ខេត្តបន្ទាយមានជ័យ ៖ ការផ្ទេរភារកិច្ចលោកអភិបាលខេត្តបន្ទាយមានជ័យ ជំនួសដោយអភិបាលរងលោកវិញនោះ នឹងធ្វើឡើងនាព្រឹកថ្ងៃទី១០ ខែឧសភា ឆ្នាំ២០១៩ នេះ នៅសាលប្រជុំសាលាខេត្ត ក្រោមអធិបតីភាពសម្តេច ស ខេង ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ។

តាមសេចក្តី ជូនដំណឹងរបស់អគ្គនាយកដ្ឋានរដ្ឋបាល ក្រសួងមហាផ្ទៃ។
សូមជម្រាបថា នៅថ្ងៃទី៨ ខែឧសភា ឆ្នាំ២០១៩នេះ សម្តេចនាយករដ្ឋមន្រ្តី ហ៊ុន សែន បានធ្វើលិខិតទូលថ្វាយស្នើសុំព្រះមហាក្សត្រ ផ្ទេរភារកិច្ចលោក សួន បវរ ពីអភិបាលខេត្តបន្ទាយមានជ័យ ឱ្យមកបម្រើការងារនៅទីស្តីការក្រសួងមហាផ្ទៃ ដើម្បីទទួលភារកិច្ចថ្មី និងស្នើតែងតាំងអភិបាលរងលោក អ៊ុំ រាត្រី ជំនួសវិញ។

លោក សួន បវរ
ក្នុងលិខិតដដែលនោះដែរ សម្តេចតេជោ បានគោរពស្នើសុំផ្ទេរបញ្ចូលលោកឧត្តមសេនីយ៍ឯក គឹង វណ្ណៈ នៃក្របខណ្ឌមន្រ្តីនគរបាលជាតិកម្ពុជា មកជាមន្រ្តីរដ្ឋបាលជាន់ខ្ពស់ក្រសួងមហាផ្ទៃ ដើម្បីមានឧបនិស្ស័យតែងតាំងមុខតំណែងជាអភិបាលរងខេត្តបន្ទាយមានជ័យ។
សូមអានខ្លឹមសារទាំងស្រុងដូចខាងក្រោម ៖

បន្ទាយមានជ័យ ៖ អាជ្ញាធរក្រុងសិរីសោភ័ណបានទុកពេលឲ្យអ្នកម៉ៅការភាស៊ីផ្សារចំការរគរ(ផ្សារថ្មី) និងជាពិសេសផ្សារសិរីសោភ័ណ រយៈពេល៣ខែ អោយធ្វេីការកែប្រែឥរិយាបថមួយចំនួន ពិសេសលេីការប្រមូលសំរាមផ្សារសិរីសោភ័ណ ដែលកន្លងមកមានការរិះគន់មកអាជ្ញាធរថាការប្រមូលសំរាមមិនទៀងទាត់ ជាហេតុបណ្តាលឲ្យមានក្លិនមិនល្អ និងទុកដាក់សំរាមមិនត្រឹមត្រូវទៅតាមការកំណត់ ។

នេះបេីតាមការលេីកឡេីងរបស់លោក ហ៊ឹល រ៉ាយ៉ា អភិបាលនៃគណៈអភិបាលក្រុងសិរីសោភ័ណ ដែលបានកោះអញ្ជេីញអ្នកម៉ៅភាស៊ីផ្សារខាងលេីដែលមានម្ចាស់ម៉ៅការតែមួយ ដេីម្បីប្រជុំវែកញែកដោះស្រាយ ដែលមានការចូលរួមពីអភិបាលរងក្រុង អ្នកពាក់ព័ន្ធ ក្រុមហ៊ុនប្រមូលសំរាម ដែលប្រារព្ធធ្វេីនៅសាលប្រជុំសាលក្រុងសិរីសោភ័ណ នារសៀលថ្ងៃទី៦ ខែឧសភា ឆ្នាំ២០១៩កន្លងទៅ ។

ការព្រមានទៅលេីអ្នកម៉ៅភាស៊ីផ្សារចំការគរ និងផ្សារសិរីសោភ័ណនេះ មិនមែនជាលេីកទីមួយនោះទេ ពោលកាលពីកន្លងទៅអាជ្ញាធរក្រុងសិរីសោភ័ណក៏ បានព្រមានទៅលេីអ្នកម៉ៅការភាស៊ីផ្សារចំការគរ ដែលបានដេីរយកភាស៊ីពីកញ្ចែង កញ្ជេីរ ល្អី ដែលផ្គេីនទៅនឹងអនុសាសន៍របស់ប្រមុខរាជរដ្ឋាភិបាលកម្ពុជា ដែលលេីកលែងមិនអោយយកភាស៊ី។

លេីកនេះអ្នកម៉ៅការភាស៊ីមិនសូវអនុវត្តទៅតាមលិខិតនៃកិច្ចសន្យាថា នឹងធ្វេីការថែរក្សាបរិស្ថានផ្សារ សន្តិសុខសណ្តាប់ធ្នាប់ និងមិនព្រមអនុវត្តតាមការណែនាំរបស់រដ្ឋបាលក្រុង តែផ្ទុយទៅវិញ ការអនុវត្តហាក់ដូចជាគ្មានប្រសិទ្ធភាពឡេីយ ការប្រមូលសំរាមមិនទៀងទាត់ មិនសូវយកចិត្តទុកដាក់លេីរឿងសំរាមក្នុងផ្សារ ការចោលសំរាមពាសវាលពាសកាល មិនមានការកំណត់ទីតាំងជាក់លាក់ ធ្វេីអោយប្រជាពលរដ្ឋ និងអាជីវករ មានការរិះគន់ធ្ងន់ៗមកលេីអាជ្ញាធរថាសម្រាមអត់ប្រមូល ប្រមូលតែលុយ។

លោក ហ៊ឹល រ៉ាយ៉ា អភិបាលក្រុង បានទុកពេលឲ្យអ្នកម៉ៅការភាស៊ីផ្សារសិរីសោភ័ណរយៈពេល៣ខែ ក្នុងការកែប្រែឥរិយាបថឡេីងវិញ បេីពុំនោះទេលោកដកចេញតែម្តងដោយគ្មានលក្ខខណអ្វីទាំងអស់ ។

លោកបន្តថា កន្លងមកបណ្តារអាជីវករក្នុងផ្សារសិរីសោភ័ណ បានលេីកឡេីងថា អ្នកយកភាស៊ីតែងតែដេីរយកជាប្រចាំ ប៉ុន្តែសំរាមគឺនៅដ៏ដែលធ្វេីឲ្យគាត់ដែលលក់ដូរក្បែរនោះស្មេីរតែដង្ហេីមមិនរួចដោយវាមានក្លិនស្អុយ ។

ជាមួយនឹងការព្រមានជាលេីកចុងនោះដែល អាជ្ញាធរក្រុងនិងធ្វេីការដាក់កាមេរ៉ាសុវត្ថិភាពនៅតាមទីតាំងមួយចំនួននៅផ្សារចំការគរ (ហៅផ្សារថ្មី) និងផ្សារសិរីសោភ័ណ ដេីម្បីតាមដានមេីលសកម្មភាពបងប្អូនប្រជាពលរដ្ឋមួយចំនួនដែលតែងតែយកសំរាមយកចោលគ្មានសណ្តាប់ធ្នាប់ ដេីម្បីធ្វេីការផាក់ពិន័យ ។ ក្នុងនោះរដ្ឋបាលក្រុងនឹងចេញសេចក្តីជូនដំណឹងដល់បងប្អូនដែលរស់នៅក្បែរផ្សារ មិនអនុញ្ញាតឲ្យចោលសំរាមនៅក្នុងផ្សារនោះទេ បេីដឹងថាមានការចោលសំរាម មិនគោរពទៅតាមសេចក្តីជូនដំណឹងនឹងផាក់ពិន័យតាមច្បាប់ដែលមានចែង ។

ទន្ទឹមនឹងនោះ អភិបាលក្រុងសិរីសោភ័ណ ក៏បានជុំរួញដល់ក្រុមហ៊ុនប្រមូលសំរាម ត្រូវប្រមូលឲ្យបានទៀងទាត់នៅតាមគោលដៅ និងទីតាំងដែលបានកំណត់ ដេីម្បីកុំឲ្យមានការកក់ស្ទះសំរាមយូរ ធ្វេីឲ្យមានក្លិនមិនល្អ ប៉ះពាល់ដល់សុខភាពប្រេជាពលរដ្ឋ ៕

ភ្នំពេញ ៖ ភាពចម្រូងចម្រាស់ដោយពាក្យសំដីរវាងភាគីអ្នកទិញដីជាមួយភាគីខាងក្រុមហ៊ុនពុះដីឡូត៍«ខ្យល់»លក់ បន្ទាប់ពីអត់មានដីប្រគល់ឲ្យអតិថិជន ហើយទារពេលយកគ្មានលុយវិញ ក៏សន្យាខ្យល់ទៀត កើតជារឿងជម្លោះផ្អើលដល៉សមត្ថកិច្ចចុះទៅសម្របសម្រួលកាលពីល្ងាចថ្ងៃទី៦ ខែឧសភា ឆ្នាំ២០១៩ នៅទីស្នាក់ការក្រុមហ៊ុនលក់ដីឡូត៍ ស្ថិតក្នុងភូមិស្រែតេជៈ សង្កាត់សំរោងក្រោម ខណ្ឌពោធិ៍សែនជ័យ ។

នេះជាលើកទីពីរហើយ នៅដើមឆ្នាំ២០១៩ នេះ ដែលលើកទី១ គឺជាករណីលក់ឡានខ្យល់បង់រំលស់ ហើយនៅទីបំផុតម្ចាស់ឃ្លាំងលក់រថយន្តត្រូវបានចាប់ឃុំខ្លួន បន្ទាប់ពីរកឃើញថា បានទទួលលុយកក់ និងលុយបង់រំលស់ទិញរថយន្តរាប់់សិបម៉ឺនដុល្លារពីអតិថិជនជាច្រើននាក់ រួចរត់គេចខ្លួនបាត់។

ក្រុមហ៊ុនលក់ដីខ្យល់យីហោ រៀលប្រជេក ប៊ីហ្សនេស ឯ.ក ដែលមានអាសយដ្ឋាន ផ្ទះលេខ៣៦ មហាវិថីឈ្នះ ឈ្នះ ក្នុងភូមិស្រែតេជៈ សង្កាត់សំរោងក្រោម ខណ្ឌពោធិ៍សែនជ័យ ។

បុរសម្នាក់ឈ្មោះ សាន មឿន អាយុ៤៥ឆ្នាំ ជាភាគីអ្នកទិញដី បានឲ្យដឹងថា គាត់បានទិញដីបង់រំលស់ ពីក្រុមហ៊ុនខាងលើ បង់លុយជាតំណាក់កាលៗ ហើយគាត់បង់អស់ ប្រាក់ចំនួន ២.៥០០ដុល្លាហើយ លើតម្លៃដីសរុប ៩.៨០០ដុល្លា គឺបង់ក្នុង១ខែ ២០០ដុល្លារ ទៅតាមលក្ខខណ្ឌ ៥ខែ តែអ្វីដែលមិននឹកស្មានដល់នោះគឺ ខំបង់លុយអស់ ២.៥០០ដុល្លារទៅហើយ បែរជាក្រុមហ៊ុនមិនមានដីប្រគល់ឲ្យទៅវិញ សួរឯលិច ឆ្លើយឯកើត សួរកើតធ្លាយជើង ទីបំផុតទើបដឹងថា ក្រុមហ៊ុននេះលក់ដី«ខ្យល់» រកតែមួយដីបង្គីក៏គ្មានផង ដើរតែចង្អុលដីគេពាសវាលពាសកាល ម្តងថាដីត្រង់នេះ ម្តងនៅត្រង់នោះ ពេលអស់កន្លែងភរ បែរជាសន្យាប្រគល់ឲ្យលុយវិញ ហើយការសន្យាប្រគល់លុយវិញនោះទៀតសោត បើមិនបានគ្រប់ចំនួន តាមកិច្ចសន្យាដែរ។

តាមភាគីខាងក្រុមហ៊ុនលក់ដី ឈ្មោះ លី វ៉ាឌីណា អាយុ៤៩ឆ្នាំ មានទីលំនៅ ភូមិ សង្កាត់កើតហេតុ នៅក្នុងពេលមានការតវ៉ា លោកមិនមានការបំភ្លឺជុំវិញដីដែលលក់ឲ្យអតិថិជនថាស្ថិតនៅត្រង់ណាឲ្យបានច្បាស់លាស់ឡើយ ក្រោយពីភាគីខាងអតិថិជនខ្លួន ផ្ទុះកំហឹងបំរុងនាំគ្នាប្រមូលឥវ៉ាន់ បែរជាស្រែកឆ្កាដៃជើងខឹង នឹងប្តឹងនឹងមន្ត្រីនគរបាលដែលមានវត្តមានជាសាក្សីក្នុងហេតុការនេះទៅវិញ។

ទោះជាយ៉ាងណាក៏ដោយ ភាពចម្រូងចម្រាស់គ្នានេះ ភាគីអ្នកទិញដី បានផ្អាក ការប្រមូលយកឥវ៉ាន់របស់ក្រុមហ៊ុនទៅវិញ បន្ទាប់ពីមានអន្តរាគមន៍ពីសមត្ថកិច្ច ដោយស្នើឲ្យ រង់ចាំរកដំណោះស្រាយដោយសន្តិវិធី នៅថ្ងៃបន្ទាប់ទៀត៕

ភ្នំពេញ ៖ អ្នករាយការណ៍ពិសេស អង្គការសហប្រជាជាតិ ទទួលបន្ទុកស្ថានភាពសិទ្ធមនុស្សនៅកម្ពុជា លោក ស្រី រ៉ូណា ស្មីត បានទទួលស្គាល់ថា ការធ្វើជំរឿនប្រជាជនឆ្នាំ២០១៩ មន្រ្តីជំរឿនបានចុះទៅដល់ភូមិឋានប្រជាជន នៅក្នុងតំបន់ចុងកាត់មាត់ញក គ្រប់ទីកន្លែងទូទាំងប្រទេស។ ការទទួលស្គាល់នេះបន្ទាប់ពីលោកស្រី និងក្រុមការងារ បានចុះទៅសាកសួរប្រជាជន នៅតាមតំបន់ចុងកាត់មាត់ញក និងប្រជាជនដែលផ្លាស់ប្តូទីលំនៅដ្ឋានជាច្រើនកន្លែងក្នុងប្រទេសកម្ពុជា។

អ្នករាយការណ៍ពិសេស អង្គការសហប្រជាជាតិ ទទួលបន្ទុកស្ថានភាពសិទ្ធមនុស្សនៅកម្ពុជា បានលើកឡើងពីការទទួលស្គាល់នេះ នៅក្នុងជំនួបពិភាក្សាការងារ ជាមួយ ឯកឧត្តម សេដ្ឋបណ្ឌិត ឆាយ ថន ទេសរដ្ឋមន្រ្តី រដ្ឋមន្រ្តីក្រសួងផែនការ កាលពីព្រឹកថ្ងៃទី៧ ខែឧសភា ឆ្នាំ២០១៩នេះនៅទីស្តីការក្រសួង។

ឯកឧត្តម ថេង បញ្ញាធន ប្រតិភូរាជរដ្ឋាភិបាលកម្ពុជា ទទួលបន្ទុកអគ្គនាយកផែនការ នៃក្រសួងផែនការ បានមានប្រសាសន៍ ប្រាប់ក្រុមអ្នកសារព័ត៌មាន នៅក្រោយជំនួននេះថា ជំនួប រវាង ឯកឧត្តម រដ្ឋមន្រ្តី និងលោកស្រី រ៉ូណា ស្មីត នាថ្ងៃនេះ ក្នុងគោលបំណងចង់ដឹងពីលទ្ធផលមួយចំនួនដែលក្រសួងបានជម្រាបជូនកាលពីបេសកកម្មទី១កាលពីឆ្នាំមុន ដែលទាក់ទងនឹងការធ្វើមូលដ្ឋាននីយកម្ម គោលដៅអភិវឌ្ឍន៍ប្រកបដោយចីរភាពកម្ពុជា ក៏ដូចជាការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការធ្វើការរាយការណ៍ដោយស្ម័គ្រចិត្ត ពីរបាយការណ៍វាយតម្លៃថ្នាក់ជាតិ ដោយស្ម័គ្រចិត្ត នៃការអនុវត្តគោលដៅអភិវឌ្ឍន៍ប្រកបដោយចីរភាពកម្ពុជា ដែលរដ្ឋាភិបាលកម្ពុជានឹងត្រូវធ្វើការផ្សព្វផ្សាយនឹងបង្ហាញនូវអង្គការសហប្រជាជាតិ នៅក្នុងវេទិការនយោបាយកម្រិតខ្ពស់ នៅទីក្រុងញូយ៉ក ពីថ្ងៃទី៩ដល់ថ្ងៃទី១៨ខែកក្កដា ឆ្នាំ២០១៩ ខាងមុខនេះ។

ដោយឡែកទាក់ទងទៅនិងរបាយការវាយតម្លៃពីថ្នាក់ជាតិ ដោយស្ម័គ្រចិត្ត(VNA)ឯកឧត្តម ថេង បញ្ញាធន បានបញ្ជាក់ថា សម្រាប់ឆ្នាំ២០១៩នេះ បានដំណើរការរៀបចំតាមការប្តេជ្ញាចិត្តរបស់រាជរដ្ឋាភិបាល ពិសេសមានការចូលរួមពីគ្រប់ភាគី និងអង្គការសង្គមស៊ីវិលជាច្រើន ដែលពុំធ្លាប់បានអញ្ជើញពីមុនមកនោះឡើយ។

យ៉ាងណាឯកឧត្តមថា លោកស្រី រ៉ូណា ស្មីត បញ្ជាក់ថា នឹងមានបេសកកម្មរបស់គាត់របៀបនេះ ជាមួយក្រសួងផែនការជានបន្តទៀត ដែលទាក់ទិននឹងលទ្ធផល ដែលរាជរដ្ឋាភិបាលកម្ពុជា នឹងបង្ហាញនៅទីក្រុងញ៉ូយ៉កនាពេលខាងមុខនេះ៕

ភ្នំពេញ ៖ ជនឆ្លៀតឱកាស៣នាក់ដែលក្លែងបន្លំខ្លួនធ្វើជាសង្ឃ ត្រូវបានសមត្ថកិច្ចតាមទាន់ ឃាត់ខ្លួនបាន រួមជាមួយអ្នកបើកបររុឺម៉កម្នាក់ផងដែរ កាលពីវេលាម៉ោង ០៥និង៤០នាទីព្រឹក ថ្ងៃទី០៧ ខែឧសភា ឆ្នាំ២០១៩ នេះ នៅចំណុចតាមដងផ្លូវសម្តេច ជាស៊ីម ភូមិក្រុងថ្មី សង្កាត់គោកឃ្លាង ខណ្ឌសែនសុខ ។

សមត្ថកិច្ច បានឲ្យដឹងថា សង្ឃក្លែងក្លាយទាំង៣នាក់ខាងលើ ទី១ ឈ្មោះ ជា ផាន់នី អាយុ២៨ឆ្នាំ មុខរបរមិនពិតប្រាកដ ស្នាក់នៅភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ។ ទី២ ឈ្មោះ ជិន សាមុន អាយុ៣៩ឆ្នាំ មុខរបរមិនពិតប្រាកដស្នាក់នៅភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ។ ទី៣ ឈ្មោះ វៃ សុីណា អាយុ៣២ឆ្នាំ មុខរបរមិនពិតប្រាកដ ស្នាក់នៅភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ។

ចំណែកអ្នកបើកបររុឺម៉កម្នាក់ ឃាត់ខ្លួនដែរនោះ ឈ្មោះ សួស ពិសិទ្ធ ភេទប្រុស អាយុ២០ឆ្នាំ មុខរបររត់កង់បី ស្នាក់នៅម្តុំចំការដូង ។ ទាំង៤នាក់មានស្រុកកំណើតភូមិស្រម៉រ ឃុំត្រពាំងស្រែ ស្រុកមេសាង ខេត្តព្រវែង ។

អាជ្ញាធរមូលដ្ឋានឲ្យដឹងថា មុនកើតហេតុខណៈកម្លាំងសមត្ថកិច្ចជិះម៉ូតូដើរល្បាត មើលក្នុងមូលដ្ឋាន ដល់គោលដៅខាងលើ ស្រាប់តែឃើញរុឺម៉កម៉ូតូកង់បីខាងលើអ្នកជិះ០៣នាក់ មានកោសក់ខុសប្រក្រតីក៍ឃាត់ពិនិត្យស្រាប់តែឃើញសម្ភារៈសង្ឃក្លែងបន្លំសំលៀកស្បង់ជីវរ ឃាត់ជាក់ស្តែងតែម្តងនិងយកមកធ្វើការសាកសួរនៅប៉ុស្តិ៍ ។

នៅចំពោះមុខសមត្ថកិច្ចសង្ឃក្លែងបន្លំខាងលើបានប្រាប់ថាពួកគេមិនមែនលោកសង្ឃទេជាប្រជាពលរដ្ឋធម្មតាដោយសារតែធ្វើការសំណង់រកលុយមិនបានក៍មានគំនិតក្លែងជាសង្ឃហើយដើរបិណ្ឌបាតតាមផ្សារនានាក្នុងក្រុងតែម្តងដោយមានរឺម៉កព្រឹកឡើងមកដឹកចេញពីបន្ទប់ជួលហើយប្តូរសំលៀកបំពាក់មកស្បង់ជីវរតាមដងផ្លូវ ។

ក្រោយពីមានចម្លើយសារភាពបច្ចុប្បន្នជនក្លែងបន្លំខាងលើត្រូវបាននាំខ្លួនយកទៅសាកសួរនៅអធិការដ្ឋាននគរបាលខណ្ឌសែនសុខបន្ត ៕ ដោយ ៖ ស.ស.រ

ខេត្តកំពង់ចាម ៖ រថយន្តបុកបន្តកន្ទុយគ្នាចំនូន៣គ្រឿងយ៉ាងហោចណាស់បណ្តាលឱ្យមានមនុស្ស០២នាក់ស្លាប់​នឹង០២នាក់ទៀតរងរបួស។

ហេតុការណ៏នេះបានកេីតឡេីងនៅវេលាម៉ោង០១និង៣០នាទីរំលងអាធ្រាតឈានចូលថ្ងៃទី០៧ខែឧសភា ឆ្នាំ២០១៩ ករណីគ្រោះថ្នាក់ចរាចរណ៍ រវាងរថយន្ដនិងរថយន្ដនៅលើផ្លូវជាតិលេខ០៦ចន្លោះគីឡូម៉ែត្រលេខ៧០-៧១នៅត្រង់ចំណុច(ខាងលិចរោងចក្រវ៉ាឡុង)ស្ថិតក្នុងភូមិ ឈើទាល ឃុំផ្តៅជុំ ស្រុកជើងព្រៃខេត្តកំពង់ចាម។

ប្រភពពីសមត្ថកិច្ចបានអោយដឹងថារថយន្ត បង្កម៉ាកសាំយ៉ុងពាក់ស្លាកលេខភ្នំពេញ2AB-2463 អ្នកបើកបរមិនស្គាល់អត្តសញ្ញាណបើកបរក្នុងទិសដៅពីលិចទៅកើតដល់ចំណុចកេីតហេតុបានបុករថយន្តម៉ាកហ៊ិនដាយពាក់ស្លាកលេខ កំពង់ចាម3A-1218 អ្នកបើកបរមិនស្គាល់អត្តសញ្ញាណបើកបរស្របទិសដៅគ្នា ហេីយបានគៀរថយន្តមួយគ្រឿងទៀត ម៉ាកហ៊ិនដាយពាក់ស្លាកលេខ ព្រះសីហនុ3A-3693 អ្នកបើកបរមិនស្គាល់អត្តសញា្ញណដែលកំពុងឈប់ចុះបត់ជេីង។

សមត្ថកិច្ចបានបន្ដថា ជនរងគ្រោះដែលស្លាប់រួមមាន២នាក់១-ឈ្មោះជឺ ទង ភេទស្រីអាយុ៥៧ឆ្នាំ ២-ឈ្មោះធា ភេទប្រុស អាយុ២៥ឆ្នាំ។

ជនរងគ្រោះដែលមានរបួសស្រាលមាន២នាក់ ១-ឈ្មោះសីហាភេទប្រុស អាយុ១៨ឆ្នាំទីលំនៅស្រុករវៀងខេត្តព្រះវិហារ២-ឈ្មោះគោភេទប្រុស អាយុ១៧ឆ្នាំទីលំនៅស្រុករវៀងខេត្តព្រះវិហារ។

បច្ចុប្បន្នរថយន្តទាំង០៣គ្រឿងត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកជើងព្រៃរង់ចាំការដោះពេលក្រោយ៕ ដោយ ៖ សុផល

ខេត្តព្រះសីហនុ ៖ ជនជាតិចិន ២នាក់ ត្រូវបានសមត្ថកិច្ចខេត្តព្រះសីហនុ តាមស្ទាក់ឃាត់ខ្លួនបានភ្លាមៗ បន្ទាប់ពីពួកគេបាញ់សម្លាប់បុរសម្នាក់ជាជនជាតិចិនដូចគ្នា ហើយទម្លាក់ចេញពីរថយន្ត នៅចំណុចនៅមុខសណ្ឋាគាខ្សាច់ស ក្នុងសង្កាត់លេខ៤ ក្រុងព្រះសីហនុ ខេត្តព្រះសីហនុ នៅវេលាម៉ោង ៣៖៣០នាទីរសៀល ថ្ងៃទី០៦ ខែឧសភា ឆ្នាំ២០១៩។

សូមជម្រាបថា បុរសជនជាតិចិនម្នាក់ បានស្លាប់ភ្លាមៗនៅកន្លែងកើតហេតុ ក្នុងហេតុការណ៍បាញ់ប្រហារមួយករណី ដោយឃាតករច្រានទម្លាក់ពីលើរថយន្ត រួចបាញ់បញ្ជូនពីក្រោយ ចេញពីរថយន្តមួយគ្រឿងម៉ាក ហាយឡិនឌ័រ ពណ៌ខ្មៅពាក់ស្លាកលេខភ្នំពេញ 2K- 3970 នៅរសៀលថ្ងៃទី៦ ខែឧសភា ឆ្នាំ២០១៩ នៅចំណុចមុខសណ្ឋាគាខ្សាច់សច ក្នុងក្រុម១៧ ភូមិ៤ សង្កាត់លេខ៤ ក្រុង ខេត្តព្រះសីហនុ។

ភ្លាមៗ នៅក្រោយពេលកើតហេតុ សមត្ថកិច្ចនៃស្នងការដ្ឋាននគរបាលខេត្តព្រះសីហនុ បានស្ទាក់ចាប់បានរថយន្តនិងជនសង្ស័យចំនួន២នាក់ នៅចំណុចភូមិ០៣ សង្កាត់លេខ០៤ ក្រុង.ខេត្តព្រះសីហនុ។ ប៉ុន្តែទោះជាយ៉ាងណា សមត្ថកិច្ចមិនទាន់ដឹងមូលហេតុច្បាស់លាស់ នៃករណីឃាតកម្មនេះនៅឡើយទេ។

បច្ចុប្បន្នជនសង្ស័យចំនួន០២រូបនិងរថយន្តមួយគ្រឿងត្រូវបានយកទៅស្នងការដ្ឋាននគរបាលខេត្តព្រះសីហនុដើម្បីបន្តនីតិវិធីតាមផ្លូវច្បាប់៕

ភ្នំពេញ ៖ នាព្រឹកថ្ងៃទី៦ ខែឧសភា ឆ្នាំ២០១៩ ​នេះ នៅវិមានសន្តិភាព សម្តេចនាយករដ្ឋមន្រ្តីតេជោ ហ៊ុន សែន បានអញ្ជើញជួបមន្រ្តីប្រតិភូនៃទីភ្នាក់ងារអង្គការសហប្រជាជាតិប្រចាំកម្ពុជា (UN)  ដឹកនាំដោយស្រី PAULINE THMESIS ។

លោក អ៊ាង សុផល្លែត ជំនួយការផ្ទាល់សម្ដេចតេជោ បានបញ្ជាក់នៅក្រោយជំនួបនេះថា ក្នុងជំនួបនេះលោកស្រី Pauline Tamesis ប្រធានប្រតិភូ បានគោរពជម្រាបជូនសម្ដេចតេជោ និងប្រតិភូទាំងមូលថា អង្គការសហប្រជាជាតិសូមសម្តែងនូវការអបអរសាទរ ចំពោះការងារដែលបានអនុវត្តនាឆ្នាំកន្លងមក។

នៅក្នុងកិច្ចប្រជុំនេះ ប្រតិភូនៃទីភ្នាក់ងារអង្គការសហប្រជាជាតិ (UN) បានលើកឡើងនូវចំណុចសំខាន់ៗ៣ គឺ៖ ១. ពាក់ព័ន្ធទៅនឹងកិច្ចគាំពារសង្គម, ២. ទាក់ទងទៅនឹងទិន្នន័យសម្រាប់ការអភិវឌ្ឍ និង ៣. បញ្ហាការចូលរួមពិនិត្យរបាយការណ៍ថ្នាក់ជាតិលើការអនុវត្តគោលដៅអភិវឌ្ឍន៍ដោយចីរភាព នៅក្នុងទីក្រុងញ៉ូវយ៉ក (New York) នៅខែ៧ខាងមុខនេះ។

ជាការឆ្លើយតបសម្ដេចតេជោ ក៏បានអនុញ្ញាតឲ្យឯកឧត្ដមរដ្ឋមន្ត្រីក្រសួងផែនការធ្វើការបកស្រាយ ហើយក៏បានបន្ថែមថា កម្ពុជាត្រៀមខ្លួនជាស្រេចក្នុងការចូលរួមប្រជុំនៅខែ៧ ខាងមុខនេះ ហើយសុំឲ្យមានការចូលរួមគាំទ្រពីស្ថាប័នពាក់ព័ន្ធនោះ សម្ដេចក៏បានមានប្រសាសន៍ឆ្លើយតបថា សព្វថ្ងៃនេះរាល់ការងារទាំងអស់ គឺមានការសម្របសម្រួលគ្នា ហើយក៏មានការចូលរួមជាពិសេស ពីឧត្តមក្រុមប្រឹក្សាជាតិសម្រាប់ការអភិវឌ្ឍ។

សូមបញ្ជាក់ថា ជំនួបរវាងប្រតិភូក្រុមភ្នាក់ងារអង្គការសហប្រជាជាតិ និងរាជរដ្ឋាភិបាលនេះ គឺមានការជួបគ្នាជារៀងរាល់ឆ្នាំគឺក្នុងមួយឆ្នាំម្តង។ ហើយនេះជាលើកទី៥ ហើយដែលក្រុមភ្នាក់ងារអង្គការសហប្រជាជាតិ ចូលជួបប្រជុំជាមួយរាជរដ្ឋាភិបាល៕

ភ្នំពេញ៖ រថយន្តសុីទែនដឹកប្រេងជាច្រើនគ្រឿងត្រូវបានអគ្គីភ័យយ៉ាងសន្ធោសន្ធៅនៅក្នុងស្ថានីយ៍ប្រេងឥន្ធនៈ លីម ឡុង ដែលការឆាបឆេះនេះអស់រយៈពេលប្រមាណជាច្រើនម៉ោង។

ហេតុការណ៍នោះបានកើតឡើង កាលពីវេលាម៉ោង៥និង៤០នាទីល្ងាចថ្ងៃទី៥ ខែឧសភា ឆ្នាំ២០១៩ នៅស្ថានីយ៍ប្រេងឥន្ធនៈ លីម ឡុង នោះមានទីតាំង ស្ថិតនៅតាមបណ្ដោយផ្លូវ៉េងស្រេង ភូមិជ្រៃកោង សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៍មានបានឲ្យដឹងថា នៅមុនពេលកើតហេតុមានរថយន្តសុីទែនដឹកប្រេងម៉ាហ្ស៊ូត១គ្រឿងបានដឹកប្រេងយកទៅបង្ហូរនៅក្នុងទីតាំងស្តុកប្រេងរបស់ស្ថានីយ៍ប្រេងឥន្ធនៈលីម ឡុងខាងលើ ហើយនៅក្នុងសុីទែននោះមានប្រេងម៉ាហ្ស៊ូតរហូតដល់ទៅ៣ម៉ឺនលីត្រឯណោះ។នៅក្នុងខណៈពេលកំពុងបង្ហូរប្រេងស្រាប់តែមានសម្លេងផ្ទុះឡើងហើយក៏មានអណ្ដាតភ្លើងឆាបឆេះឡើងយ៉ាងសន្ធោរសន្ធៅនិងមានផ្សែងហះឡើងកប់អាកាសវេងាស៍ព្រមទាំងមានសម្លេងផ្ទុះលាន់ឮឡើងជាបន្តបន្ទាប់តែម្ដង ។

បើតាមសេចក្តីរាយការណ៍របស់សមត្ថកិច្ចបានឲ្យដឹងថា ករណីអគ្គិភ័យឆាបឆេះនៅស្ថានីយ៍ប្រេង ខាងលើនេះ ដោយប្រើប្រាស់រថយន្តពន្លត់អគ្គីភ័យចំនួន ៤៨គ្រឿង ដោយប្រេីប្រាស់អស់ទឹកចំនួន ១៦៤គ្រឿង ក្នុងនោះរួមមាន៖ រថយន្តកងរាជអាវុធហត្ថរាជធានីភ្នំពេញចំនួន ០៣គ្រឿង, ក្រសួងមហាផ្ទៃ ០៣គ្រឿង, ស្នងកានគបាលរាជធានីភ្នំពេញ ២៥គ្រឿង , ក្រុមពន្លត់អគ្គិភ័យ ៧១១ ង៧០ ចំនួន ០២គ្រឿង, សាលាខណ្ឌពោធិ៍សែនជ័យ ០១គ្រឿង, តម្រួតបទបញ្ជារ ០៤គ្រឿង, ក្រុមហ៊ុន OCIC ទីក្រុងជ្រោយចង្វារ ០៦គ្រឿង, ក្រុមហ៊ុន OCIC ទីក្រុងកោះពេជ្រ ០២គ្រឿង, ក្រុមហ៊ុន OCIC កំបូល ០១គ្រឿង និងអាកាសយានដ្ឋានអន្តរជាតិភ្នំពេញ ចំនួន ០១គ្រឿង។ ចំពោះមូលហេតុបណ្តាលមកពីឆ្លងចរន្តអគ្គីសនីម៉ូទ័របូមប្រេងរបស់រថយន្តដឹកប្រេង ដែលកំពុងផ្ទេរប្រេងចូលក្នុងសុីទែនស្តុក ដោយនៅក្នុងនោះ បានបណ្តាលអោយខូចខាតរថយន្តចំនួន ០៤គ្រឿង ក្នុងនោះរថយន្តដឹកប្រេងចំនួន ០៣គ្រឿង និងរថយន្តតូច ០១គ្រឿង ព្រមទាំងឃ្លាំងដែលមានទំហំប្រហែល 20មx50ម ដែលផ្ទុកសម្ភារៈមួយចំនួន និងមានគ្រឿងសង្ហារឹមធ្វើពីឈើមួយចំនួនធំ ដោយនៅក្នុងគ្រោះអគ្គិភ័យនេះ គឺមិនបង្កអោយមានមនុស្សរងគ្រោះថ្នាក់នោះឡេីយ៕

ខេត្តកំពង់ចាម ៖ តំណាងរាស្ត្រមណ្ឌលកំពង់ចាម លោកបណ្ឌិត ម៉ា ឈឿន សម្រេចជួយកសាងអគារ សិក្សាអំពីថ្មប្រក់ក្បឿង១ខ្នង ស្មើ៤បន្ទប់ ដល់សាលាបឋមសិក្សាប្រខ្នោរ ស្ថិតនៅឃុំស្រម៉រ ស្រុកជើងព្រៃ ខេត្តកំពង់ចាម បន្ទាប់ពីសាលារៀនមួយខ្នងនេះ បាក់រលំរាបដល់ដីដោយសារ ខ្យល់កន្ត្រាក់ កាលពីរាត្រីថ្ងៃទី២ ខែឧសភា កន្លងទៅនេះ។

បន្ទាប់ពីបានទទួលព័ត៌មានអាជ្ញាធរអំពីហេតុការណ៍គ្រោះធម្មជាតិខ្យល់កន្រ្តាក់ ដែលបានវាយ បំផ្លាញ់អគារសិក្សាមួយខ្នងទាំងស្រុង នៅសាលាបឋមសិក្សាប្រខ្នោរ ស្ថិតនៅឃុំស្រម៉រ ស្រុកជើងព្រៃ ខេត្តកំពង់ចាម លោក បណ្ឌិត ម៉ា ឈឿន តំណាងរាស្ត្រមណ្ឌលកំពង់ចាម និងជាប្រធានក្រុមការងារ ថ្នាក់ កណ្តាល គណបក្សប្រជាជនកម្ពុជា ចុះជួយស្រុកជើងព្រៃនៅព្រឹកថ្ងៃទី៣ ឧសភា ឆ្នាំ២០១៩នេះ បាន អញ្ជើញដឹកនាំ ក្រុមការងារ រួមជាមួយអភិបាលស្រុក អាជ្ញាធរដែនដី ចុះពិនិត្យស្ថានភាពអគារ សិក្សាមួយ ខ្នងខាងលើដោយផ្ទាល់ដែលក្នុងឱកាសនោះ លោក បណ្ឌិត ម៉ា ឈឿន បានសំដែងការសោកស្តាយ ចំពោះ ការខូចខាតអគារសិក្សានេះ ដែលបានបង្ករឲ្យប៉ះពាល់ដល់កង្វះខាតការ អគារសិក្សារៀនសូត្ររបស់ក្មួយៗ សិស្សា-នុសិស្ស។

ឋិតក្នុងឱកាសនោះ លោកបណ្ឌិត ម៉ា ឈឿន បានណែនាំដល់គណៈគ្រប់គ្រងសាលាលោកគ្រូ អ្នកគ្រូ និង ក្មួយៗសិស្សានុសិស្ស ត្រូវមានការប្រុងប្រយ័ត្ន បើមានភ្លៀងផ្គរ រន្ទះឬខ្យល់កន្ត្រាកជាយថា ហេតុដូចហេតុ ការណ៍ ខាងលើនេះ ពិសេសក្នុងពេលដែលសិស្សកំពុងសិក្សារៀនសូត្រ ត្រូវនាំសិស្សចាកចេញពីកន្លែង ហានិភ័យ ទៅរកទីកន្លែងដែលមានសុវត្ថិភាព ដើម្បីបង្ការកុំឲ្យកើតមានគ្រោះថ្នាក់ជាយថាហេតុណាមួយ។ ទន្ទឹមនេះ លោកបណ្ឌិត ម៉ា ឈឿន ក៍បានក្រើនរំលឹកដល់អាជ្ញាធរនិងសមត្ថកិច្ចនៅគ្រប់មូលដ្ឋាន ត្រូវតាម ដានបញ្ហាអាកាសធាតុឲ្យបានដិតដល់ ត្រូវប្រញាប់ប្រញាល់រូតរះចុះជួយអន្តរាគមន៍ឲ្យបានទាន់ពេលវេលា នៅពេលដែលមានប្រជាពលរដ្ឋទទួលរងគ្រោះដោយបាតុភូតធម្មជាតិនានា។

បើតាមការឲ្យដឹងពី លោក សៀង ស៊ន នាយកស្តីទីសាលាបឋមសិក្សាប្រខ្នោរ បានឲ្យដឹងថា នៅវេលា ម៉ោង ៧ និង២០នាទី យប់ថ្ងៃទី២ ឧសភា មានបាតុភូតភ្លៀងផ្គរលាយលំនិងខ្យល់កន្ត្រាក់ បានបក់បោក បំផ្លាញ់ខ្ទិចនូវអគារសិក្សាឈើប្រក់ក្បៀង ១ខ្នង ស្មើ៤បន្ទប់ កសាងកាលពីអំឡុងឆ្នាំ១៩៩៧។

លោកនាយកស្តីទីសាលាបឋមសិក្សាប្រខ្នោរ បានឲ្យដឹងថា ពីមុនសាលានេះមានអាគារសិក្សា ២ខ្នង ដែលបានសម្រួលដល់ការរៀនសូត្ររបស់សិស្ស ១ ពេល ក្នុង ១ថ្ងៃ។ ប៉ុន្តែបន្ទាប់ពីអាគារនេះ មានស្ថាន ភាពចាស់ទ្រុឌទ្រោមពេក គណៈគ្រប់គ្រងសាលាបានសម្រេចផ្អាក់មិនឲ្យបង្រៀននៅអាគារនេះ ប្រមាណ ៣ឆ្នាំមកហើយ។ សព្វថ្ងៃនេះ សាលាមានតែអាគារសិក្សា ១ខ្នងស្មើរ ៦បន្ទប់ប៉ុណ្ណោះ មិនសមស្របទៅ និងចំនួនសិស្សដែលមានរហូតទៅដល់ជិត ៣០០នាក់។

លោក សៀង ស៊ន ក្នុងនាមលោកគ្រូ អ្នកគ្រូ និងក្មួយៗសិស្សានុសិស្ស បានថ្លែងអំណរ គុណ លោកបណ្ឌិត ម៉ា ឈឿន តំណាងរាស្ត្រមណ្ឌលកំពង់ចាម ដែលតែងបានផ្សារភ្ជាប់សុខទុក្ខជាមួយរាស្ត្រគ្រប់កាលៈទេសៈ ជាពិសេសក្នុងគ្រាដែលប្រជាពលរដ្ឋជួបបញ្ហា គឺតែងមានមុខជានិច្ចចុះជួបសួរសុខទុក្ខ និងជួយដោះស្រាយ នូវការលំបាករបស់ប្រជាពលរដ្ឋ។

សូមជម្រាបថា បន្ទាប់ពីបានចុះពិនិត្យនូវស្ថានភាពជាក់ស្តែង រួមនឹងជ្រាបពីសម្រូវការចាប់បាច់របស់លោក គ្រូអ្នកគ្រូ និងសិស្សានុសិស្ស នៃសាលាបឋមសិក្សាប្រខ្នោររួចមក អ្នកតំណាងរាស្ត្រ ម៉ា ឈឿន ក៏បាន សម្រេចជួយសាងសង់អគារសិក្សាមួយខ្នង មាន៤បន្ទប់ នៅលើទីតាំងអគារចាស់ដែលបានដូលរំលំ ទាំង ស្រុង ជូនសាលាបឋមសិក្សាប្រខ្នោរ ខាងលើ នេះតែម្តង៕ĵ