ភ្នំពេញ ៖ លោកនាយឧត្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ បានថ្លែងថា លំហាត់ហ្វឹកហ្វឺន នាគមាស ឆ្នាំ២០១៩ ដែលមានការចូលរួមពីកងយោធលខេមរភូមិន្ទ និងកងទ័ពរំដោះប្រជាជនចិន នឹងប្រព្រឹត្តទៅក្នុងរយៈពេល ២៨ថ្ងៃ គឺចាប់ពីថ្ងៃទី២៨ ខែកុម្ភៈ ដល់ថ្ងៃទី២៧ ខែមីនា ឆ្នាំ២០១៩ នៅទីលានបាញ់គ្រាប់ពិត សាលាហ្វឹកហ្វឺនតេជោសែនជុំគិរី ស្ថិតនៅភូមិត្រពាំងវែង ឃុំត្រពាំងរាំង ស្រុកជុំគិរី ខេត្តកំពត។

អ្នកនាំពាក្យក្រសួងការពារជាតិ នាយឧត្តមសេនីយ៍ ឈុំ សុជាតិ បានថ្លែងថា លំហាត់ហ្វឹកហ្វឺននាគមាស ឆ្នាំ២០១៩ ធ្វើឡើង ដើម្បីពង្រឹងកិច្ចសហប្រតិបត្តិការល្អ រវាងកងយោធពលខេមរភូមិន្ទ ជាមួយកងទ័ព រំដោះប្រជាជនចិន ដើម្បីផ្លាស់ប្តូរបទ ពិសោធន៍ធ្វើលំហាត់រួមគ្នា លើកិច្ចការមនុស្សធម៌ ការជួយសង្គ្រោះគ្រោះមហន្តរាយ ការប្រឆាំងភេវរកម្ម ការរក្សាសន្តិភាព ក្នុងក្របខណ្ឌរបស់អង្គការសហប្រជាជាតិ។

នាយឧត្តមសេនីយ៍ ឈុំ សុជាតិ បន្តថា លំហាត់ខាងលើនេះត្រូវរៀបចំធ្វើឡើង ក្នុងមួយឆ្នាំម្តងៗ និងគ្រប់ប្រភេទទ័ព ស្របតាមកិច្ចសហប្រតិបត្តិការរបស់ ក្រសួងការពារជាតិ នៃប្រទេសទាំងពីរ។ លំហាត់នេះ ក៏ដើម្បីឆ្លុះបញ្ចាំងអំពីគោលជំហរ របស់រាជរដ្ឋាភិបាល ជាពិសេសកងយោធពលខេមរភូមិន្ទ ក្នុងការអនុវត្តន៍នយោបាយការពារជាតិរវាងប្រទេសទាំងពីរ (កម្ពុជា-ចិន) លើកិច្ចសហប្រតិបត្តិការអន្តរជាតិ ក្នុងការជួយគ្នាលើគ្រប់វិស័យ និងគ្រប់ជ្រុងជ្រោយ។

លោកបញ្ជាក់ថា លំហាត់ហ្វឹកហ្វឺននេះមានភាគីកងទ័ពរំដោះប្រជាជនចិនចូលរួមចំនួន២៥២នាក់ និងភាគីកម្ពុជាចូលរួមចំនួន២៥៤២នាក់ ក្នុងនោះមាន ៖ កម្លាំងធ្វើលំហាត់ចំនួន ៣៨២នាក់, កម្លាំងបម្រើការក្នុងលំហាត់ចំនួន៤៤៨នាក់, កម្លាំងចូលរួមក្នុងពិធីបើក-បិទចំនួន១,៦៨៥នាក់។ ចំណែកអាវុធយុទ្ធភណ្ឌ សំខាន់ៗ ដែលប្រើប្រាស់នៅក្នុងលំហាត់នាគមាសឆ្នាំនេះ រួមមានដូចជា ៖ រថពាសដែក, រថក្រោះ, កាំភ្លើងធំ, កាំភ្លើងត្បាល់, ឧទ្ធម្ភាចក្រ, អាវុធគាំទ្រពីលើអាកាស ជាដើម៕

ខេត្តព្រះវិហារ ៖ ការបង្កើតស្ថានីយ៍ផលិតទឹកបរិសុទ្ធ ជាជំនួយអង្គការទស្សនៈពិភពលោក ដែលសម្ភោធដាក់ឲ្យដំណើរការប្រើប្រាស់ នេះ ត្រូវគេមើលឃើញថា ស្របពេលកម្ពុជា កំពុងប្រឈមនឹងគ្រោះរាំងស្ងួត នៅក្នុងរដូវប្រាំង២០១៩នេះ ហើយរាជរដ្ឋាភិបាលកម្ពុជា បានអំពាវនាវដល់ក្រសួង ស្ថាប័នពាក់ព័ន្ធ អាជ្ញាធរដែនដីគ្រប់លំដាប់ថ្នាក់ ត្រូវចូលរួមចាត់វិធានការថែរក្សាទឹកទុកឲ្យបានល្អ ដើម្បីផ្គត់ផ្គង់សម្រាប់ការប្រើប្រាស់ប្រចាំថ្ងៃ និងត្រូវត្រៀមលក្ខណៈ ជួយសង្គ្រោះប្រជាពលរដ្ឋ ឲ្យបានទាន់ពេលវេលា ។

នៅព្រឹកថ្ងៃអង្គារទី២៦ ខែកុម្ភៈ នេះ ស្ថានីយ៍ផលិតទឹកបរិសុទ្ធ ដែលសាងសង់ក្នុងតម្លៃជិត៤ម៉ឺនដុល្លារអាមេរិកនេះ ត្រូវបានសម្ភោធបើកឲ្យដំណើរការប្រើប្រាស់នោះហើយ ក្រោមការអញ្ជើញជាអធិបតី និងកាត់ខ្សែបូរណ៍ ពីអភិបាលខេត្តព្រះវិហារ លោក អ៊ុន ចាន់ដា និងមានការចូលរួមពីតំណាង អង្គារដៃគូរដ្ឋាភិបាល រួមទាំងមន្ត្រីជំនាញពាក់ព័ន្ធជាច្រើនទៀត ផងដែរ។ ស្ថានីយ៍ផលិតទឹកបរិសុទ្ធនេះ មានឈ្មោះថា «ស្ថានីយ៍ទឹកពិសាភូមិយើង» នៃសហគមន៍កសិកម្ម រមទមសាមគ្គីមានជ័យ មានទីតាំងស្ថិតក្នុងភូមិ អូតាលោក ឃុំរមទម ស្រុករវៀង ខេត្តព្រះវិហារ។

យោងរបាយការណ៍មន្ទីរកសិកម្មខេត្តព្រះវិហារ បានបង្ហាញថា ស្ថានីយ៍ផលិតទឹកសុទ្ធនេះ បានបង្កើតឡើងមានរយះពេលប្រមាណ៤ខែមកហើយ គឺចាប់ពីខែវិច្ឆិកា២០១៨នោះមក ហើយនៅពេលនេះទើបបានបញ្ចប់ការសាងសង់ និងសម្ភោធបើកឲ្យប្រើប្រាស់ជាផ្លូវការ សម្រាប់បម្រើសេចក្តីត្រូវការរបស់ប្រជាពលរដ្ឋ ដែលរស់នៅក្នុងតំបន់ដាច់ស្រយាល ចំនួន៦ភូមិ ក្នុងឃុំរមទម ស្រុករវៀង។ របាយការបានបង្ហាញទៀតថា ស្ថានីយ៍ទឹកសុទ្ធនេះបានបង្កើតឡើង ក្រោមជំនួយពីអង្គការទស្សនៈពិភពលោក លើថវិកាឧបត្ថម្ភ៨០ភាគរយ រួមជាមួយថវិកា របស់សហគមន៍កសិកម្មរមទមសាមគ្គីមានជ័យ ២០ភាគរយ ដែលមានទឹកប្រាក់សរុប ចំនួន៣ម៉ឺន ៥ពាន់ ៨៥២ ដុល្លារអាមេរិក។ ស្ថានីយផលិតទឹកពិសាភូមិយើង បានផលិតទឹកក្រោមការត្រួតពិនិត្យ ដោយឆ្លងកាត់ប្រព័ន្ធ « UV » និងមានការពិនិត្យពីមន្ទីរជំនាញ តាមស្តង់ដាបច្ចេកទេសបានយ៉ាងត្រឹមត្រូវ សម្រាប់បំរើជូនប្រជាពលរដ្ឋ ចំនួន៦ភូមិ មានច្រើនពាន់គ្រួសារ នៅក្នុងស្រុករវៀង ខេត្តព្រះវិហារ ។ ហើយស្ថានីយ នឹងលក់ទឹកជូនប្រជាពលរដ្ឋក្នុងតម្លៃសមរម្យ ដោយក្នុង១ពីដុង មានតម្លៃត្រឹមតែ២ពាន់រៀល ប៉ុណ្ណោះ ។

អភិបាលខេត្តព្រះវិហារ លោក អ៊ុន ចាន់ដា លោកបានថ្លែងកោតសរសើរ ចំពោះអង្គការទស្សនពិភពលោក ដែលtជាអង្គការដៃគូដ៏សំខាន់មួយជាមួយ រាជរដ្ឋាភិបាលកម្ពុជា ដែលបានជំនួយថវិកាកសាងស្ថនីយ៍ទឹកសុទ្ធ ជាប្រយោជន៍ដល់ពលរដ្ឋកម្ពុជា ដែលរស់នៅតំបន់ដាច់ស្រយាលពីទីប្រជុំជនក្នុងទីរួមខេត្ត ហើយពួកគាត់មានទឹកបរិសុទ្ធបរិភោគ ផងទៀត។ លោកអភិបាលខេត្ត បានថ្លែងទៀតថា អង្គការទស្សនៈពិភពលោក តែបានជួយឧបត្ថម្ភដល់ពលរដ្ឋកម្ពុជា ដោយមិនប្រកាន់និន្នាការនយោបាយអ្វីទាំងអស់ ហើយអង្គការ ក៏នៅមានគម្រោង ជួយជីកអណ្ដូងទឹក និងបង្កើតប្រព័ន្ធផលិតទឹកស្អាត ដើម្បីជាប្រយោជន៍ដល់ប្រជាពលរដ្ឋ ក្នុងពេលឆាប់ៗខាងមុខនេះ នៅស្រុក៤ទៀត របស់ខេត្តព្រះវិហារ គឺស្រុកគូរលែន ស្រុកឆែប ស្រុកសង្គមថ្មី និងស្រុកជ័យសែន ។

លោកថា ការបង្កើតឡើង នូវប្រព័ន្ធទឹកស្អាតនេះ គឺអាចជួយការពារជំងឺឆ្លងគ្រប់ប្រភេទ តាមរយះការប្រើប្រាស់ទឹកមិនស្អាត ហើយស្របនឹងការអំពាវនាវរបស់ ប្រមុខរាជរដ្ឋាភិបាល ចំពោះបញ្ហាប្រឈម និងការខ្វះទឹកនៅរដូវប្រាំងឆ្នាំនេះ ផងដែរ។ លោកអភិបាលខេត្ត បានបញ្ជាក់ថា សម្រាប់ខេត្តព្រះវិហារ នៅគ្រានេះ មិនទាន់មានតំបន់ណាមួយ ដែលប្រឈមនឹងការខ្វះទឹកប្រើប្រាស់នោះទេ ហើយអាជ្ញាធរខេត្ត អាជ្ញាធរមូលដ្ឋានគ្រប់លំដាប់ថ្នាក់ និងកងកម្លាំងទាំង៣ បានត្រៀមលក្ខណៈរួចជាស្រេច នៅក្នុងការចុះជួយសង្គ្រោះប្រជាពលរដ្ឋ ពីគ្រោះរាំងស្ងួត និងគ្រោះធម្មជាតិផ្សេងៗទៀត តាមការណែនាំរបស់ ប្រមុខរាជរដ្ឋាភិបាល នៅច្រើនថ្ងៃកន្លងមកនេះ ៕

ភ្នំពេញ ៖ ក្រសួងការងារបានដាក់ឲ្យប្រើប្រាស់នូវរថយន្ត មជ្ឈមណ្ឌលការងារចល័ត ដំបូងគេបង្អស់នៅកម្ពុជា ដើម្បីផ្ដល់ព័ត៌មាន និងឱកាសការងារកាន់តែខិតជិតដល់សិស្សនិស្សិត និងប្រជាពលរដ្ឋដែលកំពុងស្វែងរកការងារធ្វើនៅគ្រប់ទីកន្លែងទូទាំងប្រទេស។

ថ្លែងក្នុងសន្និសីទបិទគម្រោងស្តីពី”ការគាំទ្រដល់ការអភិវឌ្ឍជំនាញ និងការងាររបស់យុវជននៅកម្ពុជា និងពិធីសម្ពោធមជ្ឈមណ្ឌលការងារចល័ត”កាលពីរសៀលថ្ងៃទី២៦ ខែកុម្ភៈ លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ មានប្រសាសន៍ថា ការដាក់ឲ្យប្រើប្រាស់នូវរថយន្ត មជ្ឈមណ្ឌលការងារចល័ត ពិតជាមានសារៈសំខាន់ណាស់ក្នុងការចូលរួមចំណែក ជាមួយរាជរដ្ឋាភិបាលកម្ពុជាក្នុងអភិវឌ្ឍធនធានមនុស្ស និងទីផ្សារការងារ ជាពិសេសតំបន់ជនបទ និងខេត្តឆ្ងាយៗដែលមិនទាន់មានមជ្ឈមណ្ឌលការងារនៅឡើយ។

ទន្ទឹមនឹងនេះយុវជនទទួលបានការងារកាន់តែងាយស្រួល ឆាប់រហ័ស និងចំណេញពេលវេលា ដែលស្របតាមក្របខណ្ឌគោលនយោបាយ និងយុទ្ធសាស្ត្រអភិវឌ្ឍវិស័យការងាររបស់រាជរដ្ឋាភិបាលកម្ពុជា។

លោក បន្ដថា ក្រសួងការងារ បានខិតខំបង្កើតឱកាសការងារកាន់តែច្រើន និងជួយបែងចែកឱកាសទាំងនេះ ឲ្យបានទៅដល់ប្រជាជនគ្រប់រូបប្រកបដោយតម្លាភាព និងសមធម៌ សំដៅប្រែក្លាយឱកាសការងារដែលមានទាំងអស់ឲ្យទៅជាមុខរបរកាន់តែល្អសម្រាប់ប្រជាជនគ្រប់រូប។

លោកជំទាវ ម៉ារៀ សាគ្រិន ឯកអគ្គរដ្ឋទូតស៊ុយអែតប្រចាំកម្ពុជា បានឲ្យដឹងថា ការសម្ពោធដាក់ឲ្យប្រើប្រាស់នូវរថយន្ត “មជ្ឈមណ្ឌលការងារចល័ត” ដំបូងគេបង្អស់នៅកម្ពុជា ដែលត្រូវបានរៀបចំបំពាក់នៅក្នុងរថយន្តមីនីវ៉ាន ហើយមានមុខងារផ្តល់នូវសេវាសំខាន់ៗដូចមជ្ឈមណ្ឌលការងារធម្មតាដែរដូចជា៖ ការស្វែងរកមើលព័ត៌មានការងារ, ការចុះឈ្មោះរកការងារតាមប្រព័ន្ធអ៊ីនធើណិតនិងទម្រង់ក្រដាស, ការទទួលប្រឹក្សាយោបល់ការងារ, និងបណ្ណាល័យការងារជាដើម។

ប៉ុន្តែចំណុចពិសេសរបស់មជ្ឈមណ្ឌលការងារចល័តគឺអាចនាំយកសេវាការងារនិងព័ត៌មានឱកាសការងារកាន់តែខិតជិតដល់ប្រជាពលរដ្ឋអ្នកស្វែងរកការងារសិស្សនិស្សិតនៅគ្រប់ទីកន្លែងទូទាំងប្រទេសជាពិសេសតំបន់ជនបទ និងខេត្តឆ្ងាយៗដែលមិនទាន់មានមជ្ឈមណ្ឌលការងារនៅឡើយ។

ជាមួយគ្នានេះ លោកបណ្ឌិតរដ្ឋមន្ត្រី ស្នើដល់ភាគីទីភ្នាក់ងារអភិវឌ្ឍន៍អន្តរជាតិស៊ុយអែត (SIDA) និងទីភ្នាក់ងារផ្តល់សេវាសាធារណៈស៊ុយអែត (SPES) បន្តជួយជ្រោមជ្រែងដល់ទីភ្នាក់ងារជាតិមុខរបរ និងការងារ ក្នុងការបង្កើតឲ្យបានកាន់តែច្រើនថែមទៀតនូវ “មជ្ឈមណ្ឌលការងារចល័ត” ដើម្បីពង្រីកវិសាលភាពនៃការផ្តល់សេវាឱ្យកាន់តែទូលំទូលាយទៅកាន់ទីជិតឆ្ងាយនៅទូទាំងប្រទេស ៕

ភ្នំពេញ ៖ បទបញ្ជារបស់ចៅក្រុង និងលោកស្នងការរាជធានីភ្នំពេញ ដូចជាមិនសូវមានប្រសិទ្ធភាពដោយកូនចៅក្រោមឱវាទមិនអនុវត្តន៍តាមមេៗថ្នាក់លើក្រោយពេលដែលឯកឧត្តមឃួងស្រេងអភិបាលសាលារាជធានីភ្នំពេញនិងលោកឧត្តសេនីយ៍ឯកសថេតស្នងការក្រុងបានដាក់បទបញ្ជាដល់កូនចៅសមត្ថកិច្ចពាក់ពន្ធ័របស់លោកទាំង១២ខណ្ឌក្នុងរាជធានីភ្នំពេញត្រូវហាមឃាត់មិនអនុញ្ញាតឱ្យរថយន្តប្រភេទធំៗបើកចូលក្នុងក្រុងនៅពេលថ្ងៃនោះទេព្រោះរថយន្តធំៗទាំងតែងតែបង្កគ្រោះថ្នាក់ចរាចរណ៍ដល់អ្នកធ្វើដំណើរបង្កឱ្យមានអ្នករងរបួសនិងស្លាប់ជាញឹកញាប់។

នៅព្រឹកមិញនេះប្រហែលជាម៉ោង៨និង៣០នាទីព្រឹកថ្ងៃទី២៦ខែកុម្ភះឆ្នាំ២០១៩មានរថយន្តធុនធំមួយគ្រឿងពាក់ស្លាកលេខភ្នំពេញ3E0247ដែលមានសញ្ញាសំគាល់នៅមុខក្បាលរថយន្តCH ជារបស់របស់ក្រុមហ៊ុនរបស់លោកហ៊ុនជាមិនដឹងបើកចេញពីក្រហែញណានោះទេតទ្រុងដឹកសំពីងសំពោងលើសចំណុះបានបត់បុកបង្កាន់ដៃស្ពានអាកាសស្ទឹងមានជ័យស្ថិតនៅខាងក្រោមស្ពានផ្លូវ២១៧សង្កាត់ស្ទឹងមានជ័យ២ខណ្ឌមានជ័យរាជធានធានីភ្នំពេញ។

ក្រោយពេលរថយន្តបុកបាក់បង្កាន់ដៃស្ពានទើបសមត្ថកិច្ចចរាចរណ៍ដែលឈរជើងនៅគោកដៅភ្ញាក់ស្ទុះចេញមកស្ទាកឃាត់់រថយន្តបញ្ជូនទៅការិយាល័យចរាចរណ៍ជើងគោកស្នងការនគរបាលរាជធានីភ្នំពេញចាត់ការបន្ត។

ភ្នំពេញ ៖ នៅព្រឹកថ្ងៃទ២៦ ខែកុម្ភៈ នេះ ឆ្មាំពន្ធនាគារបាននាំខ្លួនលោក ឡាយ វណ្ណៈ អតីតអភិបាលខេត្តតាកែវ រួមទាំងអតីតស្នងការខេត្តតាកែវ មកតុលាការរាជធានីភ្នំពេញ ដើម្បីបន្តសវនាការលើសំណុំរឿង ឃាតកម្មសម្លាប់ស្រីស្នេហ៍អ្នកនាង ចេង វឌ្ឍនា កាលពីដើមឆ្នាំ២០១៨ កន្លងទៅ។

មន្ត្រីតុលាការបានប្រាប់បណ្តាញសារព័ត៌មានថា សំណុំរឿងជនត្រូវចោទ ឡាយ វណ្ណៈ និងអ្នកជាប់ពាក់ព័ន្ធ នឹងបន្តជំនុំជម្រះសួរដេញដោល នៅថ្ងៃទី២៦-២៧ ខែកុម្ភៈ ឆ្នាំ២០១៩ គឺពាក់ព័ន្ធសំណុំរឿងឃាតកម្មសម្លាប់ស្ត្រីម្នាក់ នៅចំណុចផ្ទះជួល ភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ កាលពីថ្ងៃទី២៦ ខែមករា ឆ្នាំ២០១៨ ។

គួររម្លឹកថា សំណុំរឿងឃាតកម្មដ៏កក្រើកខាងលើនេះ កន្លងទៅតុលាការបានធ្វើការចោទប្រកាន់ លើជនសង្ស័យចំនួន៤នាក់ រួមមាន លោក ឡាយ វណ្ណៈ អតីតអភិបាលខេត្តតាកែវ, លោក ឡាយ ណារិទ្ធ ស្នងការរងនគរបាលខេត្តតាកែវ ត្រូវជាបងប្រុស លោក ឡាយ វណ្ណៈ ឈ្មោះ ម៉េន សាម៉ៃ អ្នកបើកឡានឲ្យលោក ឡាយ វណ្ណៈ និងឈ្មោះ ជឹម វុធ ហៅ ថូត ជាអ្នកបំរើនៅផ្ទះនាង ចេវ សុវឌ្ឍនា៕

ភ្នំពេញ ៖ កម្លាំងសណ្តាប់ធ្នាប់ខណ្ឌ៧មករា តែងតែឃេីញជិះរថយន្តប៉ូលិសផ្នែកចរាចរណ៍ ចុះរៀបចំសណ្តាប់ធ្នាប់ ក្នុងមូលដ្ឋានរបស់ខ្លួន ។

ប្រជាពលរដ្ឋ មានការកោតសរសើរចំពោះសកម្មភាពទាំងនេះ ដែលបង្ហាញពីការយកចិត្តទុកដាក់ និង ធ្វេីឱ្យមូលដ្ឋានខណ្ឌ៧មករា កាន់តែមានសោភ័ណភាពល្អប្រសើរ ។

ប៉ុន្តែអ្វីដែលមហាជនសម្តែងការងឿងឆ្ងល់នោះគឺហេតុអ្វី ? អាជ្ញាធរមិនហ៊ានស្ទួចរថយន្តទំនើបៗដែលកំពុងចតមុខសាលាដំបូងរាជធានីភ្នំពេញទៅវិញ ។

កាលពីថ្ងៃទី២៥ ខែកុម្ភៈ ឆ្នាំ២០១៩ ម្សិលមិញនេះ ប្រជាពលរដ្ឋបានរិះគន់ចំៗថា ខ្ញុំឆ្ងល់ណាស់ ខ្ញុំឃេីញអាជ្ញាធររៀបចំសណ្តាប់ធ្នាប់ ស្ទួចឡានមុខផ្សារស៊ីធីម៉ល តែហេតុអ្វី ឡានចតមុខរបងតុលាការ អាជ្ញាធរមិនស្ទួចតេីមកពីមូលហេតុអ្វី ?។

គួររំលឹកផងដែរថា កន្លងមក លោកតាំង ស៊ុនឡាយ ប្រធានសាលាដំបូងរាជធានីភ្នំពេញ ធ្លាប់ហាមមិនឱ្យមានការចតមុខតុលាការនោះទេ ដោយសារតែនេះជាចិញ្ចេីមផ្លូវសាធារណៈ ឡានទាំងអស់ គប្បីផ្ញើក្នុងស្តាតអូឡាំពិក ។

ប៉ុន្តែអ្វីៗបានវិលមកដូចដេីម ដែលឡានទាំងអស់កំពុងចតមុខតុលាការ ត្រូវបានប្រភពព័ត៌មានច្បាស់ការណ៍ បញ្ជាក់ថា សុទ្ធតែឡានរបស់មន្ត្រីតុលាការ ។

មហាជន សម្តែងចម្ងល់ទៀតថា “អ្នកអនុវត្តច្បាប់ ចតរថយន្តខុសច្បាប់ មុខស្ថាប័នច្បាប់ ពិតជាអត់យល់មែន? ។

នេះជាសារមួយផ្ញើជូនលោកលឹម សុភា អភិបាលខណ្ឌ៧មករា មេត្តាពិនិត្យករណីនេះផង កុំឱ្យប្រជាពលរដ្ឋរិះគន់ ថា”ការរៀបចំសណ្តាប់ធ្នាប់មានស្តង់ដារ២បែបនេះ៕

ភ្នំពេញ ៖ ដំណើរបំពេញទស្សនកិច្ចផ្លូវរដ្ឋនៅកម្ពុជា អគ្គលេខាធិការ គណៈកម្មាធិការមជ្ឈឹមបក្សកុម្មុយនីស និងជាប្រធានរដ្ឋវៀតណាមបានជួប ពិភាក្សាការងារជាមួយសម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅវិមានសន្តិភាព នៅព្រឹកថ្ងៃទី២៦ កុម្ភៈនេះ។ កម្ពុជា-វៀតណាម នឹងចុះហត្ថលេខាលើឯកសារសំខាន់ចំនួន៥ ផ្តោតលើវិស័យទេសចរណ៍ ការដឹកជញ្ជូន និងពាណិជ្ជកម្មរវាងប្រទេសទាំងពីរ។

នៅក្នុងដំណើរទស្សនកិច្ចផ្លូវរដ្ឋរបស់ លោក ង្វៀន ហ្វ៊ូជុង អគ្គលេខាធិការនៃកម្មាធិការមជ្ឈឹមបក្សកុម្មុយនីស និងជាប្រធានរដ្ឋវៀតណាមនៅកម្ពុជានៅ ថ្ងៃទី២នេះ កម្ពុជា-វៀតណាម បានឯកភាពចុះហត្ថលេខាលើឯកសារសំខានៗ ចំនួន៥ និងបានឯកភាពគ្នាក្នុងការពង្រឹងទំនាក់ទំនងកិច្ចសហប្រតិបត្តិការទ្វេភាគីប្រទេសទាំងពីរ។ ឯកសារសំខាន់ទាំង៥នោះរួមមាន ១. សេចក្តីបន្ថែមស្ដីពីការកែប្រែមាត្រា ៦ និងមាត្រា ១៧នៃកិច្ចព្រមព្រៀងរវាងរដ្ឋាភិបាលនៃព្រះរាជាណាចក្រកម្ពុជានិងរដ្ឋាភិបាលវៀតណាមស្តីពីការដឹកជញ្ជូនផ្លូវទឹក។

២. ពិធីសារស្ដីអំពីវិសោធនកម្មលើពិធីសារសម្រាប់អនុវត្តកិច្ចព្រមព្រៀងរវាង រដ្ឋាភិបាលនៃប្រទេសទាំងពីរស្ដីពីការដឹកជញ្ជូនផ្លូវគោក។ ៣. អនុស្សារណៈនៃការយោគយល់គ្នារវាងអគ្គលេខាធិការដ្ឋានរដ្ឋសភាជាតិនៃព្រះរាជា ណាចក្រកម្ពុជា និងក្រសួងហិរញ្ញវត្ថុវៀតណាមស្តីពីការផ្ដល់ហិរញ្ញប្បទានឥតសំណងចំនួន ២៥លានដុល្លារសម្រាប់ការអនុវត្តគម្រោ ងសាងសង់អគាររដ្ឋបាលសម្រាប់អគ្គលេ ខាធិការដ្ឋានរដ្ឋសភាកម្ពុជា។ ៤.កិច្ចសម្របសម្រួលជំរុញពាណិជ្ជកម្មទ្វេភាគីរវាងរដ្ឋាភិបាលកម្ពុជានិងវៀតណាមសម្រាប់ឆ្នាំ ២០១៩-២០២០។ ៥. អនុស្សារណៈនៃការយោគយល់គ្នាស្តីពីកិច្ចសហប្រតិបត្តិការទេសចរណ៍សម្រាប់ឆ្នាំ ២០១៩-២០២១មួយរវាងក្រសួងទេសចរណ៍កម្ពុជានិងក្រុមហ៊ុនអាកាសចរណ៍កាឡាញវៀតណាម។

នៅក្នុងជំនួបទ្វេភាគីនៅវិមានសន្តិភាព លោកង្វៀន ហ្វ៊ូជុង បានបញ្ជាក់ថា ក្នុងដំណើរទស្សនកិច្ចនេះ ឯ.ឧ ប្រធានរដ្ឋវៀតណាមមានបំណងក្នុងការពង្រឹង និងពង្រីកិច្ចសហប្រតិបត្តិការរវាងប្រទេសទាំងពីរដែលមានស្រាប់ ហើយនិង ដើម្បីពិនិត្យមើលឡើងវិញនូវរាល់អ្វីដែលបានធ្វើកន្លងមក ដើម្បីពង្រីក និងដាក់ទិសដៅសម្រាប់ការអភិវឌ្ឍ និងទំនាក់ទំនងប្រទេសទាំងពីរ។ នេះបើតាម លោក អ៊ាង សុផល្លែតជំនួការផ្ទាល់សម្តេចតេជោបញ្ជាក់ប្រាប់អ្នកកាសែតនៅ ក្រោយជំនួប។ ឯ.ឧ ង្វៀន ហ្វ៊ូជុង បានកត់សំគាល់ឃើញថា កម្ពុជាមានការរីក ចំរើនជាច្រើនវិស័យ ពិសេសការអភិវឌ្ឍលើហេដ្ឋារចនាសម្ព័ន្ធ និងសំណង់អគារ ជាមួយនឹងស្ថេរភាពល្អប្រសើរ។

សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ការរីកចំរើន និងការ អភិវឌ្ឍរបស់កម្ពុជានៅពេលនេះ គឺមិនអាចកាត់ផ្តាច់ចេញពីកងទ័ព ប្រជាជន និងរដ្ឋវៀតណាមនោះឡើយ។ សម្តេចតេជោ បានឯកភាពផងដែរថាឈរលើ មូលដ្ឋាននៃទំនាក់ទំនងដែលយើងមានស្រាប់កន្លងមក តាមរយៈធ្វើយ៉ាងណា ឲ្យមានទំនាក់ទំនងកាន់តែរីកចំរើនឡើងថែមទៀត រវាងរដ្ឋាភិបាលទាំងពីរឲ្យកាន់តែប្រសើរឡើងថែមទៀត។ សម្តេចតេជោបានសំដែងនូវការអបអរសាទរ ចំពោះវៀតណាម ដែលបាន និងកំពុងទទួលកិច្ចប្រជុំកំពូលរវាងលោក ត្រាំ និងលោក គីម ជុងអ៊ុន៕

ភ្នំពេញ ៖ ក្រសួងប្រៃសណីយ៍ និងទូរគមនាគមន៍ នឹងរៀបចំដាក់ប្រព័ន្ធអ៊ីនធើណែត Free Wifi នៅតាមបណ្ដាតំបន់ទេសចរណ៍ទូទាំងប្រទេស ពិសេសរាជធានីភ្នំពេញ ខេត្តសៀមរាប និងខេត្តព្រះសីហនុ ឲ្យបានមុនឆ្នាំ២០២៣។ នេះជាការលើកឡើងរបស់ប្រមុខរដ្ឋាភិបាល ដែលបានធ្វើឡើងនៅក្នុងការប្រារព្ធពិធី «ទិវាជាតិទីក្រុងស្អាត» លើកទី៧ នៅសណ្ឋាគារសុខាភ្នំពេញ នាថ្ងៃទី២៥ ខែកុម្ភៈ នេះ។

លោកនាយករដ្ឋមន្ត្រី បញ្ជាក់ថា ក្រសួងប្រៃសណីយ៍តាមពិនិត្យឲ្យបានម៉ត់ចត់ទៅលើបញ្ហា Free Wifi ព្រោះការប្រើ Wifi នេះមិនទាន់មានប្រសិទ្ធភាព នៅឡើយទេ ពោលមាន Wifi តែមិនទាន់មានអ៊ីនធើណែត។
សម្តេចនាយករដ្ឋមន្ត្រី បានថ្លែងដោយហួសចិត្ត ថា កាលពីពេលកន្លងទៅ លោកបានទៅដល់អង្គការសហប្រជាជាតិ ប៉ុន្តែមិនមានអ៊ីធើណែតសម្រាប់ប្រើប្រាស់៕

ប្រមុខនៃរាជរដ្ឋាភិបាលកម្ពុជា ក៏បានបញ្ជាក់ឲ្យម្ចាស់ទីតាំងសណ្ឋាគារ ឬកន្លែងផ្សេង មានការប្រុងប្រយ័ត្ននៅពេលជួលក្រុមហ៊ុន អ៊ីនធើណែត មកសំឡើង Wifi នៅទីតាំងរបស់ខ្លួន ប៉ុន្ដែអ៊ីនធើណែតមិនដំណើរការ ហើយក្រុមហ៊ុនគិតលុយដូចធម្មតា៕

​ភ្នំពេញ ៖ ក្រសួងកសិកម្ម បានចេញលិខិតបដិសេធចុះថ្ងៃទី២២ ខែកុម្ភៈ ដោយអះអាងថា ខ្លួនមិនបានចេញគោលការណ៍អនុញ្ញាតឱ្យមានការលក់ដីរដ្ឋ និងពុំមានការពាក់ព័ន្ធដូចសារព័ត៌មានចុះផ្សាយនោះទេ។

សេចក្តីប្រកាសបដោសេធនេះ បានធ្វើឡើងនៅក្រោយពេលដែលមានសារព័ត៌មានមួយចំនួនបានចុះផ្សាយថា “ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុងយកដីរដ្ឋលក់” ដោយថែមទាំងបញ្ជាក់ថា មានជាប់ពាក់ព័ន្ធនឹង រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ទៀតផង។

នៅក្នុងលិខិតបដិសេធ របស់ក្រសួងកសិកម្ម បានចាត់ក្រុមការងារ ចុះធ្វើអធិការកិច្ចលើការងារដឹកនាំ និងគ្រប់គ្រងរបស់មន្ទីរកសិកម្មរាជធានី-ខេត្តជាប្រចាំ ហើយក្រោយពីអធិការកិច្ចនៅមន្ទីរកសិកម្មនាខេត្តកោះកុងរួចមក ក្រសួងបានដាក់ចេញនូវវិធានការ ចំនួន១៧ចំណុច ដើម្បីអនុវត្ត និងកែលម្អ ហើយក្នុងនោះក៏បានណែនាំឱ្យធ្វើការស្រាវជ្រាវដីចំនួន ៣កន្លែង របស់ខណ្ឌរដ្ឋបាលព្រៃឈើ ដើម្បីចាត់វិធានការតាមនីតិវិធីផងដែរ៕

ភ្នំពេញ ៖ នៅព្រឹកថ្ងៃទី២៥ ខែកុម្ភៈ ឆ្នាំ២០១៩ កម្មការនីរោងចក្រកាត់ដេរយីហោ អូលីវ ដែលមានទីតាំងស្ថិតនៅតាមបណ្តោយផ្លូវជាតិលេខ៣ ភូមិព្រៃស្ពឺ សង្កាត់ចោមចៅ២ ខណ្ឌពោធិសែនជ័យ។

ដែលមានកម្មការនីរោងចក្រខាងលើបានដួលសន្លប់ជាបន្តបន្ទាប់ហើយត្រូវបានរថយន្តសាមុយរបស់មន្ទីរពេទ្យមូលមិត្តបានចេញរថយន្តជាច្រើនគ្រឿងបានដឹកកម្មការិនីដែលដួលសន្លប់ជាច្រើននាក់មកសំរាកព្យាបាលនៅមន្ទីរពេទ្យមូលមិត្ត។ចំណែកកម្មករកម្ម ការិនី ដែល នៅ សេសសល់ត្រូវបានខាងរដ្ឋបាលរោងចក្រសំរេចឱ្យត្រលប់ទៅផ្ទះហើយបិទទ្វាររោងចក្រជាបណ្តោះអាសន្ន។

ប្រភពព៍ត័មានពីសមត្ថកិច្ចបានបង្ហើបឱ្យដឹងថា រោងចក្រអូលីវខាងលើនេះមានការដួលសន្លប់កម្មការនីរយះពេល៣ថ្ងៃជាប់ៗគ្នាតាំពីថ្ងៃទី២៣ ខែកុម្ភៈ ឆ្នាំ២០១៩ ដែលកម្មករកាត់ដេរជា១០០នាក់ បានដួលសន្លប់ជាបន្តបន្ទាប់មូលហេតុធំក្លិនថ្នាំលាបពណ៍ហើយនៅព្រឹកថ្ងៃទី២៥ខែកុម្ភះនេះខាងរដ្ឋបាលរោងចក្របានដើរស្រងឈ្មោះអ្នកដែលដួលសន្លប់កាលពីថ្ងៃសៅរ៍ និងថ្ងៃអាទិត្យ ជាប់ៗគ្នានេះ ដើម្បីចែកទឹកដោះគោប៉ូវជូនពួកគាត់ស្រាប់តែកម្មការនីមួយចំនួនបានដួលសន្លប់បន្តបន្ទាប់ដោយពុំទាន់ដឹងពីមូលហេតុ។

ក្រោយពេលមានការដួលសន្លប់កម្មករកាត់ដេរជាច្រើននាក់រយះពេល៣ថ្ងៃជាប់ៗគ្នានេះក្រសួងការងារបានបង្កើតគណះកម្មាការចំរុះចុះស្រាវជ្រាវនិងត្រួតពិនិត្យឱ្យដឹងមូលហេតុអ្វីពិតប្រាកដ៕ ដោយ ៖ ស.ស.