គិតត្រឹមថ្ងៃទី២ ខែមីនា ឆ្នាំ២០២៦នេះ មានប្រជាជនភៀសសឹក ជាង១ម៉ឺន ៥ពាន់គ្រួសារ មិនទាន់អាចវិលត្រឡប់ទៅកាន់លំនៅដ្ឋានវិញបាន ហើយកំពុងបន្តស្នាក់នៅបណ្តោះអាសន្នជាមួយសាច់ញាតិនិងក្នុងមណ្ឌលសុវត្ថិភាព ដែលរៀបចំជូនដោយអាជ្ញាធរមូលដ្ឋាន នៅតាមបណ្តាខេត្តនានា ក្នុងនោះ ខេត្តបន្ទាយមានជ័យក៍នៅមានប្រជាជនភៀសសឹកចំនួន៣១៣៦គ្រួសារកំពុងបន្តស្នាក់ជាមួយសាច់ញាតិនិងមណ្ឌលសុវត្ថិភាពចំនួន៦ ដែលរៀបចំជូនដោយ រាជរដ្ឋាភិបាល និងអាជ្ញាធរ ខេត្តបន្ទាយមានជ័យ។

សូមទស្សនាព័ត៌មានពិស្ដារ៖

កម្មវិធីសិក្ខាសាលាអប់រំផ្សព្វផ្សាយស្តីពី «ការថែទាំសុខភាពភ្នែក»អបអរសាទរទិវាអន្តរជាតិនារី ៨មីនា ឆ្នាំ២០២៦ ខួបលើកទី១១៥ ក្រោមប្រធានបទ “សន្តិភាព និងសន្តិសុខសម្រាប់ស្ត្រី និងគ្រួសារ” ត្រូវបានធ្វើឡើងនាព្រឹកថ្ងៃទី៤ មីនា ឆ្នាំ២០២៦ ក្រោមអធិបតីភាព ឯកឧត្ដម ម៉ប់ សារិន ប្រធានក្រុមប្រឹក្សារាជធានីនិងឯកឧត្ដមពេញ ធារម្យ អភិបាលរង តំណាង ឯកឧត្ដមឃួង ស្រេង អភិបាលរាជធានីភ្នំពេញ នៅសាលារាជធានីភ្នំពេញ។

សូមទស្សនាព័ត៌មានពិស្ដារ៖

ក្រោយពីទទួលបានព័ត៌មាននៅរសៀលថ្ងៃទី៣ ខែមីនា ឆ្នាំ២០២៦ ក្រុមការងារអធិការកិច្ចនៃអគ្គនាយកដ្ឋានគាំពារបរិស្ថាន បានចុះពិនិត្យទីតាំងក្រុមហ៊ុន SHI HAO HANDBAG CO., LTD. នៅវេលាម៉ោង ៨:០០នាទីយប់ ដែលជាប្រភេទរោងចក្រផលិតកាបូប ស្ថិតនៅភូមិកណ្តាល ឃុំព្រែកអញ្ចាញ ស្រុកមុខកំពូល ខេត្តកណ្តាល ក្នុងករណីមានកម្មករចំនួន១៩នាក់ មានអាការ:អស់កម្លាំងទន់ដៃ ទន់ជើង។

សូមទស្សនាព័ត៌មានពិស្ដារ៖

ទឹកដី​របស់​កម្ពុជា​ គឺជា​បេះ​ដូង​របស់​ជាតិ ដែល​មិនអាច​រង​ការ​រំលោភ​បំពាន​បាន​ឡើយ។

សូមទស្សនាវីដេអូខាងក្រោម៖

ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខា ភិបាល បានមានប្រសាសន៍ថា «ស្ត្រីពិតប្រាកដណាស់ គឺកំពុងវិវត្តន៍លូតលាស់រីកចម្រើនជាមួយប្រាជ្ញា និងបទពិសោធន៍លើគន្លងផ្លូវគតិបណ្ឌិត»។ ការបញ្ជាក់នេះធ្វើឡើងឯកឧត្តមបានអញ្ជើញជាអធិបតី ក្នុងពិធីអបអរសាទរខួបអនុស្សាវរីយ៍លើកទី១១៥ ទិវាអន្តរជាតិនារី ៨ មីនា ឆ្នាំ២០២៦ ក្រោមប្រធានបទ៖ «សន្តិភាព និងសន្តិសុខសម្រាប់ស្រ្តី និងគ្រួសារ» ថ្ងៃទី២ ខែមីនា ឆ្នាំ២០២៦ នៅទីស្តីការក្រសួងសុខាភិបាល។

សូមទស្សនាព័ត៌មានពិស្ដារ៖

នារសៀលថ្ងៃទី២ ខែមីនា ឆ្នាំ២០២៦, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យលោកជំទាវ ល្វីស មូស៊ីគីវ៉ាបូ (Louise MUSHIKIWABO) អគ្គលេខាធិការនៃអង្គការអន្តរជាតិហ្វ្រង់កូហ្វូនី និង គណៈប្រតិភូ ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព។

សូមទស្សនាព័ត៌មានពិស្ដារ៖

ថ្ងៃទី៣ ខែមីនា ឆ្នាំ២០២៦ នៅទីស្នាក់ការអាជ្ញាធរមីន ឯកឧត្តមបណ្ឌិត លី ធុជ ទេសរដ្ឋមន្រ្តី និងជាអនុប្រធានទី១ អាជ្ញាធរមីន បានអញ្ជើញជាអធិបតីក្នុងពិធីចុះហត្ថលេខាលើអនុស្សារណៈយោគយល់គ្នារវាងអាជ្ញាធរមីន និងអង្គការ Mayaguez Memorial VFW Post 11575 ស្តីពីការគាំទ្រដល់ជនរងគ្រោះដោយសារមីន និងសំណល់ជាតិផ្ទុះពីសង្គ្រាម។ អនុស្សារណៈយោគយល់នេះ ត្រូវបានចុះហត្ថលេខាដោយ ឯកឧត្តម លី បញ្ញារិទ្ធិ៍ អគ្គលេខាធិការ តំណាងអាជ្ញាធរមីន និងលោក Gary Kidd តំណាងអង្គការ Mayaguez Memorial VFW Post 11575 ។

សូមទស្សនាព័ត៌មានពិស្ដារ៖

នេះជាយុទ្ធសាស្ត្រអភិវឌ្ឍន៍សេដ្ឋកិច្ចដោយប្រើប្រាស់ទុនវិនិយោគក្នុងស្រុក តាមរយៈការយកថវិកា ឬធនធានដែលមានស្រាប់នៅក្នុងតំបន់ណាមួយមកអភិវឌ្ឍន៍ហេដ្ឋារចនាសម្ព័ន្ធនៅក្នុងតំបន់នោះវិញ ដើម្បីធានានិរន្តរភាព សុវត្ថិភាពសេដ្ឋកិច្ច និងជៀសវាងការពឹងផ្អែកខ្លាំងលើទុនបរទេស៕

សូមទស្សនាបទយកការណ៍៖

លោកជំទាវ Vladanka Andreeva អ្នកសម្រប សម្រួលអង្គការសហប្រជា ជាតិប្រចាំព្រះរាជាណាចក្រកម្ពុជា បានបញ្ជាក់ពីការបន្តគាំទ្រដល់ដំណើរការអភិវឌ្ឍសង្គម-សេដ្ឋកិច្ចរបស់កម្ពុជា។ ការបញ្ជាក់ នេះធ្វើឡើងនៅក្នុងឱកាសសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យលោកជំទាវចូលជួបសម្ដែងការគួរសម និងពិភាក្សាការងារ នៅវិមានសន្ដិភាព ព្រឹកថ្ងៃទី២ ខែមីនា ឆ្នាំ២០២៦។

សូមទស្សនាព័ត៌មានពិស្ដារ៖