All posts by មេគង្គ ប៉ុស្តិ៍

នាវាដឹកវត្ថុធាតុដើមសម្រាប់វិស័យវាយនភណ្ឌកាត់ដេរជើងទី១មកដល់កម្ពុជា

March 10, 2020ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ខេត្តព្រះសីហនុ ៖ កំពង់ផែខេត្តព្រះសីហនុបានបញ្ជាក់ឲ្យដឹងថា ថ្ងៃចន្ទ១ រោច ខែផល្គុន ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៩ ខែមីនា ឆ្នាំ២០២០ នាវា SITC Fujian ដែលដឹកជញ្ជូនវត្ថុធាតុដើម សម្រាប់វិស័យវាយនភណ្ឌកាត់ដេរ បានចូលចតនៅកំពង់ផែស្វយ័តក្រុងព្រះសីហនុ នៅម៉ោង២៣៖២៥នាទី។

សូមរម្លឹកថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃទី០៩ ខែមីនា ឆ្នាំ២០២០ម្សិលមិញនេះ បានប្រកាសថា រដ្ឋាភិបាលចិនបានរៀបចំនាវាចំនួន៧គ្រឿង ដើម្បីដឹកវត្ថុធាតុដើមមកផ្គត់ផ្គង់ដល់រោងចក្រនៅកម្ពុជា ស្របពេលមានវិបត្តិកូវីត១៩ ដែលបណ្តាលឱ្យរោងចក្រមួយចំនួនក្នុងប្រទេសកម្ពុជា បង្ខំចិត្តផ្អាកការងារដោយសារខ្វះវត្ថុធាតុដើម។

សម្តេចតេជោ ហ៊ុន សែន បានអះអាងថា ជើងទី១របស់នាវាចិន ដែលដឹកសម្ភារៈវត្ថុធាតុដើមពីប្រទេសចិនមកកាន់កម្ពុជា មកដល់កំពង់ផែកម្ពុជានៅថ្ងៃទី០៩ ខែមីនា ហើយជើងទី២ នឹងមកដល់នៅថ្ងៃនេះ ហើយនឹងមានមកដល់បន្តបន្ទាប់ទៀត៕

អ៊ីតាលីហាមឃាត់ការជួបជុំសាធារណៈដើម្បីការពារ COVID-19

March 10, 2020ព័ត៌មានថ្មីចុងក្រោយ, ព័ត៌មានអន្តរជាតិ, ព្រឹត្តិការណ៍កម្ពុជាមេគង្គ ប៉ុស្តិ៍

អ៊ីតាលី ៖ នាយករដ្ឋមន្រ្តីអ៊ីតាលី លោក Giuseppe Conte កាលពីថ្ងៃច័ន្ទ ទី០៩ មីនា ម្សិលមិញនេះ បានពង្រីកវិធានការណ៍របស់ខ្លួនដើម្បីប្រយុទ្ធជាមួយវីរុសកូរ៉ូណានៅទូទាំងប្រទេស ដោយប្រាប់ប្រជាជនឲ្យ “ស្នាក់នៅក្នុងផ្ទះ” និងហាមឃាត់ការជួបជុំសាធារណៈ ក៏ដូចជាលុបចោលការប្រកួតបាល់ទាត់ Serie A ផងដែរ។

វិធានការណ៍មិនធ្លាប់មានពីមុនមក ដែលគ្របដណ្ដប់លើប្រទេសមានប្រជាជនជាង៦០លាននាក់នេះ បានកើតឡើងបន្ទាប់ពីប្រទេសអ៊ីតាលីមានអ្នកស្លាប់ចំនួន៩៧នាក់បន្ថែមទៀត ធ្វើឲ្យចំនួនអ្នកស្លាប់សរុបកើនឡើងដល់៤៦៣នាក់ និងមានករណីឆ្លងវីរុសកូរ៉ូណានេះចំនួន៩១៧២ករណី។

វិធានការណ៍នេះនឹងត្រូវបន្តរហូតដល់ថ្ងៃទី០៣ មេសា ហើយសាលារៀន និងសាកលវិទ្យាល័យទាំងអស់នឹងត្រូវបិទភ្លាមៗ។ ទន្ទឹមនោះការធ្វើដំណើរចេញ និងចូលប្រទេសក៏ដូចជារវាងទីក្រុងក៏ត្រូវហាមប្រាមផងដែរ៕

ក្រសួងពាណិជ្ជកម្មអំពាវនាវអោយអាជីវកររក្សាតម្លៃទំនិញក្នុងពេលផ្ទុះជំងឺកូវីដ១៩

ភ្នំពេញ ៖ ក្នុងពេលជំងឺកូរ៉ូណា បានកើតឡើងលើពលរដ្ឋខ្មែរម្នាក់នៅខេត្តសៀមរាប ប្រជាពលរដ្ឋកម្ពុជា បាននាំគ្នាសម្រុកទិញស្បៀងទុកនៅផ្ទះ ដែលធ្វើអោយការលក់ដូររបស់អាជីវករមួយចំនួន មិនថានៅផ្សារទំនើប ឬនៅតាមផ្សារនានានោះឡើងមមាញឹកលក់ដូរជាខ្លាំង ។ ក្នុងពេលនេះដែរ ក្រសួងពាណិជ្ជកម្មក៏បានអំពាវនាវដល់អាជីវករទាំងអស់ រក្សាតម្លៃទំនិញលើទីផ្សារដដែលដើម្បីសម្រួលជីវភាពពលរដ្ឋផងដែរ ។
នៅក្នុងសេចក្តីអំពាវនាវរបស់ក្រសួងពាណិជ្ជកម្ម បានអោយដឹងថា ក្នុងពេលនេះ មានហាងលក់ទំនិញមួយចំនួនតូច បានឆ្លៀតឱកាសលក់ដំឡើងថ្លៃទំនិញ ដូចជាម៉ាស់ការពារមុខ អាល់កុលលាងដៃ និងទំនិញចាំបាច់មួយចំនួនទៀត ដែលសកម្មភាពទាំងនេះ អាចបង្កអោយមានចលាចលក្នុងសង្គមធ្ងន់ធ្ងរ ។
ក្នុងស្ថានភាពនេះក្រសួងពាណិជ្ជកម្មសូមជម្រាបជូននិងអំពាវនាវនិងជូនដំនឹងដល់ពលរដ្ឋថា បរិមាណសន្និធិអង្ករ និងស្រូវមិនទាន់កិនដែលមានក្នុងប្រទេស អាចធានាដល់ការប្រើប្រាស់ក្នុងស្រុក និងនាំចេញទៅក្រៅ ប្រទេសទៀតផង ។ នេះបើតាមសេចក្តីប្រកាសព័ត៌មានរបស់សហព័ន្ធស្រូវអង្ករកម្ពុជានិងក្រុមហ៊ុនហ្គ្រីនត្រេដ នៃក្រសួងពាណិជ្ជកម្ម ។ មួយទៀតសូមប្រជាពលរដ្ឋមេត្តារក្សាភាពនឹងនរ កុំជ្រួលច្របល់ហួសហេតុ នាំអោយជនឱកាសនិយមអាចឆ្លៀតយកចំនេញតាមរយៈការលក់ដំឡើងថ្លៃទំនិញ ដោយមិនសមហេតុផល។ម្ចាស់ហាងទំនិញទូទៅប្រកាន់នូវស្មារតីសាមគ្គីជាតិខ្មែរ កុំឆ្លៀតឱកាសដំឡើងថ្លៃទំនិញស្រេចតែអំពើចិត្ត ។ ក្នុងករណីរកឃើញភាពមិនប្រក្រតីអាជ្ញារមានសមត្ថកិច្ចនឹងចាត់វិធានតាមផ្លូវច្បាប់ ។
គួរបញ្ជាក់ថា ក្រសួងពាណិជ្ជកម្ម បាននិងកំពុងសហការជាមួយស្ថាប័នផ្សេងទៀត ចាត់វិធានការសមស្រប ដើម្បីធានានូវចរាចរទំនិញទូទៅ និងការផ្គត់ផ្គង់ គ្រឿងឧបភោគបរិភោគចាំបាច់ សម្រាប់បម្រើជីវភាពរបស់ប្រជាជនយើងនៅក្នុងកាលៈទេសៈនេះ ។ ក្រសួងពាណិជ្ជកម្មនឹងចាត់មន្ត្រីជំនាញ អោយសហការជាមួយសមត្ថកិច្ចពាក់ព័ន្ធចុះស្រាវជ្រាវ និងត្រួតពិនិត្យគុណភាព សុវត្ថិភាពទំនិញ ព្រមទាំងដាក់ចេញនូវវិធានការផ្លូវច្បាប់ក្នុងករណីរកឃើញ ជនខិលខូចដែលឆ្លៀតឱកាសលក់ទំនិញឡើងថ្លៃ កេងចំណេញជ្រុលហួសហេតុ ៕

បុរសម្នាក់លោតទឹកសម្លាប់ខ្លួនពីលើស្ពានជ្រោយចង្វាររួចហែលឡើងគោកវិញដោយខ្លួនឯង

March 9, 2020ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ បុរសម្នាក់បានធ្វើដំណើរ ទៅលោតទឹកសម្លាប់ខ្លួន ពីលើស្ពានជ្រោយចង្វារថ្មីហើយមិនបណ្តាលអោយស្លាប់នោះទេបន្ទាប់ពីលោតបុរសរូបនោះបានហែលចូលខាងដោយខ្លួនឯង។

ហេតុការណ៍នេះ បង្កអោយមានការភ្ញាក់ផ្អើលកាលពីវេលាម៉ោងប្រមាណ១០និង៤០នាទីព្រឹកថ្ងៃទី០៩ ខែមិនា ឆ្នាំ ២០២០ នៅកណ្តាលស្ពានថ្មី ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

បុរសរូបនោះ បានប្រាប់អោយដឹងថាខ្លួនឈ្មោះ ផល អាយុ ៣៦ឆ្នាំ មានលំនៅ ក្នុងខេត្តកំពង់ស្ពឺ ។តាមនគរបាលមានការសង្ស័យថាបុរសនោះបែកថ្នាំ ។

តាមព័ត៌មានអោយដឹងថា នៅមុនពេលកើតហេតុ គេឃើញ បុរសរូបនោះ ឡើង លើស្ពានជ្រោយចង្វារ ហើយ បានលោតចុះទៅក្នុងទន្លេសម្លាប់ខ្លួន តែម្តង ។ភ្លាមៗ នគរបាលគោលដៅទី៣ ការពារស្ពានជ្រោយចង្វារបានចេញទូកអូរប័រ ទៅជួយស្រង់សង្គ្រោះ តែបុរសនោះបានហែលគេចចេញពុំព្រមអោយជួយសង្គ្រោះឡើយ។លុះក្រោយមកនគរបាលក៍បានបោះពោង អោយបុរសនោះតោងហើយអូសចូលខាង ។នៅពេលមិនទាន់ដល់ខាងផង បុរសនោះ ក៍បានលែងពោង ហើយហែលទឹកចូលខាងដោយខ្លួនឯង ។

នៅពេល ដែលបុរសនោះ ហែលដល់ខាងអ្នកយកព័ត៌មានក៍បានជួយអូសទាញបុរសរូបនោះឡើងច្រាំង ។

តាមបុរសរូបនោះបានប្រាប់អោយដឹងថា នៅមុនពេលកើតហេតុខ្លួន បានជិះម៉ូតូមួយគ្រឿងមកលោតទឹកសម្លាប់ខ្លួនពីលើស្ពានជ្រោយចង្វារ ដោយពុំដឹងហេតុអ្វីឡើយ។នៅពេលសួរនាំយូរៗទៅ បុរសនោះប្រាប់ថា ដោយសារតែតូចចិត្តប្រពន្ធលែងលះព្រមទាំងប្រាប់ថា មានគេដេញតាម។ដោយសារតែនិយាយត្រឡប់ត្រឡិន នគរបាលមានការសង្ស័យ ថា បុរសរូបនោះបែកថ្នាំបានជាមកលោតទឹកសម្លាប់ខ្លួនបែបនេះ៕

សមត្ថកិច្ចចាប់បុរសម្នាក់ករណីញុះញង់ពាក់ព័ន្ធ COVID-19

ភ្នំពេញ ៖ នៅថ្ងៃនេះកម្លាំងសមត្ថកិច្ចចាប់ខ្លួនបុរសម្នាក់មុខរបរលក់ទំនិញតាម online ពាក់ព័ន្ធករណីញុះញង់ប្រព្រឹត្តបទល្មើសជាអាទិ៍ តាមរយៈវីដេអូឃ្លីបរបស់ខ្លួន លើបណ្តាញសង្គម Facebook រឿង Covid-19។

សមត្ថកិច្ចបញ្ជាក់ថា ជនសង្ស័យមានឈ្មោះ កូយ សំអាត អាយុ៣៥ឆ្នាំ រស់នៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ មានមុខរបរអ្នកលក់ទំនិញតាម Online ផង និងជាអ្នកញៀនល្បែងជល់មាន់ផងដែរ។ ជនសង្ស័យបានបង្ហោះវីដេអូឃ្លីបរបស់ខ្លួននៅលើ Account Facebook ឈ្មោះ «Tep Visal»។

ក្រោយការចាប់ខ្លួន ជនសង្ស័យបានសារភាពទោសកំហុសថា ខ្លួនពិតជាបាននិយាយ និងបង្ហោះខ្លឹមសារយ៉ាងដូច្នេះមែន។ បន្ទាប់ពីការសួរនាំរួចមកជនសង្ស័យ ត្រូវបានបញ្ជូនទៅកាន់ស្នងការដ្ឋាននគរបាលរាជធានីភ្នំពេញដើម្បីចាត់ការបន្តទៀត៕

សម្តេច ហ៊ុន សែន ប្រតិកម្មចំពោះសារព័ត៌មានវៀតណាម VNA ដែលចុះផ្សាយអាក្រក់ពីកម្ពុជា

ភ្នំពេញ ៖ នៅថ្ងៃនេះសម្តេច ហ៊ុន សែន នាយករដ្ឋមន្ត្រីនៃកម្ពុជាបានបញ្ចេញប្រតិកម្មជាលើកដំបូងចំពោះទីភ្នាក់ងារព័ត៌វៀតណាម VNA ដែលបានចុះផ្សាយអាក្រក់ពី កម្ពុជាទាក់ទង Covid-19 ហើយបានស្នើឲ្យ VNA កែតម្រូវឡើងវិញ។ ប៉ុន្តែប្រសិនបើមិនមានការកែតម្រូវទេកម្ពុជានឹងធ្វើកំណត់ទូតជូនទៅរដ្ឋាភិបាលវៀតណាមតែម្តង។

សម្តេច ហ៊ុន សែន បានលើកឡើងថា រឿងនេះប្រសិនបើប្រជាជនកម្ពុជាប្រតិកម្ម ប្រជាជនកម្ពុជាក៏អាចបិទព្រំដែនមិនឲ្យប្រជាជនវៀតណាមចូលមកកម្ពុជាផងដែរ ។ ប៉ុន្តែសម្តេចបញ្ជាក់ថា តាមពិតគណៈកម្មកាការពារសុខភាពដែលជាអង្គភាពវាយតម្លៃផលប៉ះពាល់សុខភាពវៀតណាមគេមិនបាននិយាយឈ្មោះកម្ពុជាមួយម៉ាត់ឡើយ។ប៉ុន្តែVNA បានយកឈ្មោះពីប្រទេសអឺរ៉ុបនិងកម្ពុជាផ្សាយជាភាសាវៀតណាមផង,ជាភាសាអង់គ្លេសផង ។ ដូចស្នើឲ្យVNA កែតម្រូវឡើងវិញ ៕

ចិនបញ្ជូនក្រុមគ្រូពេទ្យជំនាញទៅអ៊ីរ៉ាកដើម្បីជួយទប់ស្កាត់ការរីករាលដាលនៃវីរុសកូរ៉ូណា

March 9, 2020ព័ត៌មានថ្មីចុងក្រោយ, ព័ត៌មានអន្តរជាតិ, ព្រឹត្តិការណ៍កម្ពុជាមេគង្គ ប៉ុស្តិ៍

ចិន ៖ ក្រុមគ្រូពេទ្យជំនាញចិនមួយក្រុមបានធ្វើដំណើរទៅដល់រដ្ឋធានីបាកដាដប្រទេសអ៊ីរ៉ាក់កាលពីយប់ថ្ងៃសៅរ៍ ដែលវាគឺជាផ្នែកមួយនៃជំនួយរបស់ប្រទេសចិន ដើម្បីជួយដល់ប្រទេសអ៊ីរ៉ាក់ក្នុងការទប់ស្កាត់ការរីករាលដាលនៃវីរុសកូរ៉ូណា។

លោក Tao Zhongquan ដែលជាប្រធានក្រុមគ្រូពេទ្យជំនាញមកពីសមាគមកាកបាទក្រហមចិនបានប្រាប់ភ្នាក់ងារសារព័ត៌មានស៊ីនហួថា៖ ក្រុមនេះមានគ្រូពេទ្យជំនាញចំនួន ៧ នាក់ ដែលមកពីមជ្ឈមណ្ឌលត្រួតពិនិត្យនិងបង្ការជំងឺរបស់ប្រទេសចិន។ ហើយក្នុងនោះដែរ ពួកយើងរំពឹងថា នឹងស្នាក់នៅក្នុងប្រទេសអ៊ីរ៉ាក់រយៈពេលមួយខែពេញ ដើម្បីជួយដល់រដ្ឋាភិបាលអ៊ីរ៉ាក់ដោះស្រាយបញ្ហានៃវីរុសឆ្លងកូរ៉ូណាដូចជា ការធ្វើតេស្ត ការព្យាបាល និងការតាមដានករណីឆ្លងផ្សេងៗទៀត។

ជាមួយគ្នានោះដែលលោក Jasim al-Falahi អនុរដ្ឋមន្ត្រីសុខាភិបាលអ៊ីរ៉ាក់ ក៏បានថ្លែងអំណរគុណចំពោះរដ្ឋាភិបាលចិន ដែលបានផ្តល់ជំនួយមនុស្សធម៌ដល់ប្រទេសអ៊ីរ៉ាក់ ហើយពួកយើងពិតជាកោតសរសើរចំពោះទឹកចិត្តរបស់រដ្ឋាភិបាលនិងប្រជាជនចិនដែលបានជួយដល់ពួកយើងនៅគ្រាអាសន្ននេះ។

សូមជម្រាបថា បើគិតរហូតមកដល់ពេលនេះ ប្រទេសអ៊ីរ៉ាក់មានអ្នកឆ្លងវីរុសកូរ៉ូណាចំនួន ៥៤ នាក់ ហើយក្នុងនោះមាន ៤ នាក់បានស្លាប់បាត់បង់ជីវិត។ ស្របពេលជាមួយគ្នានេះដែរ អាជ្ញាធររបស់ប្រទេសអ៊ីរ៉ាក់ ក៏បានចាត់វិធានការណ៍ការពារជាប្រចាំ ដើម្បីបញ្ឈប់ការរីករាលដាលនៃវីរុសឆ្លងដ៏កាចសាហាវកូរ៉ូណា៕

កូរ៉េខាងត្បូងរកឃើញករណីឆ្លងវីរុសថ្មីចំនួន៦៩នាក់ថែមទៀត សរុប៧.៣៨២នាក់

កូរ៉េខាងត្បូង ៖ អាជ្ញាធរសុខាភិបាលកូរ៉េខាងត្បូងបានប្រកាសនៅព្រឹកថ្ងៃចន្ទ ទី០៩ ខែមីនា ឆ្នាំ២០២០ នេះថា អ្នកឆ្លងវីរុស COVID-19 ចំនួន៦៩នាក់ទៀតត្រូវបានធ្វើតេស្ត និងរកឃើញដែលធ្វើឲ្យចំនួនអ្នកឆ្លងសរុបកើនដល់ ៧,៣៨២ករណី ក្នុងនោះអ្នកជំងឺសរុប៥១នាក់ស្លាប់។ នេះបើតាមសារព័ត៌មាន CNA។

ចំនួនដែលបានធ្វើបច្ចុប្បន្នភាពបានកើតឡើងមួយថ្ងៃបន្ទាប់ពីមន្រ្តីមួយចំនួនបានសម្តែងក្តីសង្ឃឹមថាសង្ឃឹមថា ការផ្ទុះឡើងអាចនឹងថយចុះដោយអត្រានៃការកើនឡើងបានធ្លាក់ចុះដល់កម្រិតទាបបំផុតក្នុងរយៈពេល១០ថ្ងៃកាលពីថ្ងៃអាទិត្យ។

សូមជម្រាបថា កូរ៉េខាងត្បូងនៅតែស្ថិតនៅក្នុង ការប្រកាសអាសន្នកម្រិតពណ៌ក្រហមខ្ពស់បំផុតដដែល ខណៈមនុស្សដែលអាជ្ញាធរបានទាក់ទងឲ្យមកធ្វើតេស្ត មានចំនួនជាង ២១០,០០០នាក់ ក្នុងនោះ ១៨៩,២៣៦ត្រូវបានធ្វើតេស្តរួចរាល់ ដោយក្នុងចំណោមពួកគេមាន ១៧១,៧៧៨នាក់ចេញលទ្ធផល «អវិជ្ជមាន»។ ដោយឡែកអ្នកជំងឺដែលបានជាសះស្បើយ និងត្រឡប់ទៅផ្ទះវិញនោះគឺមានតែ ១៦៦នាក់ប៉ុណ្ណោះ៕

ចំនួនអ្នកស្លាប់ដោយវិរុសកូរ៉ូណានៅចិនកើនដល់៣.១១៩នាក់

ប៉េកាំង ៖ យោងតាមគណៈកម្មការសុខភាពជាតិរបស់ប្រទេសចិនបានឲ្យដឹងថា មានករណីឆ្លងមេរោគ COVID-19 ចំនួន៤០ ករណីបន្ថែមទៀតត្រូវបានបញ្ជាក់នៅលើដីគោកចិននៅពាក់កណ្តាលអធ្រាត្រថ្ងៃអាទិត្យដោយមានអ្នកស្លាប់ ២២ នាក់បន្ថែមទៀត។ នេះបើយោងតាមប្រភពពី CGTN។

បើយោងតាមការបញ្ជាក់របស់គណៈកម្មការសុខភាពចិននៅព្រឹកនេះថា ចំនួនអ្នកឆ្លង COVID-19 នៅលើដីគោកចិនសរុបមានចំនួន ៨០.៧៣៥ នាក់ខណៈដែលចំនួនអ្នកស្លាប់កើនដល់ ៣.១១៩ នាក់។ នេះ៕

សហរដ្ឋអាមេរិក ៖ ចំនួនអ្នកឆ្លង COVID-19 កើនដល់៥២១នាក់, ស្លាប់២១នាក់

វ៉ាស៊ីនតោន ៖ មជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក CDC បានឱ្យដឹងនៅថ្ងៃទី០៩ ខែមីនា ឆ្នាំ២០២០នេះឲ្យដឹងថា ចំនួនអ្នកឆ្លង COVID-19 នៅទូទាំងសហរដ្ឋអាមេរិកបានកើនដល់៥២១នាក់ ហើយអ្នកជំងឺ២១នាក់បានបាត់បង់ជីវិត។

បើតាមមជ្ឈមណ្ឌលប្រយុទ្ធជំងឺឆ្លងរបស់អាមេរិក (CDC) បានឲ្យដឹងថា ជំងឺ Covid-19 បាននឹងកំពុងរាលដាលក្នុងរដ្ឋចំនួន៣៣ និងទីក្រុងវ៉ាស៊ីនតោនផង។ ក្នុងចំណោមអ្នកឆ្លង ៥២១នាក់ខាងលើ មាន៤៩នាក់ធ្វើមាតុភូមនិវត្តន៍ពីបរទេស ដោយមាន៣នាក់ មកពីទីក្រុងវូហាន, ៤៦នាក់ ចេញពីកប៉ាល់ Princess Diamond នៅក្នុងប្រទេសជប៉ុន, ២១នាក់ ចេញពីនាវា Grand Princess. ចំណែកអ្នកផ្សេងទៀត ត្រូវបានគេរកឃើញថាមានផ្ទុក COVID-19 នៅលើទឹកដីអាមេរិកតែម្តង៕

COVID-19 ៖ ចំនួនអ្នកស្លាប់នៅអ៊ីតាលីកើនដល់៣៦៦នាក់

អ៊ីតាលី ៖ សារព័ត៌មាន BBC នៅយប់ថ្ងៃអាទិត្យ ទី០៨ ខែមីនា ឆ្នាំ២០២០ បានឲ្យដឹងថា ចំនួនអ្នកស្លាប់ដោយសារជំងឺឆ្លង COVID-19 នៅក្នុងប្រទេសអ៊ីតាលីបានកើនទៅដល់ ៣៦៦នាក់ បន្ទាប់ពីតែពេញមួយថ្ងៃប៉ុណ្ណោះស្លាប់១៣៣នាក់ ខណៈដែលអាជ្ញាធរបានដាក់បំរាមដល់ប្រជាជនរាប់លាននាក់ ក្នុងការធ្វើដំណើរទូទាំងប្រទេសអ៊ីតាលី។

រដ្ឋាភិបាលអ៊ីតាលីកាលពីថ្ងៃអាទិត្យ ទី០៨ ខែមីនា បានសម្រេចចិត្តបិទសាលសម្ដែង រោងបញ្ចាំងខ្សែភាពយន្ដ សារមន្ទីរ និងក្លឹបរាត្រីទាំងអស់នៅទូទាំងប្រទេស ជាវិធានការ ទប់ស្កាត់ការរីករាលដាលជំងឺ COVID-19។ កន្លងមកសាលារៀន និងសាកលវិទ្យាល័យបានប្រកាសបិទរួចហើយ។

បើតាមលោក Conte រដ្ឋាភិបាលអ៊ីតាលី បានសម្រេចចិត្តបិទតំបន់ Lombardy ដែលមានប្រជាជន១០លាននាក់រស់នៅ និងទីក្រុង Milan លើកលែកតែច្រកចេញចូលបន្ទាន់តែប៉ុណ្ណោះ ហើយខេត្តក្បែរខាង ចំនួន១៤ ផ្សេងទៀត ដូចជា Modena, Parma, Piacenza, Reggio Emilia, Rimini, Pesaro and Urbino, Alessandria, Asti, Novara, Verbano Cusio Ossola, Vercelli, Padua, Treviso និង Venice ក៏នឹងត្រូវអនុវត្តវិធានការដូចគ្នានេះដែរ ដែលនឹងប៉ះពាល់ដល់ប្រជាជន ប្រមាណ១៦លាននាក់ នៅទូទាំង តំបន់ភាគខាងជើង នៃប្រទេសអ៊ីតាលី រហូតដល់ដើមខែមេសា ខាងមុខនេះ

នាយករដ្ឋមន្ត្រីអ៊ីតាលី លោក Giuseppe Conte ចេញអនុក្រឹត្យមួយដោយឲ្យប្រជាជន១៦លាននាក់ត្រូវបានដាក់ឱ្យនៅដាច់ដោយឡែកពីគេ នៅទូទាំង តំបន់ Lombardy និងខេត្តចំនួន១៤ផ្សេងទៀត ផងដែរ ជាការវិធានការទប់ស្កាត់ការរីករាលដាលជំងឺ COVID-19៕

ព្រឹកនេះសម្តេច ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវជាតិលេខ ៥៥ និងបើកការដ្ឋានសាងសង់ផ្លូវជាតិ១០

ខេត្តពោធិ៍សាត់ ៖ នៅព្រឹកថ្ងៃចន្ទ ១រោច ខែផល្គុន ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី០៩ ខែមីនា ឆ្នាំ ២០២០ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោក វ៉ាង វិនធៀន ឯកអគ្គរដ្ឋទូតចិនប្រចាំកម្ពុជានឹងអញ្ជើញសម្ពោធដាក់ឱ្យប្រើប្រាស់ផ្លូវជាតិលេខ៥៥ តភ្ជាប់ពីផ្លូវជាតិលេខ៥ ក្នុងទីរួមខេត្តពោធិ៍សាត់ ឆ្ពោះទៅកាន់ព្រំដែនថ្មដា ជាប់ជាមួយខេត្តត្រាត ប្រទេសថៃ និងបើកការដ្ឋានសាងសង់ផ្លូវជាតិ១០ តភ្ជាប់ពីសំឡូត ទៅខេត្តកោះកុង។

ផ្លូវជាតិលេខ៥៥ មានប្រវែងសរុប ១៨២.១៦គីឡូម៉ែត្រ តភ្ជាប់ពីពោធិ៍សាត់ ឆ្លងកាត់ស្រុកវាលវែង ទៅដល់ថ្មដាព្រំដែនកម្ពុជា-ថៃ។ ផ្លូវនេះចំណាយថវិកាសាងសង់សរុប ១៣២.៨០ លានដុល្លារអាមេរិក ជាហិរញ្ញប្បទានពីរដ្ឋាភិបាលចិន រួមជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់នានា និងការបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ។

ទន្ទឹមនឹងការដាក់ឱ្យដំណើរការផ្លូវជាតិលេខ៥៥ ថ្ងៃនេះ សម្តេចតេជោ ហ៊ុន សែន និងលោក វ៉ាង វិនធៀន នឹងប្រកាសបើកការដ្ឋានសាងសង់ផ្លូវមួយខ្សែថ្មីទៀត គឺផ្លូវជាតិលេខ១០ ដែលតភ្ជាប់ពីសំឡូត ខេត្តបាត់ដំបង ឆ្លងវាលវែង អូរសោម ខេត្តពោធិ៍សាត់ រហូតដល់ខេត្តកោះកុង ដែលមានប្រវែងសរុប ១៩៨.៧១គីឡូម៉ែត្រ គ្រោងចំណាយថវិកាសរុបប្រមាណ ១៨៨.៣៨លានដុល្លារអាមេរិក ជាហិរញ្ញប្បទានពីរដ្ឋាភិបាលចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា៕

ក្រសួងអប់រំ ណែនាំដល់គ្រប់គ្រឹះស្ថានសិក្សាត្រូវរៀបចំកន្លែងលាងដៃ និងមានឧបករណ៍ស្ទង់កម្តៅសិស្

March 7, 2020ព័ត៌មានថ្មីចុងក្រោយ, ព្រឹត្តិការណ៍កម្ពុជា, សុខភាពមេគង្គ ប៉ុស្តិ៍

ភ្នំពេញ ៖ ក្រោយពីវត្តមានជំងឺផ្លូវដង្ហើមប្រភេទថ្មី ខូវីដ ១៩ នៅក្នុងប្រទេសកម្ពុជា ក្រសួង អប់រំយុវជន និង កីឡា បានចូលរួមចាត់វិធានការ ដើម្បីការពារដល់សិស្សានុសិស្សដែលកំពុងសិក្សានៅតាមគ្រឹះស្ថានអប់រំនានានៅទូទាំងរាជធានីខេត្ត ត្រូវត្រៀមទឹកស្អាត សាប៊ូលាងដៃនៅក្បែរថ្នាក់រៀន បន្ទប់ទឹក និងកន្លែងលាងដៃ។ជាពិសេសត្រូវត្រួតពិនិត្យតាមដានសុខភាពសិស្ស និងបុគ្គលិកអប់រំដោយ ប្រើឧបករណ៍វាស់ស្ទង់កម្តៅជាប្រចាំ ដើម្បីប្រឆាំងពិនិត្យរកជំងឺ កូវីដ-១៩ (COVID-19) ជំងឺផ្តាសាយបក្សី H5N1 និងផ្តាសាយជ្រូកH1N1។ នេះបើតាមការផ្សាយរបស់ក្រសួងអប់រំ យុវជន និងកីឡា។

សេចក្តីណែនាំរបស់ក្រសួងអប់រំ បានបញ្ជាក់ថា បើករណីមានសិស្ស និងបុគ្គលិកអប់រំណាមានកម្តៅលើសពី ៣៧អង្សាសេ ឡើងទៅ គ្រប់គណៈគ្រប់គ្រងសាលានីមួយៗ ត្រូវអនុញ្ញាតឲ្យសិស្ស និងលោកគ្រូ អ្នកគ្រូ ដែលសង្ស័យមានរោគសញ្ញាដូចជំងឺកូវីដ-១៩ ត្រូវសម្រាកមួយរយៈសិន ដើម្បីតាមដានមើលសុខភាព និងណែនាំឲ្យទៅទទួលសេវាកម្មត្រួតពិនិត្យនៅមណ្ឌលសុខភាព និងមន្ទីរពេទ្យ។

ទន្ទឹមនឹងនោះដែរ នៅតាម គ្រឹះស្ថានសិក្សានានា ក្រសួងបានលើកទឹកចិត្ត ឱ្យបុគ្គលិក និងសិស្សានុសិស្ស ពាក់ម៉ាសការពារជាប្រចាំ ព្រមទាំងមានការវាស់ស្ទង់សីតុណ្ហភាពក្នុងខ្លួន មុនពេលចូលរៀនជាដើម ដោយមានឧបករណ៍វាស់កំដៅស្វ័យប្រវត្តិជាជំនួយ ។ដើម្បីអាចឲ្យសិស្សទប់ស្កាត់ និងការពារជំងឺកូវីដ-១៩ ក្រសួងអប់រំណែនាំឲ្យផឹកទឹកឲ្យបានគ្រប់គ្រាន់ ធ្វើលំហាត់ប្រាណឲ្យបាន៣០នាទី យ៉ាងតិចឲ្យបាន ៣ទៅ ៥ដង ក្នុងមួយសប្តាហ៍ ត្រូវលាងដៃជាមួយសាប៊ូ មុនពេលកាន់ចំណីអាហារ ឬចេញពីបន្ទប់ទឹក ដើម្បីជៀសវាងការយកដៃទៅប៉ះភ្នែក ច្រមុះ និងមាត់។ ត្រូវពាក់ម៉ាស់ជាប្រចាំ ឬក្រណាត់ខ្ទប់មាត់ និងច្រមុះ។ កុំប៉ះពាល់សត្វបក្សី និងសត្វចិញ្ចឹមគ្រប់ប្រភេទ បើប៉ះត្រូវទៅលាងដៃជាបន្ទាន់។ ជាពិសេសត្រូវបរិភោគអាហារឆ្អិន។

លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានបញ្ជាក់ប្រាប់ថា ក្រសួងអប់រំបានចាត់ចែងឲ្យនាយកដ្ឋានសុខភាពសិក្សានៃក្រសួងអប់រំ សហការជាមួយក្រសួងពាក់ព័ន្ធទៅលើការរៀបចំផែនការឲ្យគ្រឹះស្ថានសិក្សាមានកន្លែងលាងដៃ និងសាប៊ូលាងដៃនិងវិធានការផ្សេងៗទៀត ដើម្បីប្រឆាំងទប់ស្កាត់ការចម្លងមេរោគ ខូវីដ ១៩ នេះ៕