះ គ្មានពលរដ្ឋណាម្នាក់នៅក្នុងប្រទេសកម្ពុជា ផ្ទុកវីរុសកូវីដ១៩ឡើយ។

សេចក្ដីជូនដំណឹងនៅថ្ងៃទី០៦ ខែមីនា ឆ្នាំ២០២០ រដ្ឋបាលរាជធានីភ្នំពេញ បានណែនាំឲ្យប្រជាពលរដ្ឋរក្សាសណ្ដាប់ធ្នាប់ ស្ថិរភាពទំនិញ និងចៀសវាងជនឱកាសនិយមឆ្លៀតដំឡើងថ្លៃផលិតផលស្បៀង ព្រោះផលិតផលស្បៀងរបស់កម្ពុជា លើសពីការបម្រុងទុក រហូតដល់នាំចេញទៅបរទេសទៀតផង។

ការចេញសេចក្ដីជូនដំណឹងរបស់រដ្ឋបាលរាជធានីភ្នំពេញ បន្ទាប់ពីសង្កេតឃើញថា ក្នុងរយៈពេលពីរថ្ងៃនេះប្រជាពលរដ្ឋនៅក្នុងរាជធានីភ្នំពេញ បានសម្រុកទៅទិញទំនិញស្ដុកទុក ជាពិសេសស្បៀងអាហារប្រចាំថ្ងៃ ដែលជាហេតុធ្វើឲ្យជនឱកាសនិយមឆ្លៀតដំឡើងថ្លៃទំនិញ ខណៈដែលស្បៀងអាហារបម្រុងនៅក្នុងរាជធានីភ្នំពេញ ពុំបានប្រឈមនឹងការខ្វះខាតនោះទេ៕

ភ្នំពេញ ៖ ជាថ្មីម្តងទៀត នាយករដ្ឋមន្ត្រីកម្ពុជាសម្តេចតេជោ ហ៊ុន សែន បានថ្លែងនៅក្នុងពិធីអបអរសាទរទិវាអន្តរជាតិនារី ៨ មីនា ខួបលើកទី១០៩ ឆ្នាំ២០២០ នាព្រឹក ថ្ងៃទី៦ ខែមីនា នេះ ដោយស្នើឲ្យគ្រប់ថ្នាក់ដឹកនាំក្រសួង-ស្ថាប័នរដ្ឋ ត្រូវបន្តបង្កើនឲ្យមានចំនួនស្ត្រី ក្នុងតួនាទីជាថ្នាក់ដឹកនាំនៅគ្រប់កម្រិត។

សម្តេច ហ៊ុន សែន បានបញ្ជាក់ថា រាជរដ្ឋាភិបាលកំពុងផ្តោតការយកចិត្តទុកដាក់ខ្ពស់ ទៅលើការលើកកម្ពស់សមភាពយេនឌ័រ និងការបង្កើនភាពអង់អាចដល់ស្រ្តី និងក្មេងស្រី ដែលមានចំនួនជាង ៥០% នៃចំនួនប្រជាជនសរុប ដើម្បីឱ្យពួកគេ បានក្លាយជាធនធានប្រកបសក្តានុពលក្នុងការរួមចំណែកការអភិវឌ្ឍសង្គម និងសេដ្ឋកិច្ចជាតិនាពេលអនាគត។

ការលើកកម្ពស់សមភាពយេនឌ័រ និងការបង្កើនភាពអង់អាចដល់ស្រ្តីរបស់កម្ពុជា ត្រូវបាន វាយតម្លៃខ្ពស់ តាមរយៈការចាត់ចំណាត់ថ្នាក់របស់វេទិកា សេដ្ឋកិច្ចពិភពលោកក្នុងឆ្នាំ ២០២០ ដែលកម្ពុជាទទួលបានវឌ្ឍនភាព ក្នុងការកាត់បន្ថយគម្លាតយេនឌ័រ ដោយថយចុះ ពីចំណាត់ថ្នាក់លេខ១១២ នៅ ២០១៦ មកចំណាត់ថ្នាក់លេខ៨៩ នៅឆ្នាំ២០២០ ក្នុង ចំណោមប្រទេសចំនួន ១៥៣។

គួរកត់សម្គាល់ថា រាជរដ្ឋាភិបាលបានបង្កើនថវិកា ជូនដល់ក្រុមប្រឹក្សាជាតិកម្ពុជា ដើម្បីស្ត្រី ចំនួន ៥០០លានរៀល ក្នុងមួយឆ្នាំ សម្រាប់ជួយដល់ស្ត្រី និងក្មេងស្រីរងគ្រោះ ក្នុងការស្វែងរកសេវាយុត្តិធម៌ តាមរយៈការបង្កើតក្រុមមេធាវីសម្ដេចតេជោសែន ប្រចាំនៅរាជធានី ខេត្ត ទាំង២៥ សម្រាប់ជួយស្វែងរកសេវាយុត្តិធម៌ ជូនដល់ជនក្រីក្រស្ត្រី និងក្មេងស្រីដែលរងគ្រោះដោយអំពើហិង្សា បានទាន់ពេលវេលា និងប្រកបដោយប្រសិទ្ធភាព។

សម្ដេចតេជោ បានថ្លែងថា នៅក្នុងវិស័យអប់រំ កម្ពុជាមានសមភាពយេនឌ័រ ក្នុងកម្រិត បឋមសិក្សា និងមធ្យមសិក្សា បឋមភូមិ ហើយគម្លាតយេនឌ័រនៅកម្រិត មធ្យមសិក្សាទុតិយភូមិ និងឧត្ដមសិក្សា ក៏ត្រូវបានកាត់បន្ថយជាបណ្តើៗដែរ។ នៅប៉ុន្មានឆ្នាំចុងក្រោយនេះ ចំនួនសិស្សស្រីនៅកម្រិតមធ្យមសិក្សា ទុតិយភូមិ មានការកើនឡើងទាំងបរិមាណ និងគុណ ភាព។ លទ្ធផលនៃសិស្សស្រី ដែលទទួលបាននិទ្ទេស A ក្នុងការប្រឡងមធ្យមសិក្សា ទុតិយភូមិមានចំនួន ក្នុងរង្វង់ ៥០%។

គួរជម្រាបដែរថា កម្ពុជា ត្រូវបានទទួលស្គាល់ថា ជាប្រទេសដែល មានស្ត្រីចូលរួមយ៉ាងសកម្មក្នុងវិស័យសេដ្ឋកិច្ច និងការលើកកម្ពស់សុខភាពស្ត្រី ហើយ អត្រាស្រ្តីដែលបានចូលរួមក្នុងកម្លាំងពលកម្មខ្ពស់ជាងគេមានរហូតដល់ទៅ ៧៩% ម្ចាស់អាជីវកម្ម ៦៥% ៕

ភ្នំពេញ ៖ ក្រសួងការងារ និងបណ្ដុះបណ្ដាលវិជ្ជាជីវៈបានរំលឹក និងអំពាវនាវដល់ម្ចាស់ នាយកសហគ្រាស គ្រឹះស្ថាន កម្មករ និយោជិត និងអង្គការវិជ្ជាជីវៈគ្រប់ជាន់ថ្នាក់ ក្នុងវិស័យវាយនភណ្ឌកាត់ដេរ ផលិតស្បែកជើង និងផលិតផលធ្វើដំណើរ និងកាបូប ដែលរងផលប៉ះពាល់ពីកង្វះវត្ថុធាតុដើមដោយសារជំងឺផ្លូវដង្ហើមធ្ងន់ធ្ងរ ខូវីដ១៩ ឱ្យអនុវត្តឱ្យបានត្រឹមត្រូវតាមច្បាប់ការងារ និងវិធានការនានារបស់រាជរដ្ឋាភិបាល។

តាមរយៈសេចក្តីប្រកាសរបស់ខ្លួន នៅយប់ថ្ងៃទី០៦ ខែមីនា ឆ្នាំ២០២០នេះ ក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវដូចខាងក្រោម៖

១៖ អនុវត្តឱ្យបានត្រឹមត្រូវតាមបទប្បញ្ញត្តិច្បាប់ស្តីពីការងារពាក់ព័ន្ធនឹងនីតិវិធី នៃការព្យួរកិច្ចសន្យាការងារ

២៖ អនុវត្តឱ្យបានត្រឹមត្រូវតាមវិធានការ និងអនុសាសន៍របស់ សម្ដេចតេជោនាយករដ្ឋមន្ត្រី លើការគ្រប់គ្រងផលប៉ះពាល់ពីជំងឺរលាកផ្លូវដង្ហើមខូវីដ១៩

៣៖ អនុវត្តតាមសេចក្តីណែនាំ ០១៤/២០ ចុះថ្ងៃទី២៨ ខែកុម្ភៈ ឆ្នាំ២០២០ របស់ក្រសួងការងារ និងបណ្ដុះបណ្ដាលវិជ្ជាជីវៈ ស្ដីពីការព្យួរកិច្ចសន្យាការងារ, ការចុះឈ្មោះចូលរៀនជំនាញទន់ និងការផ្អាកបង់ភាគទាន ប.ស.ស សម្រាប់វិស័យវាយនភ័ណ្ឌកាត់ដេរ និងផលិតស្បែកជើង និងផលិតផលធ្វើដំណើរ និងកាបូប ដែលរងផលប៉ះពាល់ពីកង្វះខាតវត្ថុធាតុដើមដោយសារជំងឺរលាកផ្លូវដង្ហើមធ្ងន់ធ្ងរ ខូវីដ១៩

៤៖ មិនត្រូវឆ្លៀតយកឱកាសនេះ ទាមទារ ឬប្រែក្លាយការព្យួរកិច្ចសន្យាការងារ ទៅជាការបញ្ឈប់កិច្ចសន្យាការងារ ឬធ្វើការផ្លាស់ប្ដូរប្រភេទកិច្ចសន្យាការងារ ឬធ្វើការបញ្ចប់កិច្ចសន្យាការងាររើសអើងថ្នាក់ដឹកនាំសហជីពឡើយ។ ទង្វើនេះគឺខុសច្បាប់ហើយបុគ្គលទាំងឡាយ ដែលទាមទារ ឬញុះញង់ឲ្យធ្វើទង្វើនេះត្រូវទទួលខុសត្រូវចំពោះមុខច្បាប់ជាធរមាន។

ក្រសួងការងារ និងបណ្ដុះបណ្ដាលវិជ្ជាជីវៈ សង្ឃឹមយ៉ាងមុតមាំថា គ្រប់ម្ចាស់នាយកសហគ្រាស គ្រឹះស្ថានកម្មករនិយោជិត និងអង្គការវិជ្ជាជីវៈគ្រប់ជាន់ថ្នាក់ ក្នុងវិស័យវាយនភ័ណ្ឌកាត់ដេរផលិតស្បែកជើង និងផលិតផលធ្វើដំណើរ និងកាបូបដែលរងផលប៉ះពាល់ពីកង្វះខាតវត្ថុធាតុដើមដោយជំងឺ​រលាកផ្លូវដង្ហើមធ្ងន់ធ្ងរ​ខូវីដ១៩ នឹងចូលរួមអនុវត្តច្បាប់ស្ដីពីការនានាប្រកបដោយប្រសិទ្ធភាពខ្ពស់៕

ភ្នំពេញ ៖ ជនសង្ស័យចំនួន៤នាក់បានធ្វើសកម្មភាពប្រើល្បិចទម្លាក់យោងយកគ្រឿងអលង្ការកាឡៃដូរយកគ្រឿង អលង្ការមាសដែលមានតម្លៃជាង១ពាន់ដុល្លារពីកម្មការិនីម្នាក់បានសម្រេចហើយបក្សពួក៣នាក់បានរត់គេចខ្លួនបាត់ចំណែកជនម្នាក់ខាងលើបម្រុងនិងចាកចេញទៅដែរ។ ប៉ុន្តែនាងរងគ្រោះដឹងថាជាគ្រឿងអលង្ការកាឡៃក៏ដេញចាប់កន្ទុយម៉ូតូជាប់វនិងស្រែកទ្រហោយំឲ្យគេជួយ បង្កការភ្ញាក់ផ្អើលដល់អ្នកភូមិ ជួយដេញចាប់បានប្រគល់ឲ្យប៉ូលិសតែម្ដង។

ហេតុការណ៍នេះបានកើតឡើងកាលពីវេលាម៉ោង១និង៣០នាទីរសៀលថ្ងៃទី០៦ ខែមិនា ឆ្នាំ២០២០ ក្នុងភូមិព្រៃព្រីងជើង១ សង្កាត់ចោមៅ២ ខណ្ឌពោធិសែនជ័យ ប៉ុន្តែក្រុមជនសង្ស័យបាននាំនាងរងគ្រោះទៅដោះគ្រឿងអលង្ការនៅចំណុចភូមិជង្រុក សង្កាត់ត្រពាំងក្រសាំង ខណ្ឌពោធិសែនជ័យ និងត្រូវចាប់ខ្លួននៅទីនោះតែម្ដង ។

ជនសង្ស័យឈ្មោះ សែម បូរ៉ា ទេទប្រុស អាយុ៥០ឆ្នាំ មុខរបរ សកម្មក្នុងរបរទម្លាក់យោង មានតួនាទីជាអ្នកឌុប ដឹក ជញ្ជូន ក្នុងសកម្មភាពប្រព្រឹត្តល្មើស ស្នាក់នៅផ្ទះជួល ភូមិដំណាក់ សង្កាត់គោកឃ្លាង ខណ្ឌសែនសុខ មានស្រុកកំណើត ភូមិព្រៃញ៉យ ឃុំក្រោលគោ ស្រុកស្វាយជ្រុំ ខេត្តស្វាយរៀង ។ សមត្ថកិច្ចដកហូតបានម៉ូតូស្មាស់មួយគ្រឿង ពណ៌ខ្មៅ ពាក់ស្លាកលេខ ភ្នំពេញ 1BO-0222 ជាមធ្យោបាយរបស់ជនសង្ស័យ ។ ជនសង្ស័យរូបនេះបានរងរបួសបែកមុខមាត់យ៉ាងដំណំដោយសារតែអ្នកភូមិវាយទាត់ធាក់ម្នាក់១ដៃ១ជើង។

ចំណែកជនរងគ្រោះឈ្មោះ ឆាន់ ស្រីនិច ភេទស្រី អាយ ២៥ឆ្នាំ មុខរបរ កម្មការនីរោងចក្រ មានប្តីឈ្មោះ វាសនា អាយុ២៧ឆ្នាំ ជាជាងជួសជុលរថយន្ត ស្នាក់នៅផ្ទះជួល ភូមិជម្ពូវ័ន សង្កាត់ចោមចៅ៣ ខណ្ឌពោធិសែនជ័យ មានស្រុកកំណើត ភូមិច្រេស ឃុំច្រេស ស្រុកជុំគិរី ខេត្តកំពត ។ សម្ភារៈបាត់បង់ ខ្សែកប្លាទីន ទម្ងន់៣ជី តម្លៃ២១៥ដុល្លា , កងដៃមួយឈុត ២៥កង តម្លៃ៩៣៥ដុល្លា, ចិញ្ចៀនប្លាទីន តម្លៃ១២០ដុល្លា សរុប១២៧០ដុល្លា ជនសង្ស័យដោះយកហើយគេចខ្លួនបាត់ ។ ជនសង្ស័យដាក់កញ្ចប់ខ្សែកក្រឡៃ ទៅក្នុងកាបូបស្ពាយ របស់ជនរងគ្រោះ ។

តាមសម្តីជនរងគ្រោះបានឲ្យដឹងថា មុនកើតហេតុកាលពីវេលាម៉ោង១១និង៣០នាទីព្រឹកថ្ងៃទី០៦ ខែមិនា គ្រាដែលហូបបាយរួច ដើរទៅរោងចក្រវិញ តែមុននឹងចូល ឆ្លៀតដើរទៅកន្លែងលក់ដង្កៀប កៀបសក់ លក់នៅខាងមុខរោងចក្រ ជួបស្ត្រីជនសង្ស័យម្នាក់ដើរមកសួរ រឿងមានគេជ្រុះកញ្ចប់មាស លុយ ទាក់ពាក្យសម្តី ស្ត្រីជនសង្ស័យម្នាក់ទៀតមកដល់ ប្រាប់ថាកុំមាត់ រើសបាន ទុកចែកគ្នា ហើយល្បួងនាំ ខាងជនសង្ស័យ៤នាក់ ប្រុស២នាក់ ស្រី២នាក់ ជិះម៉ូតូ២គ្រឿង ម៉ាកស្មាស់រប់ជនសង្ស័យខាងលើ និងម៉ាកសេ១២៥ ឌុបនាំនាង សរុបគ្នា៥នាក់ ទៅដល់ក្នុងភូមិជង្រុក ល្បែងចែកទ្រព្យ ដោះយកគ្រឿងអលង្ការអស់ពីខ្លួន ជនសង្ស័យទុកកញ្ចប់លោហៈ ពណ៌ក្រហម (ខ្សែកក្រឡៃ)ឲ្យមួយខ្សែ ហើយជនសង្ស័យ៣នាក់ ស្រី២នាក់ ប្រុស១នាក់ គេចខ្លួនបាត់ នៅសល់ជនសង្ស័យម្នាក់ រៀបនឹងចាកចេញ ជនរងគ្រោះ ទាញកញ្ចប់មមកមើល ដឹងថាក្រឡៃ ស្ទុះចាប់កន្ទុយម៉ូតូជាប់ ស្រែកទ្រហោយំ ផ្អើលអ្នកភូមិ ជ័យចាប់បានប្រគល់ឲ្យប៉ូលិសចាត់ការតាមច្បាប់។ហើយជនសង្ស័យបានសារភាពថាខ្លួនធ្លាប់ត្រូវសមត្ថកិច្ចនគរបាលប៉ុស្តិ៍ត្រពាំងក្រសាំងចាប់ខ្លួនបញ្ជូនទៅតុលាការ២ដងហើយដែរប៉ុន្តែមិនដែលជាប់គុកបានយូទេ៕

ភ្នំពេញ ៖ បន្ទាប់ពីមានពាក្យបណ្តឹង ចោទប្រកាន់តារាចម្រៀងល្បីឈ្មោះលោក ព្រាប សុវត្តិ រំលោភយកដីផ្លូវធារណះ នៅព្រឹកថ្ងៃទី០៦ ខែមីនាឆ្នាំ ២០២០អាជ្ញាធរខណ្ឌ សែន សុខ បានចុះទៅសម្របសម្រួល និងដោះស្រាយបន្ទាប់ពីប្រជាពលរដ្ឋចំនួន ៧០គ្រួសារ រស់នៅភូមិ ច្រេស សង្កាត់គោកឃ្លាង ខណ្ឌសែនសុខ ។  

ការចុះសម្របសម្រួលទំនាស់នេះធ្វើឡើង នៅព្រឹកថ្ងៃទី នៅក្នុងដីឡូតិ៍ លោកព្រាប សុវត្តិ ដោយមានការដឹកនាំ ដោយលោក ឆាយ វាសនា នាយករដ្ឋបាលខណ្ឌសែនសុខ ដោយ មានការអនុញ្ញាតិពីលោក ម៉ូវ ម៉ានិត អភិបាលខណ្ឌសែនសុខ ។

តាមព័ត៌មានអោយដឹងថា នៅព្រឹកនោះ គេឃើញ មានវត្តមានរបស់លោកព្រាប សុវត្តិ ព្រមទាំងក្រុមគ្រួសារនិងប្រជាពលរដ្ឋ ដែលជាអ្នករស់នៅភូមិផងជាមួយផងដែរ។ នាព្រឹក នោះដែរ គេឃើញ មានអ្នកសារព័ត៌មាន ជាច្រើននាក់មកពីស្ថាប័នខុសៗគ្នា ក៍បានចូលរួម តាមដានយកព៍ត៌មានពីករណីដ៏ចម្រុងចម្រាស់នេះ។ នៅចំពោះ មុខអាជ្ញាធរ ប្រជាពល រដ្ឋ បានសំណូមពរទៅលោកព្រាប សុវត្តិ ចំនួន ៣ចំណុច ១. ស្នើអោយលោក ព្រាប សុវត្តិ ធ្វើការរុះរើសម្ភារៈផ្សេងៗ ចេញពីលើផ្លូវសារធារណៈនៅផ្នែកខាងក្រោយ ដីឡូត៍ របស់គាត់(លោកព្រាប សុវត្តិ) ទី២.ស្នើសុំអោយគាគីលោក ព្រាប សុវត្តិ កែសម្រួលចត រថយន្ត នៅលើផ្លូវសាធារណៈឲ្យបានសំរម្យ ព្រោះពិបាកចេញចូល និងបញ្ហាសម្លេងឮខ្លាំង ៗ របស់រថយន្តក្រុមគ្រួសាររបស់លោក ព្រាប សុវត្ថិ និង៣.ស្នើសុំអោយភាគីលោក ព្រាប សុវត្តិ កាប់មែកឈើដែលធ្លាក់ទៅ ផ្ទះរបស់ពួកគាត់ចេញអោយអស់។

ដោយឡែក បញ្ហាដែលចោទថា លោក ព្រាប សុវត្តិ រំលោភយកដីផ្លូវសាធារណៈ មិនបាន ដាក់បញ្ជូលក្នុងការសម្របសម្រួលនេះទេ ដោយប្រជាពលរដ្ឋទទួច សុំអោយមន្រ្តីជំនាញ ខាងសូរិយោដី ចុះទៅវាស់វែងក្បាលដីលេខ ១៧៤ ដែលជាដីលោក ព្រាប សុវត្តិ ព្រម ទាំង វាស់វែងផ្លូវ ព្រោះផ្នែកខាងក្រោយ គឺជាដីផ្លូវដែលពីមុន មានទទឹងប្រវែង ១០ម៉ែត្រ តែពេលនេះនៅសល់តែ ៧ម៉ែត្រប៉ុណ្ណោះ។
តាមប្រភពព័ត៌មានអោយដឹងទៀតថា នៅក្នុងការសម្របសម្រួលទាំង ៣ចំណុច ខាងលើ លោក ព្រាប សុវត្តិ ក៍បានឯកភាពយល់ព្រមអនុវត្តតាមការស្នើសុំដែរ។ទន្ទឹមនោះ លោក ព្រាប សុវត្តិ ក៍បានចោទប្រកាន់ប្រជាពលរដ្ឋដែលបានធ្វើអោយខូចឈ្មោះ លោក ហើយ លោកបានទាមទារអោយប្រជាពរលដ្ឋ សុំទោស តែក្រុមប្រជាពលរដ្ឋបានបដិសេធ ដោយ អះ អាងថា ពួកគាត់មិនបានធ្វើខុសនោះទេ ។

គួរបញ្ជាក់ថា ប្រជាពលរដ្ឋចំនួន៧០នាក់ ដែលរស់នៅក្នុងភូមិ ច្រេស សង្កាត់គោកឃ្លាង ខណ្ឌសែនសុខ ជុំវិញផ្ទះលោក ព្រាប សុវត្តិ ក៍បាននាំគ្នាផ្តិតមេដៃប្តឹង លោកព្រាប សុវត្តិ ដោយចោទលោក ព្រាប សុវត្តិ ដែលជាតារា ចម្រៀងល្បីឈ្មោះ បានរំលោភយកដី ផ្លូវ សាធារណៈ ហើយបានផ្តិតមេដៃប្តឹងជំទាស់ករណីក្បាលដីចុះបញ្ជីលេខ ១៧៤ ដែលជា ក្បាលដីលោក ព្រាប សុវត្តិ ស្ថិតនៅភូមិ ច្រេស សង្កាត់គោកឃ្លាងខណ្ឌសែនសុខ ដោយ សារការចុះបញ្ជីនោះបានរំលោភចូលដីផ្លូវ។

តាមប្រជាពលរដ្ឋ បានអោយដឹងថា រយៈពេលប្រមាណ ៤ឆ្នាំមកហើយ លោកព្រាប សុវត្តិ ក៍បានមកទិញដី និងសាងសង់ផ្ទះលើដីនោះ។ចាប់តាំងពីពេលនោះមកលោក ព្រាប សុវត្តិ បានរៀបដាក់ឥដ្ឋគរ ដោយប្រក់តង់បិទផ្លូវតែម្តង ។ ដោយមានការរំលោភបំពាន់ ពួកគាត់ ក៍បានដាក់ពាក្យបណ្តឹងទៅអាជ្ញាធរ សង្កាត់ ខណ្ឌ និងប្តឹងទាស់ក្បាលដីលេខ ១៧៤ របស់ លោកព្រាប សុវត្តិ ទៅសាលារាជធានីភ្នំពេញ និងមន្ទីររៀបចំដែនដីនគររូបនៅកម្មសំណង់ ដើម្បីអោយចុះវាស់វែង តែស្ងាត់រហូតទើបតែ នៅរសៀលថ្ងៃទី៤ខែមីនា ឆ្នាំ ២០២០ មាន អ្នកព័ត៌មានមកយកព័ត៌មាន និងឡាយ ទើបអាជ្ញាធរចុះមកសម្របសម្រួលនៅពេលនោះ ។ ប្រជាពលរដ្ឋ ក៍បានទទួចស្នើសុំអោយមន្រ្តីជំនាញចុះមកវាស់វែង ក្បាលដីលេខ១៧៤ និងដីផ្លូវ ជុំវិញផ្ទះលោក ព្រាប សុវត្តិ ឡើងវិញ ព្រោះទំហំផ្លូវពីមុន និងពេលនេះ ខុសគ្នា រួមតូចទៅៗអស់ហើយ ៕