​ភ្នំពេញ ៖ ក្រសួងកសិកម្ម បានចេញលិខិតបដិសេធចុះថ្ងៃទី២២ ខែកុម្ភៈ ដោយអះអាងថា ខ្លួនមិនបានចេញគោលការណ៍អនុញ្ញាតឱ្យមានការលក់ដីរដ្ឋ និងពុំមានការពាក់ព័ន្ធដូចសារព័ត៌មានចុះផ្សាយនោះទេ។

សេចក្តីប្រកាសបដោសេធនេះ បានធ្វើឡើងនៅក្រោយពេលដែលមានសារព័ត៌មានមួយចំនួនបានចុះផ្សាយថា “ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុងយកដីរដ្ឋលក់” ដោយថែមទាំងបញ្ជាក់ថា មានជាប់ពាក់ព័ន្ធនឹង រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ទៀតផង។

នៅក្នុងលិខិតបដិសេធ របស់ក្រសួងកសិកម្ម បានចាត់ក្រុមការងារ ចុះធ្វើអធិការកិច្ចលើការងារដឹកនាំ និងគ្រប់គ្រងរបស់មន្ទីរកសិកម្មរាជធានី-ខេត្តជាប្រចាំ ហើយក្រោយពីអធិការកិច្ចនៅមន្ទីរកសិកម្មនាខេត្តកោះកុងរួចមក ក្រសួងបានដាក់ចេញនូវវិធានការ ចំនួន១៧ចំណុច ដើម្បីអនុវត្ត និងកែលម្អ ហើយក្នុងនោះក៏បានណែនាំឱ្យធ្វើការស្រាវជ្រាវដីចំនួន ៣កន្លែង របស់ខណ្ឌរដ្ឋបាលព្រៃឈើ ដើម្បីចាត់វិធានការតាមនីតិវិធីផងដែរ៕

ភ្នំពេញ ៖ នៅព្រឹកថ្ងៃទី២៥ ខែកុម្ភៈ ឆ្នាំ២០១៩ កម្មការនីរោងចក្រកាត់ដេរយីហោ អូលីវ ដែលមានទីតាំងស្ថិតនៅតាមបណ្តោយផ្លូវជាតិលេខ៣ ភូមិព្រៃស្ពឺ សង្កាត់ចោមចៅ២ ខណ្ឌពោធិសែនជ័យ។

ដែលមានកម្មការនីរោងចក្រខាងលើបានដួលសន្លប់ជាបន្តបន្ទាប់ហើយត្រូវបានរថយន្តសាមុយរបស់មន្ទីរពេទ្យមូលមិត្តបានចេញរថយន្តជាច្រើនគ្រឿងបានដឹកកម្មការិនីដែលដួលសន្លប់ជាច្រើននាក់មកសំរាកព្យាបាលនៅមន្ទីរពេទ្យមូលមិត្ត។ចំណែកកម្មករកម្ម ការិនី ដែល នៅ សេសសល់ត្រូវបានខាងរដ្ឋបាលរោងចក្រសំរេចឱ្យត្រលប់ទៅផ្ទះហើយបិទទ្វាររោងចក្រជាបណ្តោះអាសន្ន។

ប្រភពព៍ត័មានពីសមត្ថកិច្ចបានបង្ហើបឱ្យដឹងថា រោងចក្រអូលីវខាងលើនេះមានការដួលសន្លប់កម្មការនីរយះពេល៣ថ្ងៃជាប់ៗគ្នាតាំពីថ្ងៃទី២៣ ខែកុម្ភៈ ឆ្នាំ២០១៩ ដែលកម្មករកាត់ដេរជា១០០នាក់ បានដួលសន្លប់ជាបន្តបន្ទាប់មូលហេតុធំក្លិនថ្នាំលាបពណ៍ហើយនៅព្រឹកថ្ងៃទី២៥ខែកុម្ភះនេះខាងរដ្ឋបាលរោងចក្របានដើរស្រងឈ្មោះអ្នកដែលដួលសន្លប់កាលពីថ្ងៃសៅរ៍ និងថ្ងៃអាទិត្យ ជាប់ៗគ្នានេះ ដើម្បីចែកទឹកដោះគោប៉ូវជូនពួកគាត់ស្រាប់តែកម្មការនីមួយចំនួនបានដួលសន្លប់បន្តបន្ទាប់ដោយពុំទាន់ដឹងពីមូលហេតុ។

ក្រោយពេលមានការដួលសន្លប់កម្មករកាត់ដេរជាច្រើននាក់រយះពេល៣ថ្ងៃជាប់ៗគ្នានេះក្រសួងការងារបានបង្កើតគណះកម្មាការចំរុះចុះស្រាវជ្រាវនិងត្រួតពិនិត្យឱ្យដឹងមូលហេតុអ្វីពិតប្រាកដ៕ ដោយ ៖ ស.ស.

ព្រះវិហារ ៖ លោក អ៊ុន ចាន់ដា អភិបាលខេត្តព្រះវិហារ រួមជាមួយថ្នាក់ដឹកនាំមន្រ្តីរាជការ អាជ្ញាធរមូលដ្ឋាន នៅរសៀលថ្ងៃទី២៣ ខែកុម្ភៈ ឆ្នាំ២០១៩ បានអញ្ជើញចុះពិនិត្យការជីកស្រះទឹកមួយកន្លែង ស្ថិតក្នងភូមិសម្បូឃុំសង្កែ ពីរស្រុកឆែប ខេត្តព្រះវិហារ ខណៈតំបន់មួយចំនួននៅក្នុងខេត្ត កំពុងប្រឈមនឹងកង្វះទឹកស្អាតប្រើប្រាស់ និងស្រោចស្រពផលដំណាំ។

លោក អ៊ុន ចាន់ ដា បានបញ្ជាក់អោយដឹងដែរថា បើទោះបីនៅតំបន់មួយចំនួននៅក្នុងតំបន់ភូមិសាស្រ្តខេត្តព្រះវិហារ មិនប្រឈមនិងបញ្ហាខ្វះទឹកក៏ដោយ ក្នុងនាមអាជ្ញាធរ យើងត្រូវត្រៀមលក្ខណៈអោយហើយមុនដូចជាការជីកស្រះទឹក និងរថយន្តដឹកទឹកចល័តជាដើម ។

គូរបញ្ជាក់ផងដែរថា នៅរដូវប្រាំឆ្នាំ២០១៩ នេះ កម្ពុជានឹងជួបគ្រោះហួតហែងយ៉ាងខ្លាំង ជាពិសេសក្នុងអំឡុងខែមេសា និងខែឩសភា កម្តៅនៃអាកាសធាតុនឹងហក់ឡើងដល់ ៤០ ទៅ៤២អង្សា ដោយសារតែការរងប្រយោលនៃឥទ្ធិពលបាតុភូត អែលនីណូ (ElNino) ។ រាជរដ្ឋាភិបាលអំពាវនាវដល់អាជ្ញាធរ និងប្រជាពលរដ្ឋត្រូវមានវិធានការថែរក្សាទឹកទុកសម្រាប់ប្រើប្រាស់ ។ ជាមួយគ្នានេះលោកអភិបាលខេត្តព្រះវិហារ បានណែនាំអោយប្រធានក្រុមការងារខេត្ត ចុះមូលដ្ឋានស្រុកក្រុងនាៗរួមជាមួយមន្រ្តីចុះពិនិត្យមើលនៅតាមភូមិឃុំ ស្រុក របស់ខ្លួនគ្រប់គ្រង និងត្រៀមលក្ខណៈរកប្រភពទឹក ជូនប្រជាពលរដ្ឋមុនពេលពួកគាត់មិនទាន់មានការខ្វះខាតទឹក ។ លោក សំលាង ទ្រី បានបញ្ជាក់ថាៈ ប្រជាពលរដ្ឋដែលទទួលផលប្រយោជន៏ពីរស្រះទឹកខាងលើនេះ រួមមានៈ ចំនួនប្រជាពលរដ្ឋក្នុងឃុំសង្កែពីរ សរុប ៣៨២គ្រួសារ (១៧.១៧)នាក់ស្រីចំនួន៨៦០នាក់ ក្នុងនោះភូមិសំបូរ មានចំនួន១២៨គ្រួសារ (៥៩៤នាក់ ស្រី៣១៧នាន) ភូមិជោកជ័យ មានចំនួន១៥៨គ្រួសារ(៦៦៧នាក់ស្រីចំនួន៣២៨) សរុប២៨៦គ្រួសារ (១២៦១នាក់ស្រី៦៤៥នាក់)។

តាមរយៈសារចរាចរសម្តេច តេជោ ហ៊ុន សែន នាយករដ្ឋមន្រ្តី នៃកម្ពុជាបានដាក់ចេញនូវវិធានការសំខាន់ចំនួន៣ ដើម្បីទប់ទុលជាមួយបញ្ហានេះ ត្រូវមានវិធានការ៣រួមគ្នាមួយកាងារបង្កបង្កីតផលស្រូវរដូវប្រាំងក្នុងឆ្នាំ ២០១៩ គឺអោយធ្វើតែមួយដងបណ្តុះដោយមិនអាចធ្វើពីដងបានទេ គួបញ្ជាក់ផងដែលថា ប្រពលរដ្ឋក្នុងខេត្តព្រះវិហារបានកោតសសើរចំពោះលោក អ៊ុន ចាន់ដា អភិបាលខេត្ត និងលោក សំលាង ទ្រី ប្រធានមន្ទីសាធារណៈការ និងដឹកជញ្ជូន ក្រោយពេលលោកឡើងកាន់តំណែង គឺលោកចុះជាប់ជានិច្ច ជាមួយប្រជាពលរដ្ឋជួបការលំបាក៕ ស.ស.

​ព្រះសីហនុ ៖ គ្រោះថ្នាក់ចរាចរណ៍ទៀតហើយ រថយន្ត៤គ្រឿងបុកប៉ះបន្តគ្នានៅផ្លូវជាតិលេខ៤ នៅវេលាម៉ោងជិត ៨ ព្រឹកថ្ងៃទី២៤ ខែកុម្ភៈ ឆ្នាំ២០១៩ ស្ថិតនៅក្នុងស្រុកកំពង់សីលា មានករណី ត្រង់ចំណុចហួសស្ពានចុះពីពេជ្រនិល ព្រំប្រទល់ខេត្តកំពង់ស្ពឺ និងខេត្តព្រះសីហនុ។

សេចក្តីរាយការណ៍បឋមពីកងរាជអាវុធហត្ថស្រុកកំពង់សិលា បានឲ្យដឹងថា នៅកន្លែងកើតហេតុការណ៍ មិនមានមនុស្សរងគ្រោះថ្នាក់ដល់អាយុជីវិតទេ មានតែអ្នករងរបួសធ្ងន់ និងស្រាលប្រមាណ១០នាក់ ព្រមទាំងរថយន្តរងការខូចខាត៕

ក្រុងព្រះសីហនុ ៖ ត្រីបាឡែនស្លូត ឈ្មោះ បាណន់គីង្គក់ ឬឆ្លាមប៉ារ៉ា ចំនួន២ក្បាល ថ្មីទៀត ត្រូវបានអ្នកទេសចរប្រទះឃើញ នៅថ្ងៃទី២៣ ខែកុម្ភៈ ឆ្នាំ២០១៩ និងថតបានខណៈដែលវាកំពុងហែលបង្ហាញខ្លួននៅសមុទ្រតំបន់ កោះរ៉ុងសន្លឹម។ កាលពីខែមុន ត្រីបាឡែនស្លូត នេះ ត្រូវបានអ្នកទេសចរប្រទះឃើញចំនួន១ក្បាល ហើយបើគិតទាំង២ក្បាល ដែលបានបង្ហាញខ្លួនថ្មីនេះ សរុបទៅនៅសមុទ្រតំបន់កោះរ៉ុង មានត្រីបាឡែនស្លូត ចំនួន ៣ក្បាលហើយ។

ប្រជាពលរដ្ឋខ្មែរយើង ដែលជាអ្នកទេសចរ បានជិះទូក ពីឆ្នេរសមុទ្រ ទៅកាន់កោះរ៉ុងសន្លឹម ហើយក៏បានប្រទះឃើញវត្តមានត្រីប៉ាឡែនទាំង ៣ ក្បាលនោះ ហើយក៏បានថតជាខ្លីបវិដេអូ បង្ហោះចែកចាយពេញហ្វេសប៊ុក នៅថ្ងៃសៅរ៍ ចុងសប្តាហ៍នេះ។
លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានប្រាប់ថា ត្រីបាឡែនប្រភេនេះ គេហៅថា បាណន់គង្គក់ ដែលជាឈ្មោះពីដូនតា ឬ ឆ្លាមប៉ារ៉ា ជាឈ្មោះហៅក្រៅ និងមានឈ្មោះជាភាសាអង់គ្លេស Whale Shark នៅក្នុងអំបូរ Rhincodontidae។ ត្រីប្រភេទនេះ ពីមុន យើងឃើញមានតែមួយក្បាល តែឥឡូវឡើងដល់ ៣ក្បាល គឺត្រីធំមួយក្បាល និងត្រីតូច ២ក្បាល នៅសមុទ្រកោះរ៉ុងសន្លឹម។

មន្ត្រីជលផល ខេត្តព្រះសីហនុ បានអំពាវនាវដល់ពលរដ្ឋ ឬអ្នកទេសចរ កុំអោយរំខានដំណើររបស់ត្រីអំបូរស្លូតនេះ ដូចជា ចាប់ជិះលេង ឬធ្វើសកម្មភាពណាមួយ ដែលនាំអោយត្រីផ្អើល ភ័យ ពិសេសគឺហាមដាច់ខាតការនេសាទ ឬសម្លាប់ត្រីបាឡែនស្លូត ទាំងនេះ៕

ភ្នំពេញ ៖ មជ្ឈមណ្ឌលកម្សន្ត Rock ដ៏ល្បីល្បាញនៅភ្នំពេញ ត្រូវបានអាជ្ញាធរប្រកាសបិទអាជីវកម្មជាបណ្តោះអាសន្ន បន្ទាប់ពីកម្លាំងសមត្ថកិច្ចឆ្មក់ចូលបង្ក្រាបដោយរកឃើញមានសកម្មភាជួញដូរ និងប្រើប្រាស់គ្រឿញៀន និងបានឃាត់ខ្លួនមនុស្សប្រុស ស្រីជាង៣០០នាក់ រួមនិងថ្នាំញៀនប្រមាណ ៥០ គ.ក្រ. ផងដែរ។

សូមរំលឹកថា នៅអំឡុងវេលាម៉ោង ១រំលងអាធ្រាត្រ ឈានចូលថ្ងៃទី២៣ ខែកុម្ភៈ ឆ្នាំ២០១៩ លោក ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានដឹកនាំកម្លាំងដោយផ្ទាល់ ឆ្មក់ចូលឆែកឆេរទីតាំងក្នុងក្លឹបកំសាន្ត Rock នៅជាប់ផ្លូវព្រះមុន្នីវង្ស ក្នុងសង្កាត់ទន្លេបាសាក់ ខណ្ឌចំការមន ពាក់ព័ន្ធទៅនឹងបទល្មើសជួញដូរ និងប្រើប្រាស់គ្រឿងញៀន ទ្រង់ទ្រាយធំ ឃាត់ខ្លួនជនសង្ស័យចំនួន៣១១នាក់ (ស្រី៥៦នាក់) ថ្នាំញៀនទាំងម្សៅ គ្រាប់ ទឹក សរុបជាង ៤០គីឡូក្រាម ជញ្ជីងថ្លឹងថ្នាំញៀន ១២ កាំភ្លើងខ្លី១ដើម ។

ក្នុងរង្វង់ប្រតិបត្តិការណ៍របស់កម្លាំងស្នងការនគរបាលរាជធានីភ្នំពេញខាងលើនេះ អ្នកសារព័ត៌មានជាច្រើននាក់ មិនអាចចូលទៅក្នុងទីតាំង និងផ្ដិតយករូបភាពមនុស្សដែលត្រូវឃាត់ខ្លួន ក៏ដូចជាវត្ថុតាងបាននោះទេ ប៉ុន្តែ គេសង្កេតឃើញមានរថយន្តម៉ាកហ៊ីយ៉ាន់ដាយ ចំណុះ៥តោន ចំនួន២គ្រឿង បានចូលទៅក្នុងបរិវេណក្លឹបកំសាន្ត Rock ដើម្បីដឹកយកមនុស្សប្រុស ស្រី ជាង៣០០នាក់ ដែលបានឃាត់ខ្លួន នាំយកទៅស្នងការដ្ឋានរាជធានីភ្នំពេញ។

សមត្ថកិច្ច បានបញ្ជាក់ថា ក្រុមមនុស្សចំនួនជាង ៣០០នាក់ដែលត្រូវបានឃាត់ខ្លួននោះ បានរកឃើញថា ភាគច្រើនមានជាប់សារធាតុញៀនក្នុងខ្លួន បន្ទាប់ពីធ្វើការវិភាគលើទឹកនោម។

រហូតមកដល់ល្ងាចថ្ងៃទី២៣ ខែកុម្ភៈ ឆ្នាំ២០១៩ នេះ សាលារាជធានីភ្នំពេញ ចេញសេចក្តីប្រកាស ពត៌មាន មជ្ឈមណ្ឌលកម្សាន្តរ៉ុក ត្រូវបានបិទផ្អាកអាជីវកម្ម ដើម្បីផ្តល់លទ្ធភាព ឲ្យអាជ្ញាធរមានសមត្ថកិច្ច និងតុលាកាបន្តនីតិវិធីពេញលេញក្នុងការស្រាវជ្រាវ និងបំពេញសំណុំឯកសារតាមផ្លូវច្បាប់៕

ខេត្តកំពង់ឆ្នាំង ៖ ខ្លោងទ្វារកាត់ទទឹងផ្លូវដែលជានិមិត្តសញ្ញា ឆ្នាំង សម្រាប់ត្រៀមរៀបចំបុណ្យទន្លេ ក្នុងពេលដ៍ខ្លីខាងមុខនេះ បានបាក់ធ្លាក់មកក្រោមបណ្តាលអោយរងរបួសក្រុមជាងចំនួន ៣នាក់ ដែលកំពុងរៀបចំតម្លើងភ្លើងលំអ។
ហេតុការណ៍នេះ បានកើតឡើងនៅវេលាម៉ោង ៧និង៣០នាទីព្រឹក ថ្ងៃទី ២៣ ខែកុម្ភៈ ឆ្នាំ ២០១៩ ចំណុចជិតមន្ទីរពេទ្យបង្អែក ខេត្តកំពង់ឆ្នាំង ។

តាមប្រភពពីសមត្ថកិច្ចនគរបាល បានអោយដឹងថា មូលហេតុដែលបណ្តាលអោយបាក់ខ្លោងទ្វារ ខាងលើ គឺដោយសារតែក្រុមជាងឡើងលើក្លោងទ្វានោះច្រើននាក់ពេក ។ ចំណែក ក្រុមជាងដែល រងរបួសទាំង ៣នាក់ មានទី១ឈ្មោះ ឡាយ ថាន់ មានទីលំនៅរាជធានីភ្នំពេញ ២ ឈ្មោះ ឆាយ ធួន មានទីលំនៅខេត្តកំពង់ធំ និង ៣ ឈ្មោះ ជឿន ជីម នៅខេត្តកំពង់ស្ពឺ។ក្នុងហេតុការខាងលើ បណ្តាលអោយស្ទះចរាចរណ៍មួយរយៈខ្លីផងដែរ ។

ជុំវិញករណីបាក់ខ្លោងទ្វារខាងលើនេះ ត្រូវបានប្រជាពលរដ្ឋលើកឡើងថា៖ ជាលក្ខណៈខុសបច្ចេកទេស ដោយក្រុមជាងមានចំនួនច្រើននាក់ បានឡើងលើខ្លោងទ្វារខាងលើ គួបផ្សំនឹងដែក យកមកតម្លើងស្តើងផង ធ្វើអោយជើងទម្រទ្រមិនបាន ក៍បាក់តែម្តង ។ នេះសំណាងហើយ ដែលមិនមានរថយន្ត ឬអ្នកដំណើរផ្សេងទៀតបើកបរពីក្រោម បើមានវិញនោះប្រាកដជាគ្រោះថ្នាក់ធំជាមិនខាន ៕  video_2019-02-23_17-30-00

ភ្នំពេញ ៖ ជនសង្ស័យម្នាក់ត្រូបានកម្លាំងព្រហ្មទណ្ឌខណ្ឌដង្កោធ្វើការឃាត់ខ្លួនពាក់ព័ន្ធករណីវ៉ៃប្លន់ ម៉ូតូ ហើយរត់គេខ្លួនអស់រយៈពេល៥ថ្ងៃ ទើបសមត្ថកិច្ចឃាត់បាន កាលពីរវេលាម៉ោង៧ និង ៣០នាទីព្រឹក ថ្ងៃទី២៣ ខែកុម្ភៈ ឆ្នាំ២០១៩ ស្ថិតនៅភូមិក្រាំងស្វាយ សង្កាត់ក្រាំងពង្រ។

ជនសង្ស័យឈ្មោះ ចែម ពិសិដ្ឋ ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះគ្មានលេខ ផ្លូវបេតុង ភូមិក្រាំងស្វាយ សង្កាត់ក្រាំងពង្រ ខណ្ឌដង្កោ

ចំណែកជនរងគ្រោះឈ្មោះ ម៉ម ចាន់ស៊ីដេត ភេទប្រុស អាយុ២៦ឆ្នាំ មុខរបរកម្មកររោងចក្រ ទីលំនៅភូមិក្រាំងស្វាយ សង្កាត់ក្រាំងពង្រ ខណ្ឌដង្កោ

បើសម្ដីរបស់ជនរងគ្រោះបានបានប្រាបលអោយដឹងថា កាលពីថ្ងែទី១៨ ខែកុម្ភៈ ឆ្នាំ២០១៩ វេលាម៉ោង០៦ និង០០នាទី បានជិះ ម៉ាកហុងដាសេ១២៥ ពណ៌ខ្មៅ សេរីឆ្នាំ២០១៩ ពាក់ស្លាកលេខភ្នំពេញ 1HJ-4904 ម្នាក់ឯងចេញពីធ្វើការរោងចក្រអាខាសេត ដែលស្ថិតនៅភូមិទឹកថ្លា សង្កាត់ក្រាំងពង្រ ខណ្ឌដង្កោ ទៅលេងផ្ទះអ្នកជិតខាង ជាមួយគ្នា ដែលមានចំម្ងាយពីផ្ទះរបស់ជនរងគ្រោះ ប្រហែល៨០០ម៉ែត្រ ។

ជនរងគ្រោះបន្តថា៖ រហូតដល់ម៉ោង៩និង០០នាទីយប់ ថ្ងៃខែឆ្នាំដដែល ជនរងគ្រោះក៏បានជិះម៉ូតូម៉ាកខាងលើបំរុងទៅផ្ទះវិញ តែក៏បានជួប និង ជនសង្ស័យ ឈរស្ទាក់ពីមុខម៉ូតូរបស់ជនរងគ្រោះ ហើយបង្ខំអោយជនរងគ្រោះដឹកជូនទៅផ្ទះរបស់គេ តែជនរងគ្រោះប្រកែកមិនព្រមដឹកជនសង្ស័យទៅទេ រួចជនសង្ស័យក៏បានឆក់យកកូនសោរម៉ូតូ ហើយច្រានជនរងគ្រោះចេញពីម៉ូតូ ។

ឃើញដូចនេះជនរងគ្រោះក៏បានស្ទុះឡើងជិះពីក្រោយជនសង្ស័យ ហើយជនសង្ស័យក៏បាន និយាយគំរាមជនរងគ្រោះថា អាឯងកុំមកតាមអញ់ ប្រយ័ត្នអញ់វ៉ៃ ។ ពេលជិះម៉ូតូតាមផ្លូវបេតុង បានចំងាយប្រហែល១៥០ម៉ែត្រ ជនរងគ្រោះក៏បានលោតចុះពីលើម៉ូតូ ស្រែកអោយអ្នកជិតខាងជួយ តែត្រូវបានជនសង្ស័យជិះម៉ូតូដេញតាមពីក្រោយ ហើយយកដំបងឬស្សីប្រហែល១០០សងទីម៉ែត្រ ចំនួន០២កំណាត់ វ៉ៃទៅលើជនរងគ្រោះ តែវ៉ៃមិនត្រូវ ដោយសារជនរងគ្រោះ រត់ចូលទៅពួនក្នុងស្ទឹងព្រែកត្នោត រួចជនសង្ស័យក៏បានជិះម៉ូតូគេចខ្លួនបាត់ ។

បន្ទាប់មកជនរងគ្រោះក៏បានមករាយការណ៏ និង ដាក់ពាក្យបណ្តឹងចំឈ្មោះជនសង្ស័យ ដោយសារជនរងគ្រោះស្គាល់ជនសង្ស័យ ជាអ្នករស់នៅក្នុងភូមិជាមួយគ្នា ដើម្បីអោយសមត្ថកិច្ចជួយស្រាវជ្រាវឃាត់ខ្លួនជនសង្ស័យយកមកសាកសួរតាមនីតិវិធីច្បាប់ ។

លុះដល់ថ្ងៃទី២៣ ខែកុម្ភៈ ឆ្នាំ២០១៩ វេលាម៉ោង០៧ និង ៣០នាទី ជនសង្ស័យក៏បានចូលមកពួនសង្ងំនៅក្នុងផ្ទះរបស់ជនសង្ស័យ ស្ថិតនៅភូមិក្រាំងស្វាយ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ហើយសមត្ថកិច្ចយើងក៏បានធ្វើការឃាត់ខ្លួនជនសង្ស័យយកមកសាកសួរនៅអិការដ្ឋាននគរបាលខណ្ឌដង្កោ។

វត្ថុតាងចាប់យក៖ ដំបងឬស្សីប្រហែល១០០សង់ទីម៉ែត្រចំនួន០២កំណាត់ ។

បច្ចុប្បន្នជនសង្ស័យខាងលើត្រូវបានឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌដង្កោដើម្បីកសាងសុំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី៕

ខេត្តបាត់ដំបង ៖ ដើម្បីអបអរសាទរទិវាជាតិសុខភាពមាតា ទារក និងកុមារ ថ្ងៃទី២១ ខែកុម្ភៈ ឆ្នាំ ២០១៩ ក្នុងនាម សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការ សកម្មភាពរួម ដើម្បីសុខភាពស្រ្តី និងកុមារ នៅព្រឹកថ្ងៃទី២៣ ខែ កុម្ភៈ ឆ្នាំ២០១៩ នេះ ក្រុមការងារសាខាកាកបាទ ក្រហមកម្ពុជា ខេត្តបាត់ដំបង បាននាំយកអំណោយទៅប្រគល់ដល់ស្រ្តីចំនួន៣នាក់ ដែលមានកូនតូចៗរស់នៅជា មួយក្នុងពន្ធនាគារខេត្តបាត់ដំបង។

ពិធីនេះ ដឹកនាំដោយ លោកជំទាវ ព្រំ វណ្ណា សមាជិកគណៈកម្មាធិការសាខា និងសហការី និងមានការចូលរួមពី ឧត្តមអគ្គានុរក្សថ្នាក់លេខ ២ លោក សំអុល ធារិទ្ធ ប្រធានពន្ធនាគារខេត្តបាត់ដំបងផងដែរ។

ថ្លែងក្នុងឱកាសនោះលោកជំទាវ ព្រំ វណ្ណា ក្នុងនាមលោក បណ្ឌិត ប៊ុត គឹមស៊ាន ប្រធានគណៈកម្មាធិការសាខាកាកបាទក្រហមខេត្តបាត់ដំបង បាននាំយកនូវប្រសាសន៍ផ្តាំផ្ញើសួរសុខទុក្ខ និងក្តីនឹករលឹកពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្តេចតែងតែគិតគូរពីសុខទុក្ខរបស់បងប្អូនប្រជាពលរដ្ឋងាយរងគ្រោះ និងរងគ្រោះដោយសារគ្រោះមហន្តរាយផ្សេងៗ ពិសេសស្រ្តី និងកុមារ ដោយមិនប្រកាន់វណ្ណៈ ពូជសាសន៍ ពណ៌សម្បុរ ឬនិន្នាការនយោបាយអ្វីឡើយ ជាពិសេសស្រ្តីមានផ្ទៃពោះ។

ក្នុងឱកាសនោះដែរ លោកជំទាវ បានពាំនាំនូវអនុសាសន៌សំខាន់ៗ របស់សម្តេចកិត្តិព្រឹទ្ធបណ្ឌិតប្រធាននិងជូនលិខិតអបអរសាទរជូនដល់បងប្អូនស្រ្តីទាំងអស់ ក្នុងឱកាសទិវាជាតិសុខភាពមាតា ទារក និងកុមារ ផងដែរ។

អំណោយមនុស្សធម៌ដែលបានផ្តល់ជូននាពេលនោះក្នុងម្នាក់ៗទទួលបាន ៖ មី ១កេស ទឹកបរិសុទ្ធ វីឃែ ១យូ(៦ដប) ត្រីខ ១០កំប៉ុង ក្រមា១ សារុង១មុង១ភួយ អាវ១ និងថវិកាមួយចំនួនផងដែរ ៕ ដោយ ៖ សុផល

ភ្នំពេញ ៖ នៅអំឡុងវេលាម៉ោង១រំលងអាធ្រាត្រ ឈានចូលថ្ងៃទី២៣ ខែកុម្ភៈ ឆ្នាំ២០១៩ ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានដឹកនាំកម្លាំងដោយផ្ទាល់ជាច្រើននាក់ ឆ្មក់ចូលឆែកឆេរទីតាំងក្នុងក្លឹបកំសាន្តRock នៅជាប់ផ្លូវព្រះមុន្នីវង្ស ក្នុងសង្កាត់ទន្លេបាសាក់ ខណ្ឌចំការមន ដោយឃាត់ខ្លួនមនុស្សជាង៣០០នាក់ និងដកហូតថ្នាំញៀនជាច្រើនប្រភេទមួយចំនួនធំ ។

ក្នុងរង្វង់ប្រតិបត្តិការណ៍ដ៏ធំរបស់កម្លាំងស្នងការនគរបាលរាជធានីភ្នំពេញខាងលើនេះ ក្រុមអ្នកសារព័ត៌មានជាច្រើននាក់មិនអាចចូលទៅក្នុងទីតាំង និងផ្ដិតយករូបភាពមនុស្សដែលត្រូវឃាត់ខ្លួន ក៏ដូចជាវត្ថុតាង ជាប្រភេទថ្នាំញៀន បាននោះទេ ។
តែទោះជាយ៉ាងណា គេសង្កេតឃើញមានរថយន្តហ៊ីយ៉ាន់ដាយ ប្រភេទ៥តោនចំនួន២គ្រឿង បានចូលទៅក្នុងបរិវេណក្លឹបកំសាន្ត Rock ហើយមានកម្លាំងសមត្ថកិច្ចចាប់មនុស្សបញ្ចូនក្នុងរថយន្តនោះជាច្រើនរយនាក់ដឹកបញ្ជូនចេញ លម្អិតដល់អ្នកកាសែតនោះឡើយ៕

ព្រះវិហារ ៖ ដើម្បីថែរក្សា និងអភិរក្សវិស័យព្រៃឈើ ឲ្យនៅគង់វង្ស លោក អ៊ុន ចាន់ដា អភិបាលខេត្ត បានលើកឡើងថា ការពារឈើនៅឈរប្រសើរជាងបង្ក្រាប ឈើតាមដងផ្លូវ អញ្ចឹងហើយ យើងត្រូវ សហការគ្នាការពារកុំឲ្យដើមឈើដួលរលំ ជាពិសេសមន្រ្តី អភិរក្សតែម្ដង។

លោក អ៊ុន ចាន់ដា បានលើកឡើងបែបនេះ ក្នុងឱកាសលោកអញ្ជើញជាអធិប្បតី ក្នុងពិធីបើកសិក្ខា សាលាពិគ្រោះយោបល់អំពីអ្នកពាក់ព័ន្ធថ្នាក់ក្រោមជាតិ របស់គំរោងចីរភាពបៃតងព្រៃឡង់ នាព្រឹក ថ្ងៃទី២២ ខែកុម្ភៈ ឆ្នាំ២០១៩នេះ។ ពិធីនេះ រៀបចំធ្វើឡើងដោយគម្រោង USAID ចីរភាពបៃតង ព្រៃឡង់ឍ និងមានការចូលរួមប្រធាន អនុប្រធានសហគមន៍ព្រៃឈើ មន្រ្តីអភិរក្ស ប្រជាសហគមន៍ ជាច្រើននាក់ផងដែរ។

បើយោងតាមរបាយការណ៍របស់មន្ទីរបរិស្ឋានខេត្ត បានបង្ហាញថា តំបន់ការពារ និងគ្រប់គ្រង ធម្ម ជាតិ ក្នុងភូមិសាស្ត្រខេត្តព្រះវិហារ មានចំនួន ៩កន្លែង ស្មើនឹងផ្ទៃដីសរុប ៧៧៤.៥៦៦.៨២ ហិកតា ។ តាមរយៈសិក្ខាសាលាពិគ្រោះយោបល់នៅថ្ងៃនេះ នឹងអាចប្រមូលធាតុចូល បន្ថែមទៀត សម្រាប់ ពិនិត្យលើបញ្ហាប្រឈមនៃការអភិរក្សធនធានធម្មជាតិ នៅក្នុងភូមិសាស្ត្រខេត្តព្រះ វិហារ កំណត់ នូវ យុទ្ធសាស្ត្រដោះស្រាយរួម សម្រាប់ការអនុវត្តន៍ការងារបន្តរបស់មន្ត្រីឧទ្យានុរក្ស និងអ្នកពាក់ព័ន្ធ នាពេលអនាគត ដើម្បីពន្លឿនការរៀបចំ និងបង្កើតសហគមន៍តំបន់ការពារធម្មជាតិ អោយស្រប តាមឯកសារនីតិវិធី រៀបចំផែនការប្រើប្រាស់ដីធ្លី តាមរយៈការកំណត់តំបន់គ្រប់គ្រងស្របតាមច្បាប់ ស្តីពីតំបន់ការពារធម្មជាតិ និងរៀបចំផែនការគ្រប់គ្រង និងផែនការសកម្មភាពនា ពេលអនាគតផង ដែរ។គោលបំណងក្នុងសិក្ខាសាលានេះគឺដើម្បីប្រមូលផ្តុំក្រុមអ្នកពាក់ព័ន្ធដែលមានការប្តេជ្ញាចិត្តក្នុងការគ្រប់គ្រងប្រកបដោយនិរន្តភាពរយៈពេលយូរអង្វែងនៃដែនជម្រកសត្វព្រៃឡង់ និងសហគមន៍ នៅជុំវិញ ហើយសិក្ខាសាលានេះផ្តោតទៅលើប្រធានបទ កំណត់រចនាសម្ព័ន្ធ រឺយន្តការ សម្រាប់ការ ចូលរួម ពីភាគីពាក់ព័ន្ធជាមួយគម្រោងចីរភាពបៃតងព្រៃឡង់ និងភាគីពាក់ព័ន្ធទាំងអស់ ពិភាក្សាអំពី ឧបសគ្គនិងវិធីសាស្រ្តនានាទាក់ទងនិងប្រធានបទសំខាន់ទាំងបី រួមមាន អភិបាលកិច្ច ជីវចម្រុះ ការ អភិរក្សប្រព័ន្ធ អេកូឡូស៊ី និងការបង្កើតជីវភាពសហគមន៍មូលដ្ឋាន នៃគម្រោងចីរភាព បៃតងព្រៃ ឡង់ និងតំបន់សហគមន៍ផងដែរ៕

ព្រះវិហារ ៖ លោក នាយឧត្តមសេនីយ៍ គីម ប៊ុនថាន អគ្គមេបញ្ជាការរង នៃកងយុទ្ធពលខេមរៈភូមិន្ទ នាយរងខុទ្ទកាល័យសម្ដេចអគ្គមហាសេនាបតីតេជោ ហ៊ុន សែន បានអញ្ជើញជាអធិបតីក្នុងពិធីសែនក្រុងពាលីបួងសួងសុំសេចក្តីសុខ ពីទសបារមីវត្ថុស័កសិទ្ធ ដែលស្ថិតនៅលើកំពូលភ្នំបង្គោលប្រាំបី តាមជួយបីបាច់ថែរក្សាដល់កងកម្លាំងទាំងអស់ដែលកំពុងឈរជើងការពារទឹកដី នៅតាមបន្ទាត់ព្រំដែន។

ពិធីនេះបានប្រារព្ធធ្វើឡើងនៅរសៀលថ្ងៃទី២២ ខែកុម្ភៈ ឆ្នាំ២០១៩ លើកំពូលភ្នំបង្គោលប្រាំបី ស្ថិតក្នុងភូមិបង្គោលប្រាំបី ឃុំកន្ទួត ស្រុកជាំក្សាន្ត ខេត្តព្រះវិហារ។

ពិធីនេះក៏មានការចូលរួមពីសំណាក់ លោក អ៊ុន ចាន់ដា អភិបាល នៃគណៈអភិបាលខេត្តព្រះវិហារ អមដំណើរដោយឯកឧត្តម ឧត្តមសេនីយ៍ឯក ស្រី ឌឹក មេបញ្ជាការរង កងទ័ពជើងគោក មេបញ្ជាការកងពលធំអន្តរាគមន៍លេខ៣ ឯកឧត្តម ឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្ត លោកឧត្តមសេនីយ៍ទោ ច័ន្ទ សុភក្រ្តា មេបញ្ជាការតំបន់ប្រតិបត្តិការសឹករងខេត្តព្រះវិហារ ព្រមទាំងឯកឧត្តមមេបញ្ជាការ មេបញ្ជាការង កងពលតូចអន្តរាគមន៍លេខ៧ លេខ៩ និងនាយសេនាធិការ នាយសេនាធិការរងកងពលធំអន្តរាគមន៍លេខ៣។

ក្រោមការទទួលស្វាគមន៍ពីសំណាក់ឯកឧត្តម ឧត្តមសេនីយ៍ទោ លី ស៊ុន មេបញ្ជាការកងពលតូចអន្តរាគមន៍លេខ៨ ព្រមទាំងឯកឧត្តមមេបញ្ជាការ មេបញ្ជាការង នាយទាហាន នាយទាហានរង និងពលទាហានវរៈសេនាតូចអន្តរាគមន៍៣៨៤ផងដែរ៕