ឯកឧត្តម ជួប ប៉ារីស៍ រដ្ឋលេខាធិការក្រសួងបរិស្ថាន តំណាងរដ្ឋមន្រ្តីក្រសួងបរិស្ថាន ឯកឧត្តម អ៊ាង សុផល្លែតបានជំរុញលើកទឹកចិត្តឱ្យសិស្សានុសិស្សក្នុងសហគមន៍ជនជាតិដើមភាគតិច ចូលរួមសម្អាតក្នុងសហគមន៍ ដោយកាត់បន្ថយប្រើប្រាស់ថង់ប្លាស្ទិក និងរក្សាភាពបៃតង ដោយថែរក្សាព្រៃឈើ និងដាំដើមឈើឡើងវិញ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/PoMTL-dbEQU
នាយករដ្ឋមន្រ្តី នៃព្រះរាជាណាចក្រកម្ពុជា សម្តេចមហាបវរធិបតី ហ៊ុន ម៉ាណែត ជាមួយ នាយករដ្ឋមន្រ្តីនៃសាធារណរដ្ឋសង្គមនិយមវៀតណាម ឯកឧត្តម ផាម មិញ ជិញ និង ឯកឧត្តម សនសៃ ស៊ីផាន់ដន នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ បានរៀបចំអាហារពេលព្រឹកការងារ ក្នុងឱកាសចូលរួមកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី ពីថ្ងៃទី២៦-២៨ ខែតុលា ឆ្នាំ២០២៥។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/RRjQGoM9GSo
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និង ឯកឧត្តម Ferdinand Romualdez Marcos Jr. ប្រធានាធិបតី នៃសាធារណរដ្ឋហ្វីលីពីន បានឯកភាពបន្តពង្រឹង និងពង្រីកកិច្ចសហប្រតិបត្តិការថែមទៀត។ ការបញ្ជាក់នេះធ្វើឡើង នាជំនួបពិភាក្សាការងារទ្វេភាគី កាលពីរសៀលម្សិលមិញ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/A8DRDNDFJP4
កម្ពុជា-សាធារណរដ្ឋកូរ៉េ ប្ដេជ្ញាពង្រឹងកិច្ចសហប្រតិបត្តិការ សំដៅបង្ការ ទប់ស្កាត់ និងប្រយុទ្ធប្រឆាំងនឹងបទឧក្រិដ្ឋនានា។ ការប្តេជ្ញានេះ ធ្វើឡើងនាព្រឹកថ្ងៃទី ២៧ ខែតុលា ឆ្នាំ២០២៥ ក្នុងឱកាសសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណា ចក្រកម្ពុជា ជួបពិភាក្សាការងារទ្វេភាគី ឯកឧត្តម Lee Jae-Myung ប្រធានាធិបតីសាធារណរដ្ឋកូរ៉េ ក្នុងឱកាសចូលរួមកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី នៅថ្ងៃទី២៦-២៨ ខែតុលា ឆ្នាំ២០២៥។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/U2MzJZPk4i4
គម្រោងរេដបូក (REDD+) បានជួយបង្កើតការងារដល់កសិករជាច្រើនគ្រួសារក្នុងការបង្កើតមុខរបរសម្រាប់ការរកប្រាក់ចំណូលបន្ថែមក្នុងគ្រួសារ ក្នុងនេះដូចជាការចិញ្ចឹមមាន់ ចិញ្ចឹមត្រី ចិញ្ចឹមជ្រូក ចិញ្ចឹមគោ និងការដាំបន្លែជាច្រើនមុខ ដែលមិនត្រឹមបង្កើតការងារដល់ពលរដ្ឋតាមភូមិឃុំទេ តែនៅជួយឱ្យជីវភាពល្អប្រសើរមិនចាំបាច់អាស្រ័យលើការចូលព្រៃកាប់បំផ្លាញព្រៃឈើ និងក៏ចូលព្រៃចាប់សត្វព្រៃដូចមុនទៀតឡើយ។
សូមទស្សនាព័ត៌មានពិស្ដារ៖
សម្តេចតេជោ ហ៊ុន សែន ប្រធានព្រឹទ្ធសភា ថ្លែងបញ្ជាក់ថា មិនអាចយកកិច្ចព្រមព្រៀងទីក្រុងប៉ារីស មកអនុវត្ដក្នុងជម្លោះព្រំដែនកម្ពុជាថៃនោះទេ ព្រោះករណីនេះ ហួសពីកិច្ចព្រមព្រៀងទីក្រុងប៉ារីសហើយ គឺត្រូវទៅដល់ICJ តុលាការយុត្ដិធម៌អន្ដរជាតិ ឬវេទិការអន្ដរជាតិដទៃទៀត
សូមចុចlinkទស្សនាព៌ត៌មានពិស្ដារ៖
កិច្ចប្រជុំពេញអង្គគណៈរដ្ឋមន្ត្រី ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃសុក្រ ទី២៤ ខែតុលា ឆ្នាំ២០២៥ បានអនុម័តសេចក្តីព្រាងច្បាប់ហិរញ្ញវត្ថុឆ្នាំ២០២៦។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/_F2UP6jK5F0
សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងជាស្ថាបនិកនៃកិច្ចចរចាស្វែងរកសុខសន្តិភាពសម្រាប់កម្ពុជា បានរំលឹកឡើងវិញពីប្រវត្តិនៃការចរចាជាមួយព្រះករុណា ព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ ជាច្រើនដង មុននឹងឈានចូលដល់ កិច្ចព្រមព្រៀងសន្តិភាពទីក្រុងប៉ារីស ២៣តុលា ដែលបានដោះស្រាយជម្លោះនៅកម្ពុជា។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/otkdJx2D1So
បន្ទាប់ពីបានដឹកនាំគណៈប្រតិភូជាន់ខ្ពស់ក្រសួងការពារជាតិកម្ពុជា ចូលរួមកិច្ចប្រជុំពិសេសលើកទី២ នៃគណៈកម្មាធិការព្រំដែនទូទៅ (GBC) កម្ពុជា-ថៃ ដែលបានប្រព្រឹត្តទៅនៅទីក្រុងកូឡាឡាំពួ ប្រទេសម៉ាឡេស៊ី រួចមក, ឯកឧត្តម នាយឧត្តសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹកនាំគណៈប្រតិភូជាន់ខ្ពស់ក្រសួងការពារជាតិអញ្ជើញវិលនិវត្តន៍មកដល់កម្ពុជាវិញ នៅព្រឹកថ្ងៃទី ២៤ ខែតុលា ឆ្នាំ២០២៥នេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/LA509CH8dyM
បរិមាណស្រូវនាំចេញ ក្រៅផ្លូវការទៅប្រទេសវៀតណាម ចាប់ពីថ្ងៃទី១ ខែមករា ដល់ថ្ងៃទី២១ ខែតុលា ឆ្នាំ២០២៥ សរុបមានចំនួន ២,៤៧៩,៧២៣តោន រួមទាំងស្រូវឆ្លងកាត់។ ក្នុងនោះ តម្លៃស្រូវសើមនៅស្រែជាមធ្យម ស្រូវអ៉ីអ៊ែរ៥០៤០៤ តម្លៃ៦៩០រៀលក្នុង១គីឡូក្រាម ស្រូវអូអឹម៥៤៥១ តម្លៃ៧០០រៀល ក្នុង១គីឡូក្រាម ចំណូលសរុប ៥២៤,១០៨,៥១៩ដុល្លារ។
សូមទស្សនាព័ត៌មានពិស្ដារ៖
ឆ្លើយតបតំណាងអាជីវករផ្សារគីឡូម៉ែត្រលេខ៩ ដែលស្នើឱ្យអាជ្ញាធរចុះពិនិត្យករណី មានបុគ្គលម្នាក់ អះអាងថាខ្លួនជាប្រធានផ្សារគីឡូម៉ែត្រលេខ៩ ហើយដើរប្រមូលយកលុយ ឬភាស៊ី ពីអាជីវករយ៉ាងអាណាធិបតេយ្យ បង្កការលំបាក និងការថ្នក់ចិត្តដល់អាជីវករ ត្រូវបានឯកឧត្តម ឯក ឃុនដឿន អភិបាលរងរាជធានីភ្នំពេញ ស្នើឱ្យអភិបាលខណ្ឌ និងអធិការខណ្ឌប្ញស្សីកែវចុះពិនិត្យ និងបញ្ជាឱ្យចាត់វិធានការផ្លូវច្បាប់ ឬឃាត់ខ្លួនប្រសិនបើរកឃើញថា បានប្រព្រឹត្តទង្វើនេះពិតប្រាកដមែន។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/DAmpOAyGz-A
ឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំ អនុប្រធានក្រុមការងាររាជរដ្ឋាភិបាលចុះមូលដ្ឋានស្រុក និងជាប្រធានក្រុមការងាររបស់រាជរដ្ឋាភិបាលចុះមូលដ្ឋានឃុំដងកាំបិត ស្រុកសណ្ដាន់ ខេត្តកំពង់ធំ បានដឹកនាំសហការីទៅត្រួតពិនិត្យស្ថានភាពផ្លូវលំក្រាលគ្រួសក្រហមមួយខ្សែ ដែលរងការខូចខាតប្រវែងជាង ៥០០ម៉ែត្រ ដោយសារជំនន់ទឹកភ្លៀង នៅក្នុងរដូវវស្សាឆ្នាំ២០២៥ កន្លងទៅនេះ នៅតំបន់អូរពពេល ឃុំដងកាំបិត ស្រុកសណ្ដាន់ ខេត្តកំពង់ធំ ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/tOvGPE-CpVM
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រណាចក្រកម្ពុជា នឹង ដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ានលើកទី៤៧ និងកិច្ចប្រជុំកំពូល ពាក់ព័ន្ធ ដែលនឹងប្រព្រឹត្តទៅនៅថ្ងៃទី២៥-២៨ ខែតុលា ឆ្នាំ២០២៥ នៅទីក្រុងគូឡាឡាំពួ ប្រទេស ម៉ាឡេស៊ី តបតាមការអញ្ជើញរបស់ ឯកឧត្តម ដាតុ ស៊េរី អាន់វ៉ា អ៊ីប្រាហ៊ីម នាយករដ្ឋមន្ត្រីនៃប្រទេស ម៉ាឡេស៊ី និងជាប្រធាននៃកិច្ចប្រជុំកំពូលអាស៊ានឆ្នាំ២០២៥។
សូមទស្សនាព័ត៌មានពិស្ដារ៖
តាមរយៈការអង្កេតតាមដានជាប្រចាំរបស់មន្រី្ត នៃអង្គការចលនា ដើម្បីសុខភាពកម្ពុជា ពាក់ព័ន្ធទៅលើសកម្មភាពចែកចាយ ជួញដូរ ការធ្វើអាជីវកម្មបារីអេឡិចត្រូនិកនៅតាមប្រព័ន្ធផ្សព្វផ្សាយសង្គម បានរកឃើញថា ក្រុមចែកចាយ និងធ្វើអាជីវកម្មបារីអេឡិចត្រូនិក និងផលិតផលអេចឈ៍ធីភី នៅបន្តកើតមានយ៉ាងព្រោងព្រាតលើបណ្តាញទំនាក់ទំនងសង្គម។ បើតាមអង្គការនេះ មានទំព័រហ្វេសប៊ុក ក្រុមហ្វេសប៊ុក ក្រុមតេឡេក្រាម ក្រុមតិកតុក និងក្រុមអ៊ីនស្តាក្រាម បាននឹងកំពុងធ្វើសកម្មភាពយ៉ាងសកម្ម ដែលក្រុមនីមួយៗមានចំនួន។ ក្នុងនោះមានទំព័រហ្វេសប៊ុក (Facebook page) ចំនួន ១៧៦ ត្រូវបានរកឃើញថាកំពុងតែមានសកម្មភាពចែកចាយបារីអេឡិចត្រូនិក និងផលិតផលអេចឈ៍ ធី ភី ។ ដែលទំព័រហ្វេសប៊ុកមួយចំនួនជាទំព័រហ្វេសប៊ុកចាស់ និងមួយចំនួនជាទំព័រហ្វេសប៊ុកថ្មីដែលទើបតែរកឃើញ ឬទើបតែបង្កើតឡើងថ្មីៗ។
ក្រុមហ្វេសប៊ុក (Facebook group) ចំនួន ១៦៧ ត្រូវបានរកឃើញថា កំពុងតែមានសកម្មភាពចែកចាយបារីអេឡិចត្រូនិក និងផលិតផលអេចឈ៍ធីភី។ ក្រុមហ្វេសប៊ុកមួយចំនួន ជាក្រុមចាស់ដែលបានផ្អាកប្រើមួយរយៈ ហើយក៏ប្រើប្រាស់ឡើងវិញ និងមួយចំនួនទៀតជាក្រុមហ្វេសប៊ុកថ្មី ដែលទើបតែបង្កើត និងកំពុងតែដំណើរការសកម្មភាព។ ក្រុមតេឡេក្រាម (Telegram group) ចំនួន ២១៦ ត្រូវបានរកឃើញថាកំពុងតែមានសកម្មភាពចែកចាយបារីអេឡិចត្រូនិក និងផលិតផលអេចឈ៍ ធី ភី យ៉ាងសកម្ម និងជាប្រព័ន្ធសង្គមដែលពេញនិយមក្នុងការបញ្ជាទិញពីអតិថិជន។ក្រុមតិកតុក (Tik Tok group) ចំនួន៤០ ត្រូវបានរកឃើញថាកំពុងតែមានសកម្មភាពចែកចាយបារីអេឡិចត្រូនិក និងផលិតផលអេចឈ៍ ធី ភី ដោយការថតជាវីដេអូបង្ហាញពីនូវភាព និងសកម្មភាពជក់ទៀតផង។ ក្រុមអ៊ីនស្តាក្រាម(Instagram group)ចំនួន ៨៩ ត្រូវបានរកឃើញថាកំពុងមានសកម្មភាពក្នុងការចែកចាយ ដោយការដាក់បង្ហាញនូវរូបភាពបារីអេឡិចត្រូនិក និងផលិតផលអេចឈ៍ ប្លែកៗ និងសម្បូរបែប។
កាលពីម្សិលម៉ិញនេះ ប្រមុខរាជរដ្ឋាភិបាលបានចេញបទបញ្ជ ស្តីពីការដាក់ចេញវិធានការហាមឃាត់ ការនាំចូល ការចែកចាយ ការលក់ ការផ្សាយពាណិជ្ជកម្ម ការប្រើប្រាស់ ការកាន់កាប់ ការផលិត និង ការស្ដុកទុកឧបករណ៍អេឡិចត្រូនិកនិងសារធាតុគីមីសម្រាប់ជក់ និងស៊ីស។ ការចេញបទបញ្ជានេះ ដោយសារ ក្នុងរយៈពេលថ្មីៗនេះ រាជរដ្ឋាភិបាលសង្កេតឃើញមានការរីករាលដាល ការប្រើប្រាស់ឧបករណ៍អេឡិចត្រូនិក សារធាតុគីមីសម្រាប់ជក់ និងស៊ីស្សា ក្នុងចំណោមកុមារនិងយុវជនកម្ពុជា។ ការជក់ឬប្រើប្រាស់នេះ ផ្ដល់ផលប៉ះពាល់យ៉ាងខ្លាំង ដល់សណ្តាប់ធ្នាប់សង្គម សុខភាព សាធារណៈ ជាពិសេសសុខភាពរបស់អ្នកសិក្សានិងបុគ្គលិកអប់រំ។ ទន្ទឹមនេះ ការប្រើប្រាស់ផលិតផលទាំងនេះអាចជាច្រកផ្លូវទៅប្រើប្រាស់គ្រឿងញៀនខុសច្បាប់ផ្សេងទៀត ព្រោះ ប្ភេទឧបករណ៍អេឡិចត្រូនិក ដូចជាបារីអេឡិចត្រូនិក អាចប្រើសម្រាប់ជក់គ្រឿងញៀនផ្សេងទៀតបាន។ អ្នកប្រើប្រាស់ ពិសេសកុមារនិងយុវជន ឈានទៅជក់បារីធម្មតាផងដែរ នៅពេលដែលពួកគេមានភាពញៀន នឹងសារធាតុនីកូទីន។ ហើយកត្តាទាំងនេះ អាចនាំឱ្យមានកំណើនជំងឺមិនឆ្លងនៅក្នុងសង្គមផងដែរ៕
