ភ្នំពេញ ៖ នៅអំឡុងវេលាម៉ោង១រំលងអាធ្រាត្រ ឈានចូលថ្ងៃទី២៣ ខែកុម្ភៈ ឆ្នាំ២០១៩ ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានដឹកនាំកម្លាំងដោយផ្ទាល់ជាច្រើននាក់ ឆ្មក់ចូលឆែកឆេរទីតាំងក្នុងក្លឹបកំសាន្តRock នៅជាប់ផ្លូវព្រះមុន្នីវង្ស ក្នុងសង្កាត់ទន្លេបាសាក់ ខណ្ឌចំការមន ដោយឃាត់ខ្លួនមនុស្សជាង៣០០នាក់ និងដកហូតថ្នាំញៀនជាច្រើនប្រភេទមួយចំនួនធំ ។

ក្នុងរង្វង់ប្រតិបត្តិការណ៍ដ៏ធំរបស់កម្លាំងស្នងការនគរបាលរាជធានីភ្នំពេញខាងលើនេះ ក្រុមអ្នកសារព័ត៌មានជាច្រើននាក់មិនអាចចូលទៅក្នុងទីតាំង និងផ្ដិតយករូបភាពមនុស្សដែលត្រូវឃាត់ខ្លួន ក៏ដូចជាវត្ថុតាង ជាប្រភេទថ្នាំញៀន បាននោះទេ ។
តែទោះជាយ៉ាងណា គេសង្កេតឃើញមានរថយន្តហ៊ីយ៉ាន់ដាយ ប្រភេទ៥តោនចំនួន២គ្រឿង បានចូលទៅក្នុងបរិវេណក្លឹបកំសាន្ត Rock ហើយមានកម្លាំងសមត្ថកិច្ចចាប់មនុស្សបញ្ចូនក្នុងរថយន្តនោះជាច្រើនរយនាក់ដឹកបញ្ជូនចេញ លម្អិតដល់អ្នកកាសែតនោះឡើយ៕

ព្រះវិហារ ៖ ដើម្បីថែរក្សា និងអភិរក្សវិស័យព្រៃឈើ ឲ្យនៅគង់វង្ស លោក អ៊ុន ចាន់ដា អភិបាលខេត្ត បានលើកឡើងថា ការពារឈើនៅឈរប្រសើរជាងបង្ក្រាប ឈើតាមដងផ្លូវ អញ្ចឹងហើយ យើងត្រូវ សហការគ្នាការពារកុំឲ្យដើមឈើដួលរលំ ជាពិសេសមន្រ្តី អភិរក្សតែម្ដង។

លោក អ៊ុន ចាន់ដា បានលើកឡើងបែបនេះ ក្នុងឱកាសលោកអញ្ជើញជាអធិប្បតី ក្នុងពិធីបើកសិក្ខា សាលាពិគ្រោះយោបល់អំពីអ្នកពាក់ព័ន្ធថ្នាក់ក្រោមជាតិ របស់គំរោងចីរភាពបៃតងព្រៃឡង់ នាព្រឹក ថ្ងៃទី២២ ខែកុម្ភៈ ឆ្នាំ២០១៩នេះ។ ពិធីនេះ រៀបចំធ្វើឡើងដោយគម្រោង USAID ចីរភាពបៃតង ព្រៃឡង់ឍ និងមានការចូលរួមប្រធាន អនុប្រធានសហគមន៍ព្រៃឈើ មន្រ្តីអភិរក្ស ប្រជាសហគមន៍ ជាច្រើននាក់ផងដែរ។

បើយោងតាមរបាយការណ៍របស់មន្ទីរបរិស្ឋានខេត្ត បានបង្ហាញថា តំបន់ការពារ និងគ្រប់គ្រង ធម្ម ជាតិ ក្នុងភូមិសាស្ត្រខេត្តព្រះវិហារ មានចំនួន ៩កន្លែង ស្មើនឹងផ្ទៃដីសរុប ៧៧៤.៥៦៦.៨២ ហិកតា ។ តាមរយៈសិក្ខាសាលាពិគ្រោះយោបល់នៅថ្ងៃនេះ នឹងអាចប្រមូលធាតុចូល បន្ថែមទៀត សម្រាប់ ពិនិត្យលើបញ្ហាប្រឈមនៃការអភិរក្សធនធានធម្មជាតិ នៅក្នុងភូមិសាស្ត្រខេត្តព្រះ វិហារ កំណត់ នូវ យុទ្ធសាស្ត្រដោះស្រាយរួម សម្រាប់ការអនុវត្តន៍ការងារបន្តរបស់មន្ត្រីឧទ្យានុរក្ស និងអ្នកពាក់ព័ន្ធ នាពេលអនាគត ដើម្បីពន្លឿនការរៀបចំ និងបង្កើតសហគមន៍តំបន់ការពារធម្មជាតិ អោយស្រប តាមឯកសារនីតិវិធី រៀបចំផែនការប្រើប្រាស់ដីធ្លី តាមរយៈការកំណត់តំបន់គ្រប់គ្រងស្របតាមច្បាប់ ស្តីពីតំបន់ការពារធម្មជាតិ និងរៀបចំផែនការគ្រប់គ្រង និងផែនការសកម្មភាពនា ពេលអនាគតផង ដែរ។គោលបំណងក្នុងសិក្ខាសាលានេះគឺដើម្បីប្រមូលផ្តុំក្រុមអ្នកពាក់ព័ន្ធដែលមានការប្តេជ្ញាចិត្តក្នុងការគ្រប់គ្រងប្រកបដោយនិរន្តភាពរយៈពេលយូរអង្វែងនៃដែនជម្រកសត្វព្រៃឡង់ និងសហគមន៍ នៅជុំវិញ ហើយសិក្ខាសាលានេះផ្តោតទៅលើប្រធានបទ កំណត់រចនាសម្ព័ន្ធ រឺយន្តការ សម្រាប់ការ ចូលរួម ពីភាគីពាក់ព័ន្ធជាមួយគម្រោងចីរភាពបៃតងព្រៃឡង់ និងភាគីពាក់ព័ន្ធទាំងអស់ ពិភាក្សាអំពី ឧបសគ្គនិងវិធីសាស្រ្តនានាទាក់ទងនិងប្រធានបទសំខាន់ទាំងបី រួមមាន អភិបាលកិច្ច ជីវចម្រុះ ការ អភិរក្សប្រព័ន្ធ អេកូឡូស៊ី និងការបង្កើតជីវភាពសហគមន៍មូលដ្ឋាន នៃគម្រោងចីរភាព បៃតងព្រៃ ឡង់ និងតំបន់សហគមន៍ផងដែរ៕

ព្រះវិហារ ៖ លោក នាយឧត្តមសេនីយ៍ គីម ប៊ុនថាន អគ្គមេបញ្ជាការរង នៃកងយុទ្ធពលខេមរៈភូមិន្ទ នាយរងខុទ្ទកាល័យសម្ដេចអគ្គមហាសេនាបតីតេជោ ហ៊ុន សែន បានអញ្ជើញជាអធិបតីក្នុងពិធីសែនក្រុងពាលីបួងសួងសុំសេចក្តីសុខ ពីទសបារមីវត្ថុស័កសិទ្ធ ដែលស្ថិតនៅលើកំពូលភ្នំបង្គោលប្រាំបី តាមជួយបីបាច់ថែរក្សាដល់កងកម្លាំងទាំងអស់ដែលកំពុងឈរជើងការពារទឹកដី នៅតាមបន្ទាត់ព្រំដែន។

ពិធីនេះបានប្រារព្ធធ្វើឡើងនៅរសៀលថ្ងៃទី២២ ខែកុម្ភៈ ឆ្នាំ២០១៩ លើកំពូលភ្នំបង្គោលប្រាំបី ស្ថិតក្នុងភូមិបង្គោលប្រាំបី ឃុំកន្ទួត ស្រុកជាំក្សាន្ត ខេត្តព្រះវិហារ។

ពិធីនេះក៏មានការចូលរួមពីសំណាក់ លោក អ៊ុន ចាន់ដា អភិបាល នៃគណៈអភិបាលខេត្តព្រះវិហារ អមដំណើរដោយឯកឧត្តម ឧត្តមសេនីយ៍ឯក ស្រី ឌឹក មេបញ្ជាការរង កងទ័ពជើងគោក មេបញ្ជាការកងពលធំអន្តរាគមន៍លេខ៣ ឯកឧត្តម ឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្ត លោកឧត្តមសេនីយ៍ទោ ច័ន្ទ សុភក្រ្តា មេបញ្ជាការតំបន់ប្រតិបត្តិការសឹករងខេត្តព្រះវិហារ ព្រមទាំងឯកឧត្តមមេបញ្ជាការ មេបញ្ជាការង កងពលតូចអន្តរាគមន៍លេខ៧ លេខ៩ និងនាយសេនាធិការ នាយសេនាធិការរងកងពលធំអន្តរាគមន៍លេខ៣។

ក្រោមការទទួលស្វាគមន៍ពីសំណាក់ឯកឧត្តម ឧត្តមសេនីយ៍ទោ លី ស៊ុន មេបញ្ជាការកងពលតូចអន្តរាគមន៍លេខ៨ ព្រមទាំងឯកឧត្តមមេបញ្ជាការ មេបញ្ជាការង នាយទាហាន នាយទាហានរង និងពលទាហានវរៈសេនាតូចអន្តរាគមន៍៣៨៤ផងដែរ៕

ភ្នំពេញ ៖ នារីកកម្មកានីរោងចក្រម្នាក់ ត្រូវបានស្លាប់ភ្លាមៗក្រោយពេលជិះម៉ូតូទាក់ដៃចង្កូតគ្នា ខ្ទាតចូលកង់រថយន្តបណ្តាលឱ្យរថយន្តកិនបែកក្បាលស្លាប់។ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង ៦និង១៥នាទីព្រឹក ថ្ងៃទី២២ ខែកុម្ភៈ ឆ្នាំ២០១៩ ស្ថិតនៅបណ្តោយផ្លូវ២០១១ សង្កាត់ក្រាំធ្នង់ ខណ្ឌសែនសុខ។

ប្រភពព៍ត័នៅកន្លែងកើតហេតុបានឱ្យដឹងថា មុនពេលកើតហេតុនារីរងគ្រោះខាងលើ បានជិះម៉ូតូសេ១២៥សេរីពណ៌ពាក់ស្លាកលេខពោធិសាត់ 1T 3318 ឆ្នាំ២០១៨ ចេញពីបន្ទប់ជួលម្តុំចំការព្រីងពីទិសដៅពីកើតទៅលិច ឆ្ពោះទៅធ្វើការនៅរោងចក្រម្តុំកប់ស្រូវ
លុះដល់ចំណុចកើតហេតុ ក៏បានទាក់ដៃចង្កូតជាមួយម៉ូតូមួយគ្រឿងទៀត ម៉ាកSUZUKI LET គ្មានស្លាកលេខដែលបើកបរដោយយុវជនម្នាក់ទិសដៅបញ្រ្ចាស់គ្នា បានខ្ទាតនារីខាងលើ ចូលកង់រថយន្តមួយគ្រឿង ពុំចាំម៉ាក បណ្តាលឱ្យបែកក្បាលស្លាប់នៅកន្លែងកើតហេតុភ្លាមៗយ៉ាងអណោចអធម ហើយរថយន្តបានបើករត់គេចបាត់ស្រមោល។ សពនារីរងគ្រោះមានឈ្មោះ កង ភារម្យ អាយុ២៤ឆ្នាំ មុខរបរកម្មការិរោងចក្រ ស្នាក់នៅបន្ទប់ជួលម្តុំចំការព្រីង។

ក្រោយពេលកើតហេតុ សមត្ថកិច្ចនគរបាលខណ្ឌសែនសុខ សហការជាមួយនគរបាលជំនាញចរាចរណ៍ក្រុង ចុះមកវាស់វែងនៅកន្លែងកើតហេតុ ហើយក៍បានប្រគល់សពនារីរងគ្រោះ អោយក្រុមគ្រួសារដឹកយកទៅធ្វើបុណ្យនៅឯខេត្តពោធិសាត់ ចំណែកម៉ូតូទាំង២គ្រឿង ត្រូវបានដឹកយកទៅរក្សាទុកនៅការិយាល័យចរាចណ៍ជើងគោក ស្នងការនគរបាលរាជធានីភ្នំពេញដោះស្រាយគ្នាតាមនីតិវិធីនៅពេលក្រោយ៕

ខេត្តតាកែវ ៖ សមត្ថកិច្ចខេត្តតាកែវ បានកាប់បំផ្លាញដំណាំកញ្ឆាជាង ពាន់ដើម ដែលគេលួចដាំចំនួន៦ ទីតាំង នៅតាមចង្កេះភ្នំ ស្ថិតនៅភូមិជ្រោយ ឃុំព្រះបាទជាន់ជុំ ស្រុកគិរីវង់។ ខណៈសមត្ថកិច្ច បានចុះបង្ក្រាបទីតាំងខាងលើនេះ គ្មាននរណាម្នាក់ចេញមុខទទួលខុសត្រូវឡើយ។

អធិការរងស្រុកគិរីវង់ លោក ហៀម ស្រ៊ីម បានបញ្ជាក់ថា សមត្ថកិច្ចកំពុងបន្តនីតិវិធី និងស្រាវជ្រាវរកមុខសញ្ញាជនខិលខូច ដែលបានដាំដំណាំកញ្ឆា ដោយលួចលាក់នៅចំណុចដងអង់តែន ស្ថិតនៅក្នុងភូមិជ្រោយ ឃុំព្រះបាទជាន់ជុំ ដើម្បីយកមកផ្ដន្ទាទោសតាមច្បាប់។

លោកបន្តថា តំបន់នោះត្រូវបានអាជ្ញាធររកឃើញដំណាំកញ្ឆាជាច្រើនលើកមកហើយ ប៉ុន្ដែក្រុមជនខិលខូចមិនព្រមបញ្ឈប់សកម្មភាពរបស់ខ្លួនទេ។

សូមជម្រាបថា នៅថ្ងៃទី១៧ ខែកុម្ភៈ កន្លងទៅនេះ កម្លាំងជំនាញអធិការដ្ឋាននគរបាលស្រុកគិរីវង់ចុះរុករកកាប់ និងដុតបំផ្លាញដំណាំកញ្ឆាដែលជនខិលខូចលួចដាំដោយខុសច្បាប់ចំនួន៦ទីតាំង ស្មើនឹង ១ ៣៩៨ ដើមដែលបានដាំលើផ្ទៃដីប្រមាណ ៩៧៩ ម៉ែត្រការ៉េ និងអាងស្តុកទឹក ១ កន្លែង៕

ភ្នំពេញ ៖ មានការណ៍ភ្ញាក់ផ្អើលមួយខណះពេលធ្លាយស៊ីទែន ផ្ទុកហ្គាសដ៏ធំ នៅក្នុងយានដ្ឋានយីហោ សួនធម្មជាតិ ស្ថិតនៅតាមបណ្តោយផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីវេលាម៉ោង៩និង៤០នាទីព្រឹកថ្ងៃទី២១ ខែកុម្ភះ ឆ្នាំ២០១៩។

ប្រភពព៍ត័មានពីសមត្ថកិច្ចបានអោយដឹងថាដោយមានការរាយការណ៍ពីប្រជាពលរដ្ឋថាមានក្លិនសាយភាយមានចំហាយហ្គាសធ្លាយចេញធ្វើអោយមានការភិតភ័យដល់អ្នករស់នៅក្បែរនោះដោយមានការយកចិត្តទុកដាក់យាងខ្ពង់ខ្ពស់ពីលោកឧត្តមសេនីយ៍ឯកថេតអគ្គស្នងការរងនិងជាស្នងការនគរបាលរាជធានីភ្នំពេញបានបញ្ជារឱ្យការិយាល័យបង្ការពន្លត់អគ្គីភ័យបញ្ជូនរថយន្តពន្លត់អគ្គីភ័យរបស់ស្នងការនគរបាលរាជធានីភ្នពេញបញ្ជូនរថយន្តចំនួន៧គ្រឿងចេញទៅដល់កន្លែងកើតហេតុបាញ់ទឹកទប់ស្កាត់អស់ចំនួន២ឡាន និងរថយន្ត៥គ្រឿងផ្សេងទៀត ត្រៀមចាំបាញ់ទឹក ខណះមានហានីភយ័កើតឡើងដោយយថាហេតុ និងណែនាំឱ្យម្ចាស់យានដ្ឋានរកបច្ចេកទេសយ៉ាងណាកុំឱ្យមានលេចហ្គាសចេញមកទៀតជៀសវាងកើតមានគ្រោះអគ្គីភ័យបំផ្លិចបំផ្លាញទ្រព្យសម្បត្តិរបស់គាត់និងអ្នកដទៃ៕